فورد اكسبيدشن 2011 للبيع إكسبديشن 2011 دبل – نص فل السلام عليكم ورحمة الله وبركاته للبيع فورد إكسبديشن 2011 دبل نص فل، السيارة استخدام شايب، واستخدامها هادي، وحاليًا صارت واقفة أغلب الوقت وما عاد لها استخدام، لذلك سبب البيع عدم الحاجة. فحص استمارة جديدة جاهزة للنقل الممشى: 327,000 كم مواصفات السيارة: * دبل 4×4 * نص فل * مكيف أمامي وخلفي * مساحة داخلية واسعة ومريحة * 3 صفوف مقاعد * مناسبة للعائلة والسفر والاستخدام اليومي * ثبات وتحمل ممتاز للاستخدام * مواصفات عملية وقطعها متوفرة البدي والرش: البدي يعتبر مرشوش حزام بسبب تبهيت البوية، وتم رشها ببوية ألماني بضمان 3 سنوات، ولله الحمد ما فيه فرق لون. وعندي فيديو للسيارة قبل الرش للتوضيح. وفيه بعض الأماكن فيها حكات بسيطة، وما رضيت أرشها وخليتها بدي بلد، حفاظًا على وضوح حالة السيارة. آخر الصيانات – تمت خلال الشهرين الماضية: تم تغيير وتجديد عدد من القطع، ومنها: * رديتر مكيف جديد * جلدة توازن خلفي جديدة * خرطوش موية سفلي جديد * ثلاجة مكيف أمامي جديدة * رديتر موية جديد * بلف مكيف خلفي جديد * بلف مكيف أمامي جديد * خرطوش رديتر علوي جديد * كمبروسر جديد حالة السيارة: ما شاء الله تبارك الله، من ناحية: القير – المكينة – الشاص – الأرباقات أمور السيارة طيبة ولله الحمد، وشرط حسب استخدامي لها. الملاحظات: أذكر جميع الملاحظات الموجودة بالسيارة إبراءً للذمة، وهي ملاحظات بسيطة ولا تمنع من الاستخدام: * لمبة المكينة شغالة بسبب حساس الشكمان. * لمبة الكفرات شغالة وتحتاج حساسات كفر أمامي يمين ويسار. * أحيانًا تشتغل لمبة ABS بسبب حساسات الكفرات. * مقص أمامي يسار نص عمر. * كراسي المكينة نص عمر. * المراية اليمين مثبتة بمسمار. * درج النظارة مكسور. * شماسة السائق مكسورة. * الدعاسة الجانبية جهة السائق فيها كسر. تقريبًا هذه جميع الملاحظات الموجودة بالسيارة، وحرصت أذكرها كلها بكل وضوح إبراءً للذمة. وأخيرًا، لا تأخذ كلامي فقط، الفحص خير برهان، والصامل المستخدم مح أقصر معه بإذن الله. 📍 الموقع: المدينة المنورة 💰 السعر: على السوم 📱 التواصل: اتصال أو واتساب الله يكتب لنا ولكم الخير.