أرجوك بلاش تلعب فيه طول ما هو شغال اليومين دول لاحظت إن فيه استشارات كتير بتجيلي عن مطاعم بخاري مبيعاتها نزلت أو المشروع مش ماشي بالشكل المتوقع والغريب إن فيه حاجة مشتركة بين أكتر من حالة المحل معمول له نيو لوك كامل ديكور مختلف ألوان مختلفة ستايل أقرب للمطاعم الحديثة وكل حاجة تقريبًا اتغيرت عن الشكل اللي العميل متعود يشوف عليه مطعم البخاري وده خلاني أفكر هو إحنا بنطور فعلًا ولا بنغير لمجرد إننا عايزين نبقى مختلفين؟ عميل البخاري اتعود سنين على شكل معين واجهة معينة طريقة عرض معينة جلسات وأجواء معينة الشكل ده بقى جزء من الصورة الموجودة في دماغه عن مطعم البخاري يدخل المكان فيفهم المنتج ويطمن له قبل حتى ما يطلب تيجي إنت تغير كل ده مرة واحدة وتعمل حاجة بعيدة تمامًا عن اللي العميل متعود عليه ممكن تكون عملت ديكور أجمل وأغلى لكن هل عملت مطعم أقرب لعميلك؟ أنا مش ضد التطوير طور النظافة طور الجودة طور الخدمة طور التغليف طور التشغيل وحدث الديكور لو محتاج لكن متكسرش هوية نشاط ناجحة لمجرد إن الجديد شكله أحلى وأكيد مش بقول إن ده السبب الوحيد لفشل أي مطعم بخاري لكن أعتقد إنه عامل يستحق الدراسة خصوصًا لما نفس الملاحظة تتكرر أوقات النجاح مش إنك تغير كل حاجة أوقات قمة النجاح إنك تعرف إيه اللي محتاج يتغير وإيه اللي لازم تسيبه زي ما العميل بيحبه وطول ما الحاجة شغالة وعميلك متقبلها أرجوك بلاش تفتكس فيها لمجرد التغيير شركة بيت المطاعم دراسات الجدوى التأسيسية والتشغيلية تأسيس وتشغيل وتطوير المطاعم ومشاريع الإعاشة تقييم المطاعم قبل الشراء والاستثمار وساطة بيع وتقبيل المطاعم