نيسان باثفندر S 2010 مستخدم
قير اوتماتيك
بنزين
الممشى: 295 ألف كيلو
دبل
ابدأ بذكر الرحمن والصلاة على النبي واختم فيها ودقق بالتفاصيل المذكوره قبل تتصل.
ماشي 295400
مستخدم واحد اكثر من 11 سنه
تم توضيب المكينه بقطع نيسان اصلي قبل اسبوعين وعليها ضمان 6 شهور من الورشه المختصه وقبل نزول الاعلان تم تغيير زيت المكينه والفلتر وفلتر الهواء بعد التليين و التاكد ان التوضيب باذن الله 100٪ لاتبخير لا تنقيص لا حراره وعزم ماشاءالله خيالي وللعلم المكينه 6 سلندر 4000 سي سي 266 حصان وعزم دوران 388 وحش يمشي على الطريق. البانزين 91
القير والدبل والعكوس والجلد وذراع الدبل والكرونا والطنجره والعضلات مشروطه وتم تشييكها وزيوتها مع التشييك على الركب والمقصات والمساعدات والفحمات والهوبات والفحمات والفلنجات ومسامير التوازن والجلب لدى ميزان البلاد العريق ويوجد تقرير بسلامة ماذكر والسيارة صافيه ومتماسكة ولا اصوات ولا قربعه والتجربه خير برهان.
تم تنظيف وتسيخ الراديتر والتشييك على دورة التبريد كامله وتزويده بماء اصلي
المكييف ثلج حرفيا وهذا معروف عن نيسان ويوجد مكيف خلفي للصف الثاني فقط.
جميع زجاج السيارة وكاله بما فيها الاماميه.
السيارة تم عمل صيانه شامله وتشييك كامل لها مع تركيب طقم كفرات جديده ماركة فريزا سرعه عاليه وحراره عاليه ودرجه اولى2026 ضمان 3 سنوات وكيله بن شيهون وبطاريه 80 امبير ضمان سنتين المتحده وتم تركيب قفل جديد لباب السائق اصلي وطقم مساحات اصلي وانوار ليد عالي واطي وكشافات ليزر جميعها مضمونه سنتين وتظليل امريكي نانو يعزل 85 ٪ كامل السياره وفرشه ارضيه داخليه قص ليزر احدث الفرشات الارضيه الدارجه (الهبه) مع تنظيف وتلميع المراتب والديكورات والابواب وتم تركيب شاشه حديثه جدا فيها قنوات بث حي وتدعم ابل كار بلي واندرويد ضمان سنتين الوكيل.
تركب السيارة ينشرح صدرك من النظافه والترتيب.
البودي فيه رفرف خلفي يمين مغير جديد اصلي وكاله والايرباق لم يخرج ومغير وكاله وباب السائق مغير جديد وكاله والباقي مشروط
السيارة تم تلميعها بعد رش السيارة كامل تجميلي بسبب البهتان.
السيارة معاها كتلوجات الوكاله ومفاتيح 2 ريموت وسبير وعدة كامله وسله حنايا عفش شد بلد.
جاهزه مؤمنه للنقل استماره وفحص جديدة.
رجاء مراعاه وقت الاتصالات وافضل الواتساب في كل الاوقات والأحوال.
السعر سوم من صامل وفاحص ب 18000 ولا تزال قائمة من صاحب السومه ونطلب من الله الزود والله يرزق الجميع من واسع فضله.
ملاحظه هامة جدا: يتحمل البائع قيمة الفحص كامله اذا تبين خلاف ماذكر بالاعلان.
والسلام عليكم ورحمة الله
