تويوتا لاندكروزر G 2026 قير عادي بنزين السلام عليكم عندي موضوع ملاحظه و اتمنى اسمع رأيكم بكل مصداقية اغلب اللي يعرضون سياراتهم للاسف يقارنون باسعار المعروض و فيه تفاوت عجيب بالاسعار و زد على ذلك اللي بيعرض سيارته الله يرزقه من واسع فضله و لكن تصور سيارتك بفلاتر السناب انت كذا ما نقلت السلعه بشكل صحيح و يعتبر فيها نوع من اخفاء العيوب صار معي كم موقف من بعض الناس اللي عارض سيارته شفت الصور و كلمته و اتفقنا على سعر مبدئياً و ارسل الموقع و انتم عارفين الرياض و المشوار و الزحمه و اخر شي اللي بالصور مختلف عن الواقع قلت ليش تعنيني و هذا تصويرك و الله حرام عليك قلت الله يسامحك هذا اللي اقول و فيه ناس تجي من خارج الرياض و يحصل اختلاف و تعب و جاء و مصاريف و بعدين الاسعار كل واحد كاتب السوم بكذا و الاغلب و الله ما جاه سوم بس يحط المبلغ اللي يبي و يقول سوم و اللي جاي يقارن بالاسعار يحط نفس السعر يجب مراعاة ممشى السيارة و البدي و النظافه و ذكر السوم الحقيقي ،،، عرضت سيارتي و قيمت سعرها 45 الف يزيد شوي و ينقص شوي عادي و الله استغربت انهم وصل السوم 60 و قلت تم نصيبك و لا شفته و لا جاء بس يرفع السوم عشان اتمسك انا بالسعر و يوحي ان هذا اسعارها تتبعت السوام و حصلته عارض مثل سيارتي و يمشي على نفس الموديل و يرفع السوم عشان يقنع الزبون ان هذا السعر و الله ما يجوز يا جماعه ،،،،،،،،، لكن اللي يبي يشوف كم سعر سيارته و يقارن ينزل المعارض و يشوف الاسعار بنفس المعرض و ينزل شوي و لا يحد زيهم و الله يرزقه و لكن ترفع سعر و الله اني لاحظت الشي الكثير و انا اطلت عليكم و لكن راعوا الله بالناس اللي تجي من خارج المنطقة و اعرض سيارتك بدون فلاتر و لا لو فحصتها ما تكلفك 100 ريال و تضيفه بالاعلان و ربي يبارك لك في رزقك