المستوى المهني: متدرب خطواتك الأهم قبل ما تفكر تفتح مطعمك قبل ما تبدأ تصرف في ديكور ومعدات وتقول خلاص هنفتح في شوية خطوات لو عملتها صح من البداية ممكن توفر عليك فلوس وأخطاء كتير بعد التشغيل 1. اعمل دراسة جدوى مش مجرد ورق وأرقام اعرف هتبيع لمين وهتبيع إيه وبكام ومنافسك مين وتكلفتك كام ومحتاج مبيعات قد إيه علشان توصل لنقطة التعادل وهتحتاج سيولة قد إيه لحد ما المشروع يقف على رجله 2. قبل ما تأسس من الصفر شوف نفس النشاط موجود للتقبيل ممكن تلاقي مطعم جاهز بتجهيزاته ورخصه ومعداته بسعر أقل من تكلفة إنك تبدأ كل حاجة من الصفر لكن متشتريش لمجرد إن السعر مغري قيّم الفرصة الأول واعرف صاحبها بيبيع ليه 3. لو هتأجر خد إيجار متوسط متروحش لأعلى إيجار علشان تقول الموقع ممتاز ولا تروح لأرخص إيجار وتكتشف إن مفيش عميل هيجيلك دور على موقع يخدم نشاطك وعميلك وإيجاره يقدر المشروع يشيله 4. ابدأ التسويق قبل الافتتاح متستناش تفتح وبعدين تسأل الناس مش عارفة المطعم ليه؟ ابدأ عرف الناس عليك قبل الافتتاح صور منتجات فكرة المشروع ميزتك التنافسية موعد الافتتاح وعروض البداية لأن الديكور هيجهز المطعم لكن التسويق هو اللي هيعرف الناس إن المطعم موجود بيت المطاعم نسعدك من التاسيس التشغيل للتطوير