SV 2014 مستخدم قير اوتماتيك بنزين الممشى: 250 ألف كيلو  دبل السلام عليكم ورحمة الله بسم الله الرحمن الرحيم اذكرو الله سبحانة وصلو على رسولة لمحبين النيسان والجيوب بشكل عام الشتاء قرب ومحتاج لك جيب نظيف تابع إعلاني لو تكرمت. للبيع جيب نيسان باثفندر كلاسيك (أسباني) دبل فل كامل وارد العيسى قمة في النظافة ومنوة المستخدم. الموديل: 2014 الممشى: 250k المكينة : 6 سلندر تنفس طبيعي القزاز: وكالة حتى القزاز الأمامي ولله الحمد. اللون الخارجي: أبيض اللون الداخلي: جملي + اسود المواصفات : فل كامل ، دبل خفيف وثقيل ، دفلوك ، فتحة سقف ، ثلاث صفوف مقاعد بعدد 7 ركاب ، دخول ذكي ثلاثي من باب السواق وباب الراكب والشنطة الخلفية ، تشغيل بصمة ، مثبت سرعة ، بلوتوث ، تحكم من الدركسون واوامر صوتيه، مكيف مستقل أمامي ، مكيف خلفي مركزي بتحكم مستقل أيضاً ، مفتاحين عدد 2 وكالة ، كاميرا خلفية وغيرها من المواصفات. المكينة والقير والبدي شرط كلهم شد بلد ولله الحمد ، الموتر منفوض ومغير فيه كل القطع الاستهلاكية المعتادة اول ما شريتة وكل القطع أصلية وموجودة فواتيرها. أنا المالك الثاني ، المالك الأول رجل كبير في السن ، الموتر استخدامي الشخصي ولله الحمد محافظ عليه من تغيير زيوت بوقتها سواء زيت قير او مكينة. مجتاز للفحص الدوري ويعتبر فحصة جديد. صرفية البنزين تعتبر معقولة نوعاً ما ، فل التانكي بنزين 91 تقريباً بقيمة 157 ريال تعطي كمبيوتر السيارة مسافة 450 إلى 500 كيلو للقيادة. للأمانة وإبراء للذمة الموتر في موجز مسجل علية ثلاث حوادث وكلها بسيطة وتم اصلاحهم سابقاً وتقرير موجز موجود للي يبي يشوفة ومرفقة بالصور في الإعلان وسأذكرها بالتفصيل ، الأول : صدم جسم ثابت (ماصورة) في أحد مولات الرياض بالصدام الخلفي أثناء الرجوع للخلف وتم تعديلها ، الثاني : حادث بسيط ولا يكاد يذكر عبارة عن طقة خفيفه باللوحة الأمامية وتم تعديل اللوحة فقط مع القاعدة بنفس اليوم ، الثالث: حادث بسيط عبارة عن خدش بالصدام جهة اليمين مع عفطة صغيرة لا تذكر بالرفرف وتم تعديلهم وللة الحمد. السوم : 28 والبيع قريب جداً الحد: 30 الف ريال وقابل للتفاوض للجازم والمستخدم وسمحين بالبيع بأذن الله. لا أقبل البدل البيع كش فقط. الملاحظات : يوجد قطع خفيف بمرتبة السائق موضحه بالصور ، الكفرات ليست جديدة يوجد بها نص عمر. الموتر والله شاهد منوة المستخدم ونظيف وجاهز للإستخدام ولا يحتاج أي شي سواء الكفرات فقط ، والتجربه والفحص خير برهان. أترككم مع الصور والفيديوهات للسيارة وصلى الله وبارك الموقع: القصيم - الرس