مازدا مازدا 6 S سيدان 2017 مستخدم قير اوتماتيك بنزين الممشى: 564 ألف كيلو أو أكثر بسم الله.. مازدا 6 2017 ستاندر اللون رمادي، بالمواصفات الآتية: (تشغيل بصمة - مثبت سرعة - تحكم دركسون- بريك كهربائي - وضعية سبورت - حساسات خلفية - طي المرايات - جنوط كروم) وغيرها من المواصفات المعروفة. * اللوحة طويلة وشبه مميزة. * الممشى: 564 ألف على نظافة بسبب الدوام خارج المنطقة. * المكينة: مستبدلة من مالكها السابق بمكينة وكالة ولا تشكو من شيء حاليا، وعزمها ممتاز وهادئة جدا وتم عمل تصفية لها قريبا. * القير: بلد ولا يشكو من شيء. * البدي: فيه رشوش متفرقة وتبهيت أعلى السيارة لكن تجاوز الفحص. * الايرباقات والشواصي: وكالة. * المكيف: فريزر ما شاء الله لكن يضعف شوي وقت الوقوف * الفحص والاستمارة: تم فحص السيارة وتجديد الاستمارة قبل أسبوعين. * العضلات: منفوضة الأرضية هذه السنة وما فيها أصوات أو قربعة. * الكفرات: تم تركيب طقم كفرات جديد قبل ستة أشهر موديل السنة هذه. * أغراض الوكالة: موجود الكتالوج ومفتاحين الوكالة لكن الأول اندعس ولا يعمل. * تم تغيير الزيت والفلتر والسير وكثير من القطع الاستهلاكية خلال الأسبوعين الماضية. * الداخلية: تم تلميعها قبل شهر وبحالة الوكالة. * الإضافات: شاشة أندرويد 9 انش ( معالج t100 ) أقوى معالج، وليس المنتشر في محلات الزينة (t70). باختصار: السيارة منوة للمستخدم وما تحتاج مصاريف للمحركات والعضلات نهائيا. السوم 21 ألف في المعارض من صامل قبل الفحص والتجديد، والحد: 26 ألف والبيع سمح للصامل إن شاء الله، وأرجو عدم بخس السلعة وعدم السوم بأقل مما ذُكر.