تويوتا 2009 مستخدم قير اوتماتيك بنزين الممشى: 492 ألف كيلو أو أكثر السلام عليكم ورحمة الله وبركاته أوريون 2009 قراندي ممشى 492 الف بدي بلد عاد ثلاث قطع الرفرف الأمامي اليسار جزء رش والكبوت من جهت اليسار طرف من عند الشمعه جزء والشنطه الباقي بلد فيه دقه في باب الراكب الأمامي اليمين تحت موضح فالصوره ومعدل وحكه خفيفه الباب الي وراه مع الرفرف خفيفه ولا هي واضح مره موضح صورتها المكينه كان فيها شداد جنزير وكان لازم تطلع المكينه وطلعتها عشان اغير طلعت المكينه مطينه بسبب إهمال راعيها السابق ونضفتها وغيرت طقم سبايك وطقم شنابر وطقم وجيه كامل وغيرت الشدادات كامله ومع البكرات حقت عمود التيمين الي فوق جديد طبعاً كلها اصلي وكاله بالفواتير ولا كانت تشتكي لا من حراره ولا نقص ولا اي شيء بس دامني فكيت عشان الشداد قلت بغير مره وحده كل شيء وأنظف والحين الحمدلله امورها طيب ولا تشكي من شيء القير غيرت جرم خارجي وفيش القير الي يشبك في مخ القير لان كان فيها تأخير في D وغيرت الجرم وضبط والفيش كان السنون الداخليه مكسوره وغيرتها والقير مافكيته ابد فيه مشكله في تبديل 4 وترجيع 4 يحن شوي ويعشق ولها شهر على الموضوع ذا واروح يومياً عليه الرياض وارجع ولا اشتكت من شيء مغير رديتر جديد قبل شهر الي كان عليها كان صغير وغيرت واحد اكبر وغيرت بلف حراره وليات الديتر كلها جديد ومويه اصليه وغيرت الدينمو حق المراوح اثين جديد ونافض أرضيته قبل سنه ونص كامله لكن اتوقع الحين تحتاج مساعد خلفي يمين او كرسي مساعد لان فيه صوت قربعه ورا يمين وفيه العكوس يبغ لها وزن سيده فيها رجه بسيطه ماتكلف حتى 800 ريال ترجعها سيده لان عكوسها كويس بس فيها ميول لان عيب فالاوريون مع الشد وكذا العكوس يصير فيه مويل والباقي الحمدلله اموره طيب ولا تهاريب ولا اي شيء وهذ الي فيها الباقي الحمدلله ماتشتكي من اي شيء أبدا الداخليه ملبسه من يوم اخذتها ولا فكيتها ابد ولا اعلم عن حالت المراتب الداخلي ومغير ريش المكيف كلها الطبلون ملبس من راعيها الاول اغلب الاكسسوارت الداخليه مغيرها يعني والقزاز كامل بلد ماعاد حق السواق اتوقع مبدل من راعيها الاول الباقي بلد هذا تفاصيل السياره كامله . الحد 25 الف