شيفروليه كابريس 2006 مستخدم بنزين السلام عليكم ورحمة الله وبركاته، للبيع شفروليه كابرس موديل 2006، فئة LS (6 سلندر اقتصادي)، اللون فضي. الموتر استخدام شخصي يومي و السفريات، وراسي في الخط. 🔹 مواصفات السيارة: * الموديل: 2006 * الفئة: LS (6 سلندر اقتصادي جداً) * اللون: فضي * الممشى: 400 ألف وكسور * الاستمارة: سارية المفعول (متبقي سنة) * الفحص الدوري: جديد بتاريخ الأربعاء، 29\2\1448هـ 🔹 الحالة الميكانيكية (الشرط): * المكينة: مغيره ومضمونة شرط (عدم وجود حرارة والمؤشر على الربع، لا دخان، ولا نقص زيت). * القير: على وكالتها بحالة جيد (على الفحص). * الديفرنس: بحالة ممتازة (على الفحص). * الأيرباقات: سليمة بإذن الله (على الفحص). * التكييف: شغال وبارد جداً ما شاء الله تم تركيب مروحه إضافة فقط لزيادة اداء التبريد خصوصاً في الأجواء الحاره حالياً 🔹 البودي والداخلية: * الشاصي و البودي: توجد بعض الملاحظات البسيطة، لكن يعتبر نظيف جداً وممتاز مقارنة بموديله (افحص وفحصك ما يغشك). * الداخلية: نظيفة وبحالة جيدة، تحتاج فقط بعض الترتيبات البسيطة. 🔹 الصيانات الأخيرة التي تم تغييرها (جاهز للمستخدم): * تغيير 4 مساعدات جديدة بالكامل. * تركيب أقمشة جديدة مع خرط الهوبات الأربعة. * تركيب طقم مسامير توازن أمامي. * عمل صيانة دودة دركسون يحتاج أيضا الى طقم إصلاح و ( جاري العمل على السيارة) في وقت الفراغ 🔹 معلومات تهم المستخدم: * السيارة اقتصادية جداً في البنزين (الفل من 130 إلى 150 ريال، يمشيك من 700 إلى 860 كم السرعة النظامية). * السيارة راسية جداً في الخطوط و المنعطفات، ومناسبة جداً لطلاب المدارس، الجامعات، أو للمبتدئين في القيادة. * الموتر أستخدمه بشكل يومي و اسافر عليه مسافات بعيدة وقريبه . * عليها اربع كفرات طقم نقشه واحده و اسبير بحاله جيده جدا و عفيرته وكالة 📌 ملاحظة: الموتر لا زال تحت استخدامي الشخصي حتى يكتب الله فيه البيعة السمحه بيني وبين المشتري "الفحص خير برهان". 📞 للتواصل: [الصامل اللي له رغبة يشوفها على الطبيعة يتواصل على الخاص] . والرجاء عدم بخس السلعة، الصامل ما اقصر معه ان شاء الله. السعر [ عند الاتصال او عند المعاينة] وشكراً