لكزس LX 570 DD 2015 مستخدم
قير اوتماتيك
بنزين
الممشى: 290 ألف كيلو
دبل
السلام عليكم ورحمة الله وبركاته
اعرض لكم سيارتي من نوع
جيب لكزس - 2015 - فل كامل سبورت
الممشى / 290 الف كيلو قابل للزيادة ( صحيح ومثبت في موجز )
المحركات بالكامل / شرط وعلى الفحص
الشاصي والإرباق / شرط وعلى الفحص
البدي / رفرف وكبوت رش + اسفل باب السواق واللي خلفه ( الرش تحت الزيق فقط موضحه بآخر صورة ) الباقي شرط وعلى الفحص
الدبلات والدفلوك ونظام الزحف / تعمل 100 بال 100 ولا تشتكي من اي شي ولله الحمد
ــــــــــــــــــــــــــــــــــــــــــــــــ
الموتر بشكل عام شيخ ماشاء الله تبارك الله ولا يشتكي من اي شي وسواقته مليانه ومنفوض من الصدام إلى الصدام عند ميزان المجد الموتر محشوم الزيت ما قد وصل معي 5 الاف وأغيره بمركز ليدر إكسبرس مع السيفون بكل تغييره الموتر مشحوم بكل ما تعنيه الكلمة وكفراته جديدة مالها شهر وعليه عوازل وإضافات جاهز للمستخدم
مفتاحين الوكالة موجودة + ريموت الشاشات الخلفية موجودة ✅
عدة الوكالة والأسبير موجودة + جميع كتلوجاته موجودة ✅
طفاية الحريق + الإسعافات الأولية جميعها بحالة المصنع ✅
ــــــــــــــــــــــــــــــــــــــــــــــــ
🔴 الصيانات من إلى وفواتيرها موجودة /
عند ميزان المجد
1- كفرات طقم 4 حبات جديدة ضمان 3 سنوات
2- مساعدات خلفية اصلي وكالة
3- شداد خلفي فوق اصلي وكالة
4- شداد خلفي تحت اصلي وكالة
5- جلد مسمار توازن امامي اصلي وكالة
6- جلد توازن خلفي اصلي وكالة
7- زيت هيدروليك اصلي وكالة
8- فحمات امامي وخلفي وقماشات اصلي وكالة
9- ركبة تحت امامي ( ما تجي أصليات ) ركبت نوع مدحوه لي ميزان المجد
10- بطارية وكيل بن شيهون عليها ضمان سنه مالها 3 شهور
11- تنظيف دائرة التبريد وتغيير موية اللديتر اصلي
12- ترصيص ليزر عليه ضمان سنتين عند النهدي
وغيرها …
ــــــــــــــــــــــــــــــــــــــــــــــــ
🔴 الإضافات عند مركز JAP وفواتيرها موجودة /
1- مسوي له حمايات شمعات وشعار ومرايات وكشافات
2- مسوي له تظليل عازل دار ما دار شامل القزازة الأمامية
3- فارش أرضياته كاملة ( مع وجود دعاسات الوكالة اعزكم الله )
ــــــــــــــــــــــــــــــــــــــــــــــــ
🔴 المواصفات /
مواصفات اللكزس معروفة لكن بذكر جزء منها
دخول ذكي من الأربع أبواب + تشغيل بصمة + حساسات أمامية وخلفية + 4 كاميرات محيطية + شاشات خلفية + تحكم كهربائي للمقاعد الأمامية والخلفية + شنطة كهرب + رادار + مثبت سرعة + دبل + دفلوك + نظام زحف + هيدروليك + تشغيل عن بعد + طي مرايات إلكتروني + تبريد وتسخين المقاعد الأمامية + التحكم في تنزيل ورفع المراتب الخلفية إلكتروني
وغيرها من المواصفات …
ــــــــــــــــــــــــــــــــــــــــــــــــ
فرشات ودعاسات الوكالة موجودة + حنايا العفش موجودة
الموتر شيخ ومسفوط للمستخدم ومدفوع فيه صيانات للمستخدم
( الشريطي رجاءً مر مرور الكرام )
والمستخدم بيدعي لي وانا شغلي كله ناوي استخدم ولكن استخدمته فتره ثم رغبت بموديل ال 16 و ال 17 ف اقبل البدل منها فقط مع دفعي للفرق ( ولا قصور بالموتر نهائياً ) الموتر شيخ وان جاب حقه ولا مكانه محفوظ
🔴 تنوية مهم للغاية 🔴
ارجوا قراءة الإعلان جيداً قبل التواصل معي
ارجوا قراءة الإعلان جيداً قبل التواصل معي
أرجوا قراءة الإعلان جيداً قبل التواصل معي
🔴🔴🔴 تقرير الموتر موجود بآخر صورة 🔴🔴🔴
🔴🔴🔴 تقرير الموتر موجود بآخر صورة
