هيونداي اكسنت 2013 مستخدم قير اوتماتيك بنزين الممشى: 160 ألف كيلو للبيع اكسنت 2013 أنا المستخدم الثاني للسيارة، شريتها عام 2015 وممشى السيارة كان 70000 تقريبا واستخدمتها لمدة 11 سنة. تاريخ السيارة: خلال فترة استخدامي صار لي حادث واحد خفيف، انكسر فيه الصدام الأمامي وقربة الهواء والكشاف، وتم تغييرهم كلهم. وقت ما شريت السيارة، المالك الأول ما ذكر لي إن السيارة صار لها أي حادث سابق واستخدمت السيارة طوال هذي السنوات ولله الحمد بدون مشاكل. المحرك: قبل حوالي سنة غيرت المحرك بسبب دخول الماء للمحرك وتصلبه، والسبب كان قربة الهواء مكسورة ودخل منها الماء للمحرك. للتوضيح، ارتفاع الماء كان أقل من نص متر والسيارة ما غرقت. تم تركيب محرك كوري، وصاحب الورشة أفادني إن ممشى المحرك الجديد قريب من ممشى المحرك القديم على ضمانة صاحب الورشة. استخدمت المحرك الجديد لمدة سنة تقريبًا بدون مشاكل ولله الحمد. الملاحظة الوحيدة إن الـRPM ينزل شوي عند الوقوف، لكن ما يأثر على السيارة ولا يقفلها ولا يأثر على استخدامها. حالة السيارة: القير سليم ولله الحمد. المكيف شغال وبارد ولله الحمد. فيه خدش في الصدام الأمامي فقط. الفحص الدوري: قبل حوالي 3 أشهر السيارة ما اجتازت الفحص الدوري بسبب: بوية السيارة كانت مبهتة، وتم رش السيارة كاملة، وفيه عيوب لا تذكر بسيطة جدا في البوية. كان فيه صوت طقطقة في علبة الدريكسون، وتم إصلاحه. الكشافات والاسطبات كانت مبهتة، وتم تغييرها كلها. بعد الإصلاحات تم فحص السيارة مرة ثانية قبل حوالي شهر، واجتازت الفحص الدوري بنجاح ولله الحمد.