تويوتا كامري GLX 2010 مستخدم قير اوتماتيك بنزين الممشى: 656 ألف كيلو أو أكثر السلام عليكم كامري 2010 فل كامل اوتوماتيك ممشى 656365 كيلو قابل للزيادة تم عمل صيانة قبل 3 شهور: تم تغيير كراسي مكينة وقير اصلية وكالة والكرسي العلوي تركته مايحتاج تغيير طرمبة بنزين وكالة مع صفاية وكالة بواجي وكالة تغيير ووزن تكايات ثقالات اسفل المكينة موجودة بالكارتير غيرتها بثقالات وكالة حديد لأن المكينة اللي راكبة مستوردة وثقالاتها بلاستيك والمكينة هادية ماشاء الله الداخلية: ممتازة مع بعض الملاحظات البسيطة الطبلون سليم وممتاز وغيرته بالوكالة قبل كم سنة الملاحظات: شاشة درجة حرارة الجو بالطبلون ماتشتغل في تنديه بسيطه اسفل السيارة واحتمال تكون من الدودة او الصوف المكيف بارد ولكن فيه صوت تنسيم خفيف يظهر بعض الاوقات السيارة فيها تأخير بالتشغيل ممكن مشكلة بالسلف او الكويلات لأن دورة البنزين سليمة بحكم اني سويت لها صيانة سابقة . العكوس والعضلات بشكل عام تحتاج صيانة البودي مرشوش قبل 5 سنوات تجديد بوية ولا يخلو من الدقشات والحوادث البسيطة بحكم موديل السيارة والاستخدام القير سبق وتم فكه وكذلك تم تغيير البروانه وعمل صيانة له في ترايستر هالكلام قبل 10 سنوات وفيه تأخير بسيط الترس الثالث ومايضر ومايظهر دايم نادر الاحظه والحمدلله اشوف القير اموره طيبة وممتاز تحتاج تغيير بطارية الستارة الخلفية متعطلة الديكور الوسطي الدرج الاخير يحتاج تثبيت السيارة اغير لها زيت 10w30 كل ثلاث الاف ومايوصل 4000 الاف وزيت القير مواظب ع تغييره مع الفلتر كل 40 الى 50 الف وقطع اصلية وكالة والسيارة هادية ومتماسكة ع الطريق حاولت اذكر جميع الملاحظات ابراء للذمه وماعدا ذلك من ملاحظات افحص السيارة وتأكد وجل من لا يسهو السيارة شريتها من عام 2013 او 2012 ناسي والله ولكن ممشاها كان حول 90 الف ومعي الى اليوم . ع السوم وبدون بخس مدينة تبوك