لو عايز تعرف مطعمك رايح فين ماتبصش على المطعم شكله ايه اتفرج على فريق العمل لو لقيت كل واحد شغال في وادي لوحده اعرف إن فيه مشكلة لو لقيت الدخول والخروج كتير اعرف إن مفيش انضباط لو لقيت ناس جاية تقضي وقتها مش جاية تشتغل اعرف إن الإدارة غايبة لو لقيت شيف بيشتغل بدماغه من غير ريسيبي وشيف تاني عامل وصفته كأنها الخلطة السرية وشيف تالت ماسك الموبايل وشيف رابع مختفي كل شوية اعرف إن التشغيل ماشي بالبركة ولو لقيت الشلل والعلاقات الشخصية أقوى من روح الفريق والتعاون اعرف إن كل واحد بيلعب لحسابه ساعتها أنت مش داخل مطعم أنت داخل سوق كل واحد بيشتغل بطريقته ومن غير سيستم ولا إدارة ولا إجراءات تشغيل واضحة المطعم الناجح عمره مايكون اعتماده علي شخص ..المطعم الناجح بيعتمد علي نظام بيدير الأشخاص المطعم الناجح هو اللي أي موظف يشتغل فيه يلاقي نظام معمول من اول يوم يمشي عليه محمد الشناوي مؤسس بيت المطاعم استشاري تأسيس وتشغيل وتطوير المطاعم والإعاشة أساعد أصحاب المطاعم والمستثمرين في تقييم وتأسيس وتطوير وتشغيل مشاريعهم