صحاري 2017 مستخدم
قير اوتماتيك
بنزين
الممشى: 280 ألف كيلو
دبل
سيارة جيب رانقلر 2017
السيارة نظيفة يعلم الله وتحت استخدامي انا.
السيارة كنت احتاجها لاني كنت انزل عليها مشاريع تحت الإنشاء والطرق ما كانت مزفلته.
والان طلعت من دوامي فماني محتاج لجيب.
((( رجااااااء الصامل يدق اتصال )))
ما نزلت الاعلان الا ونيتي بالبيع.
ويشهد الله قبل نية البيع اني رحت فحصتها دوري ونجحت من اول فحص ماشاء الله تبارك الله وصينت السيارة من والى
( غيرت السيور والشدادات والبكرات وغيرت الاقمشة وغيرت بطارية وكفرات طقم وزيوت الدفرنسات وزيت القير وتنظيف رديتر وبواجي وتصفية كامله وطرمبة الموية وطرمبة الزيت والمساعدات والاذرعة ووو ) وفواتيرها كلها موجودة قطع وكاله.
السيارة حديتها بـ 75 ألف والصامل ما اختلف معه مع العلم اني كنت حادها باكثر من كذا والشاهد الله.
ولكن هذي سومة صامل انا اخرته في البيع لان ما لقيت سياره وقتها مناسبه وهو شرا له سياره عسى الله يبارك له
ملاحظات السيارة :
القزاز الامامي مرمل من السافي لاني كنت امسك به خطوط. والقزاز قزاز بلده.
الشمعات الاماميه (اللمبات) برضه فيها ترميل.
دقشه في الصدام الامامي يمين وموضح بالصور وما عدلته زي ما هو.
الفرار حق المرايات الجانبيه فيه عطل.
ومافيه اي شي ثاني في السياره الحمد لله وماشاء الله تبارك الله.