S 2025
قير اوتماتيك
الممشى: 55 ألف كيلو
السلام عليكم ورحمه الله وبركاته ..
اعرض لكم نيسان التيما 2025
اللون : اسود
ممشى : 55 الف
الفئه ستاندر
قير : وكالة
مكينه : وكالة
شاصي : وكالة
( لو طلع خلاف ذلك انا اتحمل قيمة الفحص )
خير الكلام ماقل ودل الموتر انا المستخدم الثالث بموجز ولكن انا المستخدم الثاني الفعلي 👍🏻 ..
ببداء بملاحظات الموتر :
" اللهم اني ابرئ ذمتي ان اغش مسلما "
- مسجل عليه حادثين فقط حادث اول من المالك الاول وحادث مني انا وماهو حادث فعلي مجرد حكيت مرايته ولزم علي يباشر الحادث نجم ..
- الموتر فيه رشتين او 3 صغيره بحجم الكف ..
- الموتر جاه حادث من المالك الاول وماهو قوي ولكن ارباق الالتيما حساس على اي صقعه يطلع وطلع ايرباق السواق فقط ورجعته سستم وكاله كامل مع غطاء الدركسون ..
و بشكل عام تضررت القزاز الاماميه وغيرتها بقزاز اي كلام ناوي اخذ لها قزاز من الوكاله وماتفرغت بسبب دوامي .. والصدام والكبوت كلها وكاله بس فيها ملاحظات لانها من التشاليح نفس اللون بدون رش اللهم الكبوت بالمقدمه رشه صغيره جداً ..
وماني متاكد هل باب المعاون ايضاً متغير او لا لكني اضمن لك انه وكاله ..
- الدركسون ثقل علي مره رحت فحصته توقعت انه الدوده ولكن ماطلع شيء واضح وراح الثقل منه مع الوقت ..
المكيف ثلاجه تبارك الله ولكن تجي فتره يفصل من نفسه وتوقعت فيه مشكله لكن قالو مكيف الالتيما كذا ..
هذي كل التفاصيل والسلبيات اللي اعرفها ( والباقي كله وكاله ولله الحمد واكياس الوكاله باقي بالموتر ) 👍🏻
- اما من ناحيه الايجابيات :
1- عزلها ممتاز جداً وخاصه لو تم تغير القزاز الامامي وكاله
2- صرفيتها ممتازه جداً واقتصاديه جداً داخل المدينه وخارجها
3- موتر مريح ومراتبه مريحه وراسي بالخط
4- ماهو مكلف ولا متطلب حافظ على تغير الزيت وامورك طيبه
5- محافظ على تغير زيت القير والمكينه تغير القير القادم على 60
6- وسيع من الداخل
7- مكيفها قوي تبارك الله
8- موتر هادي ومافيه ازعاج ديكورات والمستخدم بيدعي لي
9- الموتر نشيط ولاني حق تدعيس يشهد الله ومحافظ عليه
سبب البيع : يشهد الله مالي نيه ابيع الموتر عاجبني وبشده ولكني مضطر بسبب امور ماديه بالبنك معطلتني .
- الموتر ماهو للبدل ( للبيع فقط )
قال تعالى : ﴿ وَأَوْفُوا الْكَيْلَ وَالْمِيزَانَ وَلَا تَبْخَسُوا النَّاسَ أَشْيَاءَهُمْ وَلَا تُفْسِدُوا فِي الْأَرْضِ بَعْدَ إِصْلَاحِهَا ﴾
فتح السوم من 60 الف ولن ينظر لـ اي سومه دون ال60 الف والرجاء لايسوم الا الصامل ..
للتواصل بحراج او واتساب .
0575075575
