لكزس ES 2007 قير اوتماتيك بنزين الموتر ما شاء الله تبارك الله مايشكي من شي غير الملاحظات الي بذكرها تحت ولا تعيبه يروح ويجي لكن ابراء لذمه والله والموتر تراه مرشوش كامل عشان الفحص وفيه حادثين بس ماوصلت لشاصي سليم ولله الحمد المواصفات: فل كامل DD (فتحة سقف، جلد، شاشة، كاميرا، بصمة، تبريد وتدفئة مقاعد، وغيرها من مواصفات الفل المعروفة). القزاز: الموتر كله قزاز وكالة ما عدا الأمامي متغير. الأغراض: معه كتالوجات الوكالة كاملة، ومعاه رقم البن (الـ Pin) حق المفتاح لو تبي تقطع أو تبرمج مفتاح جديد. الملاحظات (على الفحص والذمة): المكينة: مغيرة قبل 3 سنوات، ممتازة بالحيل ولا تشكي من أي شيء ولله الحمد اروح واجي على الموتر واسافر فيه الجنوب ماشاءالله من ابدع مايكون الدبات مفرغة. الدركسون: كان فيه تهريب في الليات وغيرتها بلي تجاري، وعلى أثرها صار فيه ثقل خفيف بالطارة والسيارة واقفة، لكن أول ما تحرك الموتر تصير الأمر طيبه والطاره سلسة. المكيف: يبغاله كمبرسر (وبعطيك مع الموتر كمبرسر ماخذه من واحد من العيال، للأمانة ما بعد جربته ولا أدري هو شغال ولا لا) ((الموتر على السوم أقبل بالبدل بالسيارة المناسبة او فورد كراون فكتوريا ولا ماركيز )) الفحص جديد والاستماره جاهز لنقل الموتر التواصل: في الخاص ، والمعاينة خير برهان.