السلام عليكم ورحمة الله بحسب عنوان الإعلان، التفاصيل بالصور وأدناه الاجابة على بعض الاستفسارات الي قد تكون شائعة: 1- وش الموتر الي انت ركبت عليه الشاشة وموديله؟ وعلى ايش يركب؟ موتري 2023م كامري SE V6، ويركب على الي عندهم شاشة البيونر الصغيرة، الي على موديلات GLE, SE, SEV6. 2- هل الشاشة عملية؟ ليس بنسبة كافية لي. 3- هل تنصح فيها؟ لأ. أفضل انك تستخدم سيارة جايه من شد بلدها بالمميزات الي انت تحتاجها. 4- يعني أحافظ على شاشتي الحالية الي جاية من شد البلد؟ ايه انصحك وبشدة لين تشتري موتر فيه مواصفات. 5- هل الشاشة تمشي الحال وتعطي الانطباع الي استهدفه؟ ايه ان تبي صوت أضخم وأوضح على سماعات البلد، وشكلها طيب وتعطي صورة طيبة وتركب فيش بفيش من غير تجريح حياك الله. لكن بتزعجك بتقطيع الصوت بأقل من ثانية بتكرار متنوع من مره لثلاث مرات يوميا وذلك بمشوار يقارب 4 ساعات بحسب بتقديري وتجربتي الخاصة. 6- ليش بتبيعها؟ لأنه المشروع هذا بالكامل ما يصلح. شغله مظبوط لكن ما ناسبتني هالطريقة وأفضل ان الله يرزقني وياكم على موتر فيه المواصفات المستهدفه بحسب رغباتنا. 7- طيب ينفع معك سعر كذا؟ وبعد اسبوع صار السعر كذا؟ لا اعتذر منك البيع عالسوم بالعام امام الجميع مايخفى عليهم مو بالخاص ولا بالجوال وماني مستعجل عالبيع والحد استهدفه انا يكون مناسب وغير مبالغ فيه جدا مقارنةً مع الي يبيعونها بالسوق حالياً. 8- تعلمنا كيف نركبها ووش نحتاج ادوات؟ أرحب بمشاركة المعرفة بالتفصيل بدون اي تكاليف مادية وبالصور مفتاح البت بالمشروع خطوة بخطوة. الأدوات بسيطه مفك او درل مفك ويد قوة عاملة. 9- طيب انا عندي كامري اساس فيها بيونر JBL وابي الشاشة فقط؟ اعتذر منك البيع للي بيحولون من شاشة صغيرة لكبيرة والبيع كامل. لأسباب أهمها أنه مجهود تصميمها خذى وقت وبحث مكثف بالذات البحث عن فيش جهاز الخرائط المتعب الي كلفني وقت ومجهود اكثر من الازم للحصول عليها. قيمة الفيش رخيص لكن قيمة البحث والمجهود والوقت ما يقدر بثمن صراحه، بتلاحظ الفيش الي انا اتكلم عنه بصورة (B) المحدد باللون الأسود. 10- كرماً ان ارسلت لي بالخاص بالاسعار او استفسار ترى بعتذر منك وبقولك السوم والاستفسارات عالعام. والسلام عليكم ورحمة الله