آخر 14 يوم قبل افتتاح مطعمك
لو فاضل على افتتاح مطعمك أسبوعين
متتعاملش معاهم على إنهم وقت تشطيبات ولمسات أخيرة
دول أهم 14 يوم في تجهيز التشغيل الحقيقي
قبل الافتتاح بـ 14 يوم
اعتمد المنيو النهائي
شيل أي صنف لسه مش جاهز
حدد وزن وحصة كل صنف
وابدأ تحول كل حاجة من دماغ الشيف لورق مكتوب
قبل الافتتاح بـ 13 يوم
اعمل تيست فعلي لكل المنتجات
سجل الريسيبي والجرامات
سجل طريقة ووقت التحضير
واعتمد الشكل النهائي لكل منتج وصوره
قبل الافتتاح بـ 12 يوم
احسب Food Cost لكل صنف
احسب تكلفة التغليف والهدر
احسب عمولات التطبيقات لو موجودة
وراجع سعر البيع وهامش الربح
قبل الافتتاح بـ 11 يوم
ثبت مواصفات الخامات
اعتمد المورد الأساسي
جهز مورد بديل للخامات المهمة
وحدد الحد الأدنى للمخزون
قبل الافتتاح بـ 10 أيام
شغل كل المعدات وجربها
متكتفيش إنها جديدة أو إنها اشتغلت مرة
احصر العدة والأدوات الصغيرة الناقصة
واقفل أي صيانة أو نقص قبل الأسبوع الأخير
قبل الافتتاح بـ 9 أيام
راجع عدد الاستاف
اتأكد إنك وظفت صح
حط كل شخص في المكان المناسب
وزع المسؤوليات بوضوح
ابدأ التدريب العملي
وراجع اليونيفورم والمقاسات
قبل الافتتاح بـ 8 أيام
حدد ميزتك التنافسية
العميل هيجيلك إنت ليه؟
حدد المنتجات اللي هتبرزها
وابدأ خلي تسويقك يتكلم عن الميزة دي
قبل الافتتاح بـ 7 أيام
جرب التغليف بالمنتج الحقيقي
وسيبه 20 أو 30 دقيقة كأنه طلب توصيل
راجع الحرارة والرطوبة والتسريب والشكل
افتح الباكدج بعدها وشوف
العميل هيستلم إيه فعلًا مش إنت سلمت إيه
قبل الافتتاح بـ 6 أيام
راجع المنيو والمطبوعات
راجع الأسعار والأسماء
جرب الـ QR Code
اتأكد من الأرقام والحسابات
اتأكد إن المطبعة خلصت أو على وشك التسليم
وراجع الشكل النهائي لليونيفورم
قبل الافتتاح بـ 5 أيام
اعمل تشغيل تجريبي كامل
دخل الأوردر من الكاشير
خليه يدخل المطبخ
يتحضر
يتغلف
ويتسلم
احسب زمن الأوردر
وسجل كل مشكلة ظهرت ومين مسؤول عن حلها
قبل الافتتاح بـ 4 أيام
اعمل اختبار ضغط حقيقي
دخل 10 أو 20 أوردر ورا بعض حسب حجم مشروعك
شوف المطبخ هيقف فين
مين هيعطل مين
وهل الجودة هتفضل ثابتة تحت الضغط
وعدل توزيع الفريق لو محتاج
قبل الافتتاح بـ 3 أيام
اخرج من عقلية الأونر وادخل مطعمك بعقلية العميل
جرب الطلب بنفسك
جرب الدفع
جرب الاستلام
راجع النظافة والرائحة والشكل والخدمة
ودور على أي حاجة ممكن تضايق العميل قبل ما هو اللي يكتشفها
قبل الافتتاح بيومين
اعمل Soft Opening محدود
استقبل عدد تقدر تسيطر عليه
اسمع ملاحظات العملاء
راجع التأخير والمرتجعات والشكاوى
راجع الهدر
وبعد التشغيل اقعد مع الفريق
واعرف إيه اللي حصل وإيه اللي لازم يتصلح قبل الافتتاح
قبل الافتتاح بيوم
راجع المخزون والتحضيرات
متعملش Over Prep بدون داعي
جرب المعدات مرة أخيرة
جرب الكاشير وطرق الدفع
أكد حضور الاستاف
وزع مسؤوليات يوم الافتتاح
واعمل Briefing أخير للفريق
يوم الافتتاح
متبدأش قبل ما تتذوق المنتجات الأساسية
تابع أول أوردرات بنفسك
راقب زمن الخدمة
راقب جودة المنتج
اسمع العميل
وسجل المشاكل بدل ما تحلها وتنساها
وبعد الإغلاق اجتمع بالفريق وراجع اليوم بالكامل
وطول الـ14 يوم
كثف نشاطك التسويقي يوم بعد يوم
صور منتجاتك الحقيقية
عرف الناس ميزتك
اعمل Countdown للافتتاح
راجع الموردين والخامات باستمرار
وكل يوم
جرب
قيس
اكتب
صحح
آخر أسبوعين مش هدفهم إن المطعم يبقى شكله جاهز
هدفهم إن المطعم يبقى تشغيله جاهز
والأفضل إنك تكتشف 20 غلطة قبل الافتتاح
عن إن أول 20 عميل هما