فورد توروس SEL 2011 مستخدم قير اوتماتيك بنزين الممشى: 1 ألف كيلو السلام عليكم ورحمة الله وبركاته معي تورس 2011 SEL ممشى 392000 السياره فيها مشاكل ولكن امورها تمام وشغاله معاي الى اليوم ما اشتكت من شيء ولله الحمد المشاكل من الخارج : فيها كم حادث وصل لحاوية الاسبير وللشاصي الخلفي يمين وحادث قدام تضرر منه جسر الصدام الأمامي وبداية شاصي خفيف مره والبدي فيه حكات والصدام مو متثبت اثر حادث مثل ما هو موضح بالصور والسياره انرشت كم مره المشاكل الميكانيكية : اغلب الاشياء قطع استهلاكيه ولكن اهم المشاكل فيه فضاوه بالعكوس وينتج عنها نتعه عند تحويل الغيارات بالقير مثلاً من D الى R امورها بسيطه نسبياً وفيها بعد علبة دركسون وهاذي عيب مصنعي اشتهر بالموديلات ذي المشاكل الكهربائيه : تخلو من المشاكل الكهربائيه ولله الحمد ولكن فيه بس حساس وحده من الكفرات خربان عشان كذا اللمبه مولعه بالعداد السياره ماشيه معي زي الحلاوه ولا قد اشتكت من اي شيء ولله الحمد سبب البيع : الحاجه السعر على السوم ، والمطلوب فيها 18000 قابل للتفاوض