نيسان باترول 1996 مستخدم قير عادي بنزين الممشى: 400 ألف كيلو أو أكثر  دبل نيسان باترول 96 للبيع جيب نظيف وشديد ما شاء الله، وحق بر وكشتات، واللي يعرف الباترول يعرفه. الفحص مجدد، والاستمارة سارية وعليه تأمين. ومرفق لكم تقرير الفحص كامل والصور. للتوضيح والأمانة: تقرير الفحص فيه ملاحظات، وكل الملاحظات موضحة بالتقرير، وأنا ما راح أخفي عن المشتري أي شيء، وعشان كذا حطيت تقرير الفحص كامل قدامكم. الفحص أنا بنفسي سويته في حايل عند شركة فحص ممتازة قبل ما أشتريه. ومع ذلك، ما اكتفيت بالفحص، جربت الجيب بنفسي وأخذته بعد التجربة لأنه عجبني. والأمانة أقولها عن تجربة: الجيب نشيط وما يشكي من شيء، ومكيفه بارد والدبل شغال وكل شيء شغال ولله الحمد. والميزة بعد إنه على طبيعته، مو معدل ولا ملعوب فيه، وهذا اللي كنت أبحث عنه يوم شريته. ما كمل معي سنة، وأغلب وقته واقف، وطلعت فيه كم كشتة فقط. شريته من حايل من رجال كبير وكان محافظ عليه. عليه رشوش متفرقة، وفيه ملاحظات بالفحص بحكم الموديل والعمر، وكل شيء واضح بالتقرير. لكن عز الله إنه جيب نظيف ومتماسك وحق بر. التجهيزات: * ملبس كامل للمراتب. * لمبة شريط جانبية للبر، أصلية. * تمديد كنود مركب من قبل. * الدبل شغال. * المكيف بارد ولكن الفريون ينقص واعبيه للامانه * جميع الأمور الأساسية شغالة. * العداد ماشي فوق 400 ألف وواقف . * البطارية متغيرة جديد وأصلية وعليها ضمان. الأمانة قبل كل شيء، والجيب أنا شريته بعد فحص وتجربة، وعشان ما أخفي على أحد شيء حطيت لكم تقرير الفحص كامل، واللي يبي يفحصه من جديد حياه الله، وحقه يفحص ويجرب. الصور والتقرير مرفقة. البيع للصامل فقط، واللي يبي جيب بر نظيف وشديد ويعرف قيمة هالموديل حياه الله. حد ( 19 ) الف غير قابل للتفاوض التواصل واتساب أو عن طريق تشات حراج فقط. لا يتواصل إلا الجاد والصامل جدًا، وما عندي مجال لمجرد الاستفسارات أو البخس.