تويوتا 2013 قير اوتماتيك بنزين السلام عليكم ورحمة الله وبركاته 🌹 فضلاً اقرأ الإعلان كامل قبل التواصل، وأذكر الله. إذا كنت تبحث عن سيارة نظيفة ومصروفة عليها وما تحتاج تدخل ورشة بعد الشراء، فأكمل قراءة الإعلان. للبيع: تويوتا أوريون جراندي 2013 (فل كامل) سيارة استخدام شخصي، وليست سيارة تجميع للبيع. السيارة ولله الحمد تمت العناية فيها بأدق التفاصيل، وكل قطعة احتاجت تغيير تم تغييرها بدون بخل وبقطع أصلية قدر الإمكان. ما وفرت فيها ريال، والهدف كان المحافظة عليها لأطول فترة ممكنة. الحالة الميكانيكية: * المكينة: شرط * القير: شرط * الشاص: شرط الممشى: 400 ألف كم (أغلبها خطوط، وهذا أفضل من ممشى المدينة). الصيانة: السيارة ما تعرف الإهمال، وكل صيانتها منتظمة، ومنها: * تغيير زيت المكينة كل 5000 كم مع فلتر زيت أصلي. * تغيير زيت القير الأصلي كل 70 ألف كم. * مساعدات الأربع جديدة. * الأكصين جديدة. * كراسي المكينة جديدة. * جميع الجلود جديدة أصلية. * جلود ومسامير التوازن جديدة. * جميع سيور المكينة جديدة أصلية. * تغيير البواجي الأصلية كاملة. * تنظيف البخاخات. * تنظيف حساسات الأكسجين والشكمان. * تغيير فلتر الهواء وفلتر المكيف وفلتر البنزين. * استخدام موية تويوتا الحمراء الأصلية فقط طوال فترة الاستخدام. جميع الفواتير موجودة، والكتالوج الأصلي موجود، ومفتاحين وكالة متوفرة. المواصفات: * جميع الحساسات شغالة. * كاميرا خلفية شغالة. * الشاشة والسماعات شغالة بدون أي ملاحظات. * المقاعد الكهربائية مع الذاكرة شغالة بالكامل. * فتحة السقف شغالة 100%. * الداخلية نظيفة جداً والجلد محافظ عليه. * الاستبنة وشنطة عدة الوكالة موجودة. * المكيف ثلج ثلج ما شاء الله حتى مع عز الصيف. الملاحظات بكل شفافية: * يوجد حادث بسيط جداً في الرفرف الأمامي الأيمن، وفتح بسببه إيرباق الطبلون فقط وتم استبداله، وصور الحادث موجودة بكل شفافية. * السيارة مرشوشة كامل رش تجميلي احترافي بسبب آثار الاستخدام، بدون قص أو تعديل أو لعب في الشاص، وفيها معجون خفيف جداً. كلمة أخيرة: هذه ليست سيارة غسيل وتلميع فقط، هذه سيارة تم تجديدها من صدام إلى صدام، وكل ما احتاج صيانة أو تغيير تم عمله مباشرة بدون تأجيل. إذا اشتريت السيارة بإذن الله لن تحتاج تصرف عليها شيء، فقط عبّ بنزين، شغلها وامش بها داخل المدينة أو سافر بها لأي مكان وأنت مرتاح. الفحص في أي مكان يختاره المشتري، وأنا واثق من السيارة ولله الحمد. وصل السوم 47 ألف ريال ولم يتم البيع. الحد: 50 ألف ريال. صرفت على السيارة أكثر من 18 ألف ريال في الصيانة والتجديد، واللي يعرف الأوريون ويعرف قيمتها بيقدر هالكلام. إذا أنت جاد وحاب سيارة نظيفة ومصروفة عليها، حياك الله. أما السومات البعيدة عن الحد، فأرجو عدم الإحراج وتوفير وقتي ووقتك. الله يبارك للبائع والمشتري ويرزق الجميع من