السلام عليكم ورحمة الله وبركاته حبيت أنبهكم ياأخواني فيه عينات نصبّ وإحتيال بطرق ماتطري على بالك اليوم دخلت قسم الأغنام الماعز وشفت واحد عارض غنم عرضيات عددها 38 وسألته كم السعر قال لي ب 24000 كلها سعر ولا في الخيال قلت له وين الموقع وجيته لحد الموقع وفعلا شفت الغنم طيبات ومستحيل انها بالأسعار هذي قال شريت قلت ايه طيب هذا حسابي حولي والغنم توصلك إلى مكانك قلت خلاص رحت من عنده. وكل شوي يدق يالاخو انت شريت ولا لا قلت ايه شريت قال ترى الان عندي واحد فارق السوم ب 500 أنا نغزني قلبي من كثر اتصالاته كل شوي يدق يالله حول ابو الشباب يدور فريسه عشان ينصب عليها ويخلي الناس يحولون بعدين يطقه بلوك والنظام لايحمي المغفلين يعني لو رحت تشكي قالو انت محول له ونت بكامل قواك العقليه حبيت انبه الجميع إذا بتشتري خل فلوسك كاش وأشتر خذ وعطني