نيسان مكسيما S 2007 مستخدم قير عادي بنزين الممشى: 188 ألف كيلو السلام عليكم ورحمة الله وبركاته 🌹 للبيع: نيسان ماكسيما موديل 2007 الفئة: اس تورنق (ستاندر مطوّر). 🔹 تفاصيل السيارة: * الموتر قمة في النظافة ومنوة للمستخدم، دق سلف ووين ما تبي يوديك. * الموتر ما يشكي من شي غير المذكور، لا حرارة ولا نقص ولا دخان ما شاء الله. * المكيف ثلج. * بطن الموتر مشدود والمحركات والشواصي على الشرط بإذن الله. * الداخلية والديكورات قمة في النظافة مثل ما أنتم شايفين بالصور. * جميع فرشات الوكالة موجودة ونظيفة، وجميع بطانات الوكالة راكبة عليها. * ممشى السيارة 188 موثق بموجز. * جميع الإكسسوارات أصلية ونظيفة. * جميع كتالوجات الوكالة موجودة. * الكفرات جديدة، تاريخ 26، مغيرة قبل أسبوع. * السيارة مفحوصة ومجددة وجاهزة للنقل. 🔹 البودي والقزازات: * البودي وكالة ما عدا كبوت وتندة وشنطة. * جميع القزازات وكالة ما عدا الأمامية. 🔹 الملاحظات: * الموتر محوّل من تماتيك إلى قير عادي بقطع جديدة وأصلية، وما يبين لا بالفحص ولا بالاستخدام، بس أذكرها إبراءً للذمة. * فيه 3 خدوش بالبودي موضحة بالصور وتم تلقيطها بقلم البوية. * مقدمة التندة فيها معجون خفيف بسبب قفل الكبوت انفك علي وأنا أمشي. * بخصوص البطن، تحتاج كليبر أمامي فقط ولا يأثر على الاستخدام أبداً، فقط يبين معك صوت عطعطه أثناء الفرامل. 🔹 السوم: آخر سومه وصلت للموتر 30 ألف ريال من شايف وحايف، وأي سومه تحتها لن ينظر لها والبيع قريب ومالي حد. الموتر شيخ من الأخير، ونادر تحصل مكسيما بهذا الموديل وبهذه النظافة. اللي يدور موتر نظيف للمستخدم حياه الله، والرجاء التواصل من الجادين فقط. والله يكتب لنا ولكم الخير 🌹