SLE 2012 مستخدم قير اوتماتيك بنزين الممشى: 300 ألف كيلو أو أكثر  دبل السلام عليكم ورحمة الله وبركاته (الرجاء قراءة الاعلان كاملًا قبل التواصل للشراء) _________________________________ *المقدمة* اقدم لكم جمس سييرا 2012 اللون الأحمر فئة SLE فل كامل دبل السيارة قمة بالنظافة والمحافظة ولله الحمد ، ممشى السيارة 350 ألف وارد الجميح 1500HD بسعة مكينة (5.3L) ثمانية سلندر (V8) لا انلعب بالمكينة ولا تعدل فيها ولا انضاف لها شي مكينة بلدها. _________________________________ *أبرز المواصفات* - دفع رباعي (4WD) - مثبت سرعة - تشغيل عن بعد - طبلون دجتل حق وكالته لمعرفة السرعة والتنبيهات - مقاعد قماش على حالة وكالتها ولله الحمد - تحكم بالمرايات - محرك 5.3L ثمانية سلندر V8 - وضعيات الدبل (ثقيل - خفيف - عادي - أوتو) __________________________________ *النقاط الأساسية* (القير): عالشرط وبلد لم يفك أو يوضب. (المكينة): عالشرط ولم تفك أو توضب. (الشاصي): بلد ولا توجد أي دقات فيه أو لحام أو تآكل. (الارباقات): عالشرط وبلد. (البدي): مرشوش تجميلي بسبب تبهيت اللون من قبل مالكه السابق وهذا شي ما يعيب في نظافة الموتر وجودة الآداء والسيارة تبارك الرحمن اكه وسبير الوكاله موجود على حاله وكالته ما قد نزل. _________________________________ *الاضافات* - مبرد قير 40 الف وحدة. - بلف حرارة رياضي. - سطبات خلفية رياضية تتحمل الاجواء الحارة والماطرة. - غطاء حوض من شركة (🕷Spider) على تصميم طبقات يتحمل الطرق الوعرة وحرارة الشمس وعليه مثبت للغطاء يتحمل السرعات والمرتفعات. - يايات كنق فئة الطرق الوعرة (OFF Road). - جنوط مقاس 20 انش ترسي الموتر بالخط وتعطي شكل ووقفه + يجي مع الموتر جنوط وكالته الـ17 انش مع الـ20 في حال تم الشراء. - مركب له فلم حماية (PPF) للوجهية + غطاء تانكي البنزين قبل شهرين من شركة (3M) المعروفة وبضمان 10 سنوات يعني شغل وامسك خطك مرتاح بدون هم سافي ولا غيره. - مساعدات بلستين بقيمة (3500) تمتص المطبات والحفر. - طالب له شاشة من أمريكا تعمل بنظام الوكالة فيها (Apple Car Play) مع كاميرا خلفية توصل الأربعاء في حال انباع الموتر ابد توصل الشاشة وياخذها والله يبارك له سواء يبي يركبها ولا يخلي المسجل. - المسجل شاريله قطعه بلوتوث تشبكها بمنفذ الـ(USB) والذيل حقها بمنفذ الـ(AUX) وتربطها على جوالك صوتها بسم الله ما شاء الله عالي وواضح وبدون تقطيع او تشويش. ________________________________ *القطع الاستهلاكية والزيوت* تم تغيير القطع الاستهلاكية على السيارة من مقصات وعكوس وفحمات واقمشة وبواجي وكل القطع الاستهلاكية المغيرة اصليه بختم (GM) وتنظيف لبوابه الثروتل وتغيير الزيوت كل 4 إلى 5 آلاف بشكل منتظم لدى شركة بترومين المعروفه وفواتيرها موجودة. الموتر لا توجد فيه ولله الحمد أي مشاكل بالقطع الاستهلاكية والزيوت وتغييرها دايمًا أول بأول عشان يعطيني الجمس آداء مريح وممتاز. ________________________________ *الخلاصة* السيارة بسم الله ما شاء الله جاهزة على اكمل وجه والله يبارك للبايع والشاري دق سلف بس وتوكل على الله . موتري الشخصي استخدمه انا للسفر والعمل والروحه والجيه ولله الحمد من اشتريته لين عرضته للبيع وانا مهتم فيه، والبيع على السوم.