السلام عليكم، مخيم للبيع بالكامل يحتوي على: - بيت شعر 22 في 14 تفصيل خاص ارتفاع 6 متر رواقات 2.5 متر اسود في اسود مؤثث بالكامل موكيت ابو عقدة ونثريات مدات وزل احمر و كنب فاخر ابو طير احمر تفصيل خاص يشيل فوق 30 شخص بطاولاته نفس القماش وجلسة كراسي حديد 12 شخص حول الوجار بمداتها. - خيمة صباحية 13 في 6 جملون ضد المطر مضمونه مفروشه موكيت كامل. - غرفة بركس 12 في 4 غرفتين ومطبخ وحمام اعزكم الله ممدده بالكامل طاقة شمسيه منها وفيها تشغل لمباتها ومكيفها وثلاجه داخلها. - غرفة بركس 4 في 3 مطبخ. - غرفة بركس جديدة لم تستخدم ابداً 3 في 3 دورات مياة فيها دورتين مياة اعزكم الله ومغسلتين. - خيمة 5 في 8 قديمة تستخدم كمستودع. - 4 خيام 4 في 6 وحده تستخدم للعامل وثلاث لم تستخدم بقراطيسها. - مكينة كهرب بيركنز 45 كيلو ما قد وضبت نظيفة وكفو وراكبه على قلص امريكي فيه تانكي اضافي غير تانكي الوكالة والحمل الحالي عليها تقريباً 22 كيلو يعني الي بيضيف غرف الكترونيات اضافات لسى باقي واجد وصرف الديزل جداً جداً ممتاز مقارنة بكثير من المولدات. - تقريبا 23 كشاف غاز اصفر برتقالي400 واط القديم النادر على عمدان 6 متر كلغ الكشاف الواحد تقريباً 500 ريال. - ممرات حجر عشوائي مبنية تقريباً 330 متر مربع ودكه. - المخيم يمتاز بمساحتة الكبيرة جداً ممكن 300 متر في 300 وعلى راس طعس ومطل على الطعوس والجبال ومنعزل ولا يوجد له جيران قريبين و فيه شبك شايك ومرابيع تقريباً 300 ل 500 مربع وراكب عليه الشايك لمنع الابل والمتطفلين ولا وجود لهم الحمدلله. * المخيم مبني حالياً في الرحمانية الخرج تبعد تقريباً ساعه عن الرياض منطقة نفود وطعوس وطريق المخيم ردمية تدخلها السيارات الصغيرة والكبيرة وتبعد عن بحيرة الرحمانية او هجلة الرحمانية دقايق قطوع وكل شيء ممدد الكهرب والسباكة وممرات وديكورات وإضاءات غير الي ما يحضرني ذكرة حالياً من اغراض ونثريات موجودة في مستودعة والمخيم محفوظ وتخزينه كل صيف في مستودعات مغلقة مع عويدي لمنع الارضة وغيرها. المخيم مكلف تقريباً فوق ال 180 الف والبيع على السوم ولن يقبل ببخس السوم ولن ينظر له ابداً ويوجد صور وفديوهات والصامل يبي يجي يشوفه حياه الله.