تويوتا لاندكروزر VXR3 2015 مستخدم قير اوتماتيك بنزين الممشى: 43 ألف كيلو يالربع صارت معاي مرتين لقيت عرض هنا لاندكروزر والصور تظهر السيارة وكاله واللمعه والنظافه مبهره والاعلان مكتوب بودي وكالة من الصدام للصدام والداخليه وكالة وكل شي ممتاز ودقيت وكلمت راعيها واتفقت معاه ع البيعه وتعنيت من بعيد الى الرياض وتواجهنا وشفت الموتر غير عن الصور وتكلمت مع راعيه يارجل انت كاتب الاعلان كل شي وكاله وسعر اتفقت معك على كلامك انت ياراعيها وحلفتك بالله لاتعنيني انا جايك من بعيد واخرتها الموتر حكوك وضربات وداخليه اكثر من ملاحظه ولاترتقي للصور المعروضه وخسرتني وتعبتني ع الفاضي واليوم نفس الكلام تكرر شخص من جدة واطلق اليمين لو الموتر فيه حكه ماهو لك ورحت طلبت شخص يفحصها ومن اول مادخل الفحص ارسل لي 6 ملاحظات بالبودي وخسرني الفحص 350 ريال راحت كذا ياناس الكذب حرام والحلف ع السلع بالكذب والاخفاء للعيوب حرام حرام اتقوا الله هذي الفلوس توكلها اهلك وعيالك بالباطل الله يهدينا وياكم خلوكم صادقين ترا اللي يجون يشترون بعضهم ع قد حاله مامعه الا حق السياره وتزيدون خسارته حسبي الله ونعم الوكيل