LTZ 2008 مستخدم قير اوتماتيك بنزين الممشى: 98 ألف كيلو القير: وكالة ما انفك ولا تفتح وشغله ناعم الايرباقات: وكالة البدي : وكالة (رش تجميلي) المكينة: والله إني متضايق وأنا أكتب هالكلام. السيارة ممشاها 98 ألف فقط وكانت المكينة ناعمة وما فيها أي مشاكل نهائياً ونفس الوكالة. لكن قبل يوم المطر رحت الكورنيش أشوف الأجواء وكان فيه تجمع موية داخل المواقف قدام البرج وكان ارتفاع الموية تقريباً نص الكفر. مشيت وطلعت من الموية لكن للأسف الموية دخلت من فلتر الهواء ووصلت للمكينة وتضررت المكينة. المكينة توضبت وكلفتني 5700 ريال وكل شي فيها جديد. قبل ما تتضرر المكينة السيارة ما كان فيها أي مشاكل نهائياً. دافع عليها أكثر من 33 ألف ريال تجديد كامل من داخل وخارج وميكانيكا وما خليت فيها شي إلا وجددته. وبعد إصلاح المكينة بتكون تكلفت علي السيارة تقريباً 40 ألف ريال. يعني ببيعها بخسارة تقارب 20 ألف ريال. السيارة والباقي على وضع الوكالة بإذن الله. أنا من الأساس كنت أبي أبيع السيارة بسبب الديون والحين زادت علي الديون أكثر. الله يرزقكم ويرزقني ويقضي ديوننا جميعاً آمين. الحد 26 ألف وقابل للتفاوض بعد الفحص. السوم وصل 23,200 الف في حراج سوق الجمعة الدمام اليوم والحد قريب