S 2025 مستخدم
قير اوتماتيك
الممشى: 59 ألف كيلو
السلام عليكم ورحمه الله وبركاته ..
اعرض لكم نيسان التيما 2025
اللون : اسود
ممشى : 59 الف قابل للزيادة
الفئه ستاندر
قير : وكالة
مكينه : وكالة
شاصي : وكالة
( لو طلع خلاف ذلك انا اتحمل قيمة الفحص ) ✅
خير الكلام ماقل ودل الموتر انا المستخدم الثالث بموجز ولكن انا المستخدم الثاني الفعلي 👍🏻 ..
ببداء بملاحظات الموتر :
" اللهم اني ابرئ ذمتي ان اغش مسلما " 👍🏻
- مسجل عليه 4 حوادث فقط 3 حوادث من المالك الاول واحد منها قوي شوي والباقيه كلها حكوك ومن ضمنها حادث مني انا وماهو حادث فعلي مجرد حكيت مرايته ولزم علي يباشر الحادث نجم ..
- الموتر فيه 3 او 4 قطع رش صغيره وحده فيها معجون ..
- الموتر جاه حادث من المالك الاول وعلى اثره طلع ارباق السواق فقط و ارباق الالتيما حساس على اي ضربة يطلع .. وطلع ايرباق السواق فقط ورجعته سستم وكاله كامل مع غطاء الدركسون ..
- و بشكل عام تضررت القزاز الاماميه وغيرتها بقزاز اي كلام ناوي اخذ لها قزاز من الوكاله وماتفرغت بسبب دوامي .. والصدام والكبوت كلها وكاله بس فيها ملاحظات لانها من التشاليح نفس اللون بدون رش اللهم الكبوت بالمقدمه رشه صغيره جداً ..
والبابين المعاون واللي خلفه متغيرة وكاله يبي لها وزن بس عشان صوت الهواء .
- الدركسون ثقل علي مره رحت فحصته توقعت انه الدوده ولكن ماطلع شيء واضح وراح الثقل منه مع الوقت ..
المكيف ثلاجه تبارك الله ولكن تجي فتره يفصل من نفسه وتوقعت فيه مشكله لكن قالو مكيف الالتيما كذا ( ويحتاج له حساس كمبرسر )
- الموتر له معاي فترة طويله ما عانيت منه بشي وامسك عليه خطوط كثيره .. يحتاج استهلاكات ارضيه بسيطة وايضاً الكفرات كانها بدت تحبل ..
هذي كل التفاصيل والسلبيات اللي اعرفها ( والباقي كله وكاله ولله الحمد واكياس الوكاله باقي بالموتر ) 👍🏻
- اما من ناحيه الايجابيات :
1- عزلها ممتاز جداً وخاصه لو تم تغير القزاز الامامي وكاله وتوزين الباب وتركيبه بشكل صحيح .. ✅
2- صرفيتها ممتازه جداً واقتصاديه جداً داخل المدينه وخارجها✅
3- موتر مريح ومراتبه مريحه وراسي بالخط✅
4- ماهو مكلف ولا متطلب حافظ على تغير الزيت وامورك طيبه✅
5- محافظ على تغير زيت القير والمكينه تغير القير القادم على 60✅
6- وسيع من الداخل ✅
7- مكيفها قوي تبارك الله✅
8- موتر هادي ومافيه ازعاج ديكورات والمستخدم بيدعي لي ✅
9- الموتر نشيط ولاني حق تدعيس يشهد الله ومحافظ عليه✅
سبب البيع : يشهد الله مالي نيه ابيع الموتر عاجبني وبشده ولكني مضطر بسبب امور ماديه بالبنك معطلتني ✅
قال تعالى : ﴿ وَأَوْفُوا الْكَيْلَ وَالْمِيزَانَ وَلَا تَبْخَسُوا النَّاسَ أَشْيَاءَهُمْ وَلَا تُفْسِدُوا فِي الْأَرْضِ بَعْدَ إِصْلَاحِهَا ﴾
الموتر على السوم والرجاء لايسوم الا الصامل لمضيعه الوقت ..
