قطع غيار وملحقات قطع غيار 2006 مستخدم
للبيع كابرس LTZ موديل 2006 – 6 سلندر
السيارة أمورها طيبة ولله الحمد، والمكينة والقير والسيارة بشكل عام شغالة، والبيع بسبب السفر والحاجة للبيع السريع.
مواصفات السيارة وحالتها:
* الداخلية نظيفة تقريبًا 80%.
* العضلات بحالة جيدة تقريبًا 70%، وتحتاج بعض القطع الاستهلاكية.
* الاستمارة مجددة.
* الفحص الدوري منتهي من شهرين.
* الحرارة ممتازة وما ترتفع.
* المكيف شغال كويس.
* تم تغيير الدينمو والتشييك على القطع الكهربائية، والكهرباء أمورها طيبة، وأسلاك السيارة معزولة.
* تم تغيير زيت المكينة والسيفون.
التعديلات:
* تعديل وبرمجة كمبيوتر السيارة.
* استجابة دعسة.
* باك فاير (رمي) وفك فصلة حسب البرمجة.
* مركب لها سدة يدوية من المالك الأول.
الملاحظات والاحتياجات بكل وضوح:
* الكبوت فيه خرم بسبب طيران كرسي المساعد سابقًا، وتم تغيير الكرسي لكن الخرم موجود.
* السيارة تعرضت لحادث أمامي، وتم تغيير الرفرف وتعديل الصدام، والتفاصيل موضحة بالصور.
* الصدام يحتاج رش أو تغيير.
* تحتاج شمعة.
* البيبان فيها حكوك وطعجة خفيفة وتحتاج تعديل.
* الشنطة فيها بهتان وتحتاج رش أو تلميع حسب الرغبة.
* غطاء التانكي ما يثبت، وكل ما أركب واحد يطيح.
* تحتاج كرسي مكينة واحد وكرسي مساعد يمين.
* تحتاج تغيير الكفرات الأربعة.
البيع على السوم، والسيارة موجودة للفحص والمعاينة، تعال وشوفها واحكم بنفسك. فيها شغل تجميلي وبعض الاحتياجات، واللي يبي سيارة ويضبطها على ذوقه حياه الله. البيع بسبب السفر والحاجة للبيع السريع.
الله يرزقنا وإياكم من واسع فضله.
