SV 2014 مستخدم
قير اوتماتيك
بنزين
الممشى: 300 ألف كيلو أو أكثر
السلام عليكم ورحمة الله وبركاته
اعرض لكم سيارتي من نوع نيسان التيما موديل 2014 فئة SV
المحرك : v6 ستة سلندر
الممشى : 528900 كلم - قابل للزيادة استخدام يومي
المالك الاول من الوكالة
قير من نوع : CVT
المكينة بحالة ممتازة لا نقص ولا حرارة وعزمها جبار والصرفية ممتازة وتعتمد على نمط قيادتك
تقريبا داخل الرياض مع الزحمة والصيف يوصل الى 650 كيلو بالتانكي
بالخطوط على حسب السرعة يوصل الى 750 كيلو متوسط سرعة 120-130
السيارة معي من الوكالة انا المالك الاول ولا احد يسوق السيارة الا انا
مهتم بالصيانة اول باول باول
تغيير زيت القير والفلاتر كل 50 الف كيلو بانتظام والقير سليم الحمد لله وبحالة ممتازة
المكينة شد بلد لانقص ولاحرارة وعزمها ممتاز الحمد لله
الملاحظات : ( لابراء الذمة بحاول اذكر جميع الملاحظات )
1- تم تغيير طرمبة الماء قبل قرابة 6 شهور لوجود تهريب بدون ارتفاع حرارة
2- يتم تغيير موية اللديتر كل سنة موية بريستون الزرقاء مع بداية الصيف
3 - كارتير القير يحتاج تسنين بعض المسامير بسبب تغيير الزيت كل 50 الف ما تكلف الا شي بسيط
4 - تم تغيير القير بسبب عيب مصنعي عند الوكيل العيسى على ممشى 80 الف على الضمان ولاتزال السيارة بنفس القير من وقتها والقير سليم الحمد لله
5 - يوجد تبهيت بوية بالسقف والقوائم بسبب الشمس وجزء من الشنطة والصدام الخلفي
6 - البودي لا يخلو من بعض الحكات البسيطة ويعتبر ممتاز على ممشى السيارة وتم تغيير القزاز الامامي عند السالم بالصناعية القديمة موجودة الفاتورة ضمان سنة
7 - حصل على السيارة حادثين كلها بالمقدمة وتم تغيير اللديتر اصلي وكالة والشبك والشمعة اللي يمين كلها قطع اصلية وكالة والايرباج سليم مع العلم تم رش الصدام الامامي والكبوت والرفارف الامامية ويوجد سمكرة بالكبوت باقي البودي سليم باذن الله .
8 - تحتاج تلميع داخلي مع وجود تنجيدة جلد والمراتب بالاصل مخمل من الوكالة ومنجدها من يوم طلعتها من الوكالة وبحكم الاستخدام تحتاج تلميع داخلي والان حالتها جيدة مع وجود بعض الشقوق بالتنجيد اذا انفكت تصير المراتب وكالة ونظيفه تماما
9 - يحتاج ترصيص ارضي لوجود رجه خفيفه جدا على سرعة 110
10- فيه فضاوة دركسون بسيطه جدا لا تكاد تذكر من عمود الدركسون اصلاحها سهل وما يكلف ذكرتها لابراء الذمة لانها غير مؤثرة
11- مغير لها جلد مقصات خلفية وفيها قساوة بسيطة وبالنسبة لي ممتازة لانها ما تحك بالمطبات اذا معك ركاب بالسيارة
12 - عليها انوار ليد من نوع صيني ممتاز وموزنة بالخط
13 - يوجد قص بالكت باك الخلفي سبق شلت دبة ورجعتها
14 - تفريغ دبة البيئة للتخفيف على السيارة وموجودة عندي دبة الوكالة
15 - عليه كفرات يوكوهما اصلية مركبها قبل 8 شهور تقريبا نفس مواصفات المصنع ونظيفه جدا
16 - مسجل الوكالة تعطل وركبت شاشة بنظام اندرويد وموجود المسجل الاصلي
17 - الاستمارة سارية حتى تاريخ 22/07/1450 ه والفحص الدوري جديد باقي فيه سنة والسيارة جاهزة للنقل فقط التامين على المشتري
18 - للمشتري حق الفحص باي مكان يختاره ويفضل يكون بمعارض القادسية بالرياض
** ان شاء الله اكون بينت جميع الملاحظات بالسيارة واتمنى الجدية وعدم تضييع الوقت الصامل برسل له رقمي والوعد معارض القادسية
السيارة ممتازة وسبب البيع شراء سيارة عائلية ولا ارغب بالبدل والبيع كاش فقط واذا ما جابت سعر مكانها محفوظ اتمنى عدم بخس السلعة
قطعها متوفرة واسعارها رخيصة ومستعد ادل المشتري على محلات قطع الغيار بالرياض .
المراسلة عبر الرسائل الخاصة والصور ان شاء الله كافية والمعاينة خير برهان
