هيونداي سوناتا ليميتيد 2016 مستخدم قير اوتماتيك الممشى: 300 ألف كيلو أو أكثر سوناتا 2016 فل كامل – بدون بصمة السيارة مجددة بالكامل من الصدام للصدام، وتم رشها كامل تجديد لون بسبب التبهيت وبعض الطقات السابقة على البدي. المواصفات والتجديدات: * الداخلية كاملة مغير الجلد ومجملة وملمعة. * كفرات جديدة، ما كملت شهر، نوع تايلاندي. * شاشة أندرويد، مع جهاز الملاحة الأصلي من الوكالة. * ليد داخلي. * شمعات أمامية جديدة. * تحويل أنوار الزينون ومشاكلها إلى ليد، وأقوى وأفضل من السابق. * إصلاح الأنوار الخلفية والليد الخلفي. * الجنوط تم إصلاحها وإعادتها لوضع المصنع بدون رش. المكينة: السيارة شريتها وهي ماشية 488 ألف كم، وكانت المكينة مغيرة قبل الشراء إلى مكينة دوج، وحالياً العداد 500 ألف كم. تغيير الزيت يتم لدى بترومين كل 4,500 كم، والمكينة ولله الحمد ما تنقص زيت ولا يسود، وصوتها ناعم جداً. تم تغيير جميع بطن السيارة بقطع جديدة، ومنها: * مقصات * مساعدات * أذرعة * جلد أذرعة * كراسي مكينة * كراسي قير * رديتر * سيور + مكرات وبكرات * مروحة * فحمات * قماشات * تروس دركسون * ليات حار وبارد * طبة بلوف * بلف حرارة * ليات ماء * ثلاجة مكيف * بطارية * طقم فيوز * مرايات جانبية اصلية وارد كوريا الملاحظات بكل وضوح: * فيها ضربة في السمكة والباب الخلفي يسار. * فيها طعجة بالرفرف الأمامي يسار. * جميع الملاحظات موضحة بالصور. * القير يحتاج برمجه لان فيه نتعه عند التهدئه بعض الاحيان. السيارة تم صرف مبلغ كبير عليها من ناحية الصيانة والتجديد، واللي يشتريها يعرف وش أخذ، وما فيها شيء مخفي، والصور توضح الحالة والملاحظات كاملة. السيارة فل كامل بدون بصمة وبدون نقط عمياء وللمعلومية السيارة فيها ازرار تسخين وتبريد المقاعد لكن حسب اللي فهمته من الكهربائي ان المالك السابق لاف السلك ومانع التوصيل واقدر اخذ محول من قطع الغيار ب 75 ريال واشغل التسخين والتبريد للمقاعد * تحمل لوحة مميزة * اللوحة لحالها انسامت ب 5000 قبل 3 ايام والبيع السيارة باللوحة بدون تجزئة السيارة على السوم ، عطوها حقها اي سومه بالخاص لن تقبل