GX 1998 مستخدم قير عادي بنزين اعرض لكم جكسار 1998 قير عادي الموتر اساس تماتيك ومحول قير عادي عند الخضير اكثر من 8 سنوات وشغل توب التوب الحمد لله وشرط الممشى 700 الف - الداخلية رصاصي -فحص واستمارة جديد ((البدي)) كان جكسار بيبان صفاق سبير وسلالم وازياك سود وحولته جكس خلفية ستارة وحطيت مكان الفراغات معجون ورشيتهن وباقي البدي ان شاء الله انه شرط وسليم وعلى الفحص في حكات بسيطه على وضععهن ((البطن)) الموتر منفوض كامل من والى باكثر من 15 الف ريال من بدي وتلميع ووجهية وخلفية وصداديم ونسافات اصليه وكفرات دنلوب 2025 وجنوط فكسار اصليات ودودة وطرمبة ومكيف وبطن واذرعه وفرامل وبطارية وسلف واصلاحات وعكوس وركب ومقصات ورباطات ورش بطن وتجاليد وكالة للكبوت والتندة وكل شي منفوض ومصين اول باول عليه تدبيل مساعدات صاكس الصمعاني قدام وورا مساعدات فكسار ويايات استرالية عليه عزبه كامله كلها جديده ((شاصي)) شرط - دبل شرط ((المكينة)) قد توظبت نص توظيب اصلي قبل 5 سنين تقريباً وبالشتاء العام اجلده جلد كشتات وروحات وجيات ينقص كل 1500 كيلو تقريباً علبه ولايدخن ولايحتر وعزمه طيب مصين دائرة الماء كامله جديده ومشيكن عليها وجه راس جديد ومسح ، وتشييك على طرمبة الماء وغيرت رديتر اردني 3 طبات وبلف تويوتا ديزل المروحة بلد الحرارة ماشاء الله نم نوم - باختصار الموتر تعبان عليه مره مره والصامل يجي ويفحص ويشوف وان طلع به اي عيب م ذكر انا اتحمل الفحص يوجد ملاحظة وحده فقط ونة بالكارونة لها سنين من راعيه الاول وللحين على حالها ولاضرت ذكرت كل شي اعرفه بالتفصيل الحد 40 غير قابل للتفاوض الموقع الزلفي والصامل يجي ويشوف ويفحص ويناظر واعتذر من الرد بالعام او الواتس اللي ييي شي يتواصل خاص ويجي يشوف والله يبارك لنا ولكم