هيونداي ازيرا 2018 مستخدم قير اوتماتيك بنزين اعرض لكم ازيرا 2018 اللون كحلي ممشاها 395 الف المواصفات فيها الكثير من المواصفات المعروفه لاكن ابرزها هي الماكينه6 سلندر بحجم 3.0 والقير اوتوماتيك 6 نمر فتحه سقف بانوراما حساسات خلفيه كاميرا خلفيه وشاشه تدعم كار بلاي و اندرويد اوتو مفتاح وليس بصمه الراغب في رؤيه السياره الموقع حي الروابي شرق الرياض مخرج 14 السياره مالك اجنبي واستخدام حشمه من اخوي مسبقا ثم انا بعده لمده 6 سنوات وامورها طيبه ولا فيها اشكال لاكن فيها بعض الملاحظات الي راح اذكرها البدي فيه تبهيت في الشنطه والكبوت المكيف فيه ملاحظه بالكمبرسر اذا وقفت وطولت مايبرد لاكن على المشي يبرد طبيعي والكمبرسر طلبته جديد كوري من موقع وباذن الله على وصول في حال شرائك السياره تاخد معها الكمبرسر الجديد الايرباق طالع بسبب حادث مع المالك القديم اثار الحادث ما اعلم عنها شي شاريها بدون فحص القير مافيه ولا ملاحظه ولا نتعه اموره طيبه وملتزم في تغيير زيت القير لاكن فيه فك سابق في الجرم بدون اي توضيب او تبديل قطع المكينه ممسوحه راس مسبقا بسبب رفع حراره عيب مصنعي معروف في فيش مروحه التبريد المسح صارله فتره واموره طيبه وعلى اثره غيرت الكثير من القطع مثل المروحه والفيش وغطا الرديتر ومويه الرديتر كامله بمويه اصليه مع الغاء مكيف الحار وتغيير كرسي الماكينه بكرسي جديد و تغيير بكره السير مع السير وتصفيه ماكينه من بواجي وكويلاات وتنظيف بوابه مع حساسات لضمان افضل نتيجه للمسح الزيت المستخدم للماكينه 10w30 البنزين المستخدم 95 اغلب الاوقات واحيانا 91 على حسب الميزانيه😂 السياره جدا طيبه للمستخدم يوميا اداوم عليها واروح واجي هذا العلم الي عندي وان شاء الله اني مانسيت شي او قصرت في شي المهتم والي يبغا صور اكثر لحاله بدي السياره وداخليه السياره يتواصل في الخاص البيع 28000 ان شاء الله وماراح اقصر مع الصامل اذا تعطيني سومه بدون لاتجي تشوف بعينك سومتك ما احتاجها السوم فقط للصامل الي يجي ويشوف الموتر بالنسبه للصور ان شاء الله اذا غسلتها بنزلها صور عرض جديده مفصله للداخليه والبدي لاكن المهتم يتواصل خاص وبيجيه فيديو لبدي السياره كامل