سوزوكي جراند فيتارا 2008 قير عادي بنزين الممشى: 180 ألف كيلو  دبل سوزوكي جراند فيتارا 2008 - على يدي من ممشى 63 ألف معي 7 سنوات، مشتراة من شخص شراها من جامعة. أغلب استخدامها للسفريات، محافظ عليها ومحد يسوقها غيري. اعتمادية ونظيفة واستخدام شخصي بامتياز، وما كان بخاطري أبيعها بس محتاج قيمتها. المواصفات موديل 2008 / جير عادي / دبل خفيف وثقيل / 4 باب / مكينة 4 سلندر 2000cc / لون ذهبي بداخلية سوداء / ممشى 180 ألف بزيادة بسيطة. الإضافات • كفرات Roadstone كوري شبه جديدة (ثاني طقم من يوم شريتها، وما أغيّر إلا طقم كامل) • إسبير Bridgestone شد بلد، فكيته مرة مسافة بسيطة أول ما غيرت الطقم القديم • حساسات ضغط وحرارة داخل الكفرات مع تنبيه ارتفاع وانخفاض • دخول بصمة + سلف بصمة (دوار) • ريموت ومفتاح واحد + قاص مفتاح احتياطي لفتح الباب والكفر الخلفي • شاشة 128G/رام 8G مقاس الوكالة تقريبا 12 إنش مع أندرويد وكاربلاي + 4 كاميرات 360 (فيها خلل، أغلب الوقت مفصولة، تحتاج صيانة) + داش كام، والراديو الوكالة موجود مفكوك كفو • تنده مفصلة تفك بـ 6 مسامير، الأغطية والمسامير الأصلية موجودة • تنجيد أرض وكراسي (سويته أول ما شريتها)، الكراسي نظيفة جدا ومغطاة دايما الصيانة والقطع المغيّرة • زيوت الدفرنسات والجير مغيّرة • زيت مكينة Shell Helix 5W30 + فلتر وكالة كل 5000 كم أو أقل (فلتر كامري 2008) • Catch Can Oil مركب في تنفيس المكينة للنظافة • بطارية ACDelco جديدة (~6 أشهر) • الدبل شغال وما فيه أي مشاكل، دق سلف وسافر • صوفة مكينة أمامي وخلفي + كلتش ياباني + صحن كلتش + كلتش داخلي وكالة (شغل فلبينيين، السبب تهريبات بسبب التخزين، وحاليا ممتازة) • قماشات هايبرد (سيراميك + كربون) من مواقع أمريكية، قوية بالمسك وعمرها طويل + هوبات ياباني لها سنة + زيت بريك تغيير كامل (ثاني طقم قماشات أغيّره) • بواجي ليزر إبرتين من 5 سنوات • كمبروسر مكيف صيني ممتاز نفس شكل الوكالة + فلتر وماسورة وكالة من نص سنة (الأول ضرب فجأة)، التبريد ثلج في مكة والرياض عز الصيف • ماء رديتر Prestone مخصص سوزوكي (يمشي 300 ألف) • بلف وحساس حرارة وكالة غيرتهم احتياط، الحرارة ثابتة صيف وشتاء • زيت دركسون مغيّر احتياط القطع كلها وكالة أو شي ممتاز، وأتخير الفنيين الممتازين. العيوب (بكل شفافية) • تنقيص زيت مكينة خفيف (ممكن الصوفة الخلفية). أعبي 4 علب ونص مع الفلتر، بعد 3000 كم أوفي شوي، وبالغالب أوصل 5000 وما أوفي. • صوف الدفرنس الأمامي راحت وغيّرتها وكالة، بس الدفرنس فيه صوت. أكثر من فني طمّنني إنه ما يأثر، وأسافر فيها مكة والمدينة والرياض عادي (يحتاج دفرنس أمامي، وفيه ناس تفصّله بس ما أحب أغيّر عن الوكالة) • السيارة مرشوشة نظافة كامل للتناسق بسبب حكة بسيطة بباب السواق واللي وراه (للفحص)، والصور موجودة • البدي: ضربة قدر الكف ورا يسار، وطعجة بسيطة باب السواق فوق الجزاز، تم تعديلهم مع الرش • كشافات أمامي لصقة الحماية بدت تبهت (محلات الزينة يلمعوها بـ 80 ريال، شغل ساعة فك وتلميع) • جزاز أمامي مغيّر للفحص (انشرخ من حصمة في الرين) • قاعدة مرايا السواق انكسرت بالحكة ورديتها بمسمار داخلي (الحادث الوحيد ولله الحمد) • تبهيت بسيط بالكبوت من الشمس • للأمانة: الفحص وقت الشراء قال الرفرف اليمين قدام مغيّر، والباقي وكالة (على عهدته) السعر: 25,000 ريال - غير قابل للتفاوض الجاد فقط والصامل بالسعر يتواصل خاص. يرجى عدم التبخيس والتعليقات اللي ما لها