لكزس GS 2015 مستخدم قير اوتماتيك بنزين الممشى: 436 ألف كيلو أو أكثر السلام عليكم ورحمة الله وبركاته اعرض لكم موتري gs اللون بني غامق اللون النادر فل كامل DD المواصفات المعروفه لذي الفئة الممشى 436 الف وكسور 6 سلندر القير 8 سرعات كلها على الشرط البيع على حالتها الي بالصور سبب البيع اني ضبط الموتر ونفضته وسويت عليه حادث ذليوم وعافه الخاطر ولا الموتر كفو من يوم شريته قبل 4 اشهر تقريبا مشيت عليه 26 الف ما شاء الله رحت عليه كل مكان موتر كفو شغل وامش ،. الاضرار الي جت من الحادث الكبوت والشبك العلوي والشمعات هي تجي ثلاث قواعد قاعدتين من كل شمعه انكسرت والصاجه الي فيها قفل الكبوت وسويت لها سحب وتعديل والكبوت سحبته بعد الي عليك تغير الكبوت والشبك باقي البدي فيه تعديل ورش في الرفرف الخلفي يسار من راعيها السابق ودقه بالرفرف اليسار ايضا من راعيها السابق وتعديل على البارد بباب الراكب اليمين والجناح به تشهيب الارباقات كلها سليمه بفضل الله الموتر نافضه ومغير له اشياء واجد وخسران فيه غيرت كرسي قير جديد وصفاية بنزين مع الطرمبه وعلبة الفحم او الكانستر لان الموتر كان يكتم بسببها وغيرت كفرات جديده من شركة لوفن ب 2000 وفحمات خلفي وامامي وخرطت الهوبات وفلنجه يمين وغيرت جلدة فتحة السقف كانت تطلع صوت هواء وغيرت جلد بطن خلفي كامل ومن راعيها الاول غير كراسي مكينه ومساعدات اماميه وانا سويت لها تصفيه كامله وبسبب الصدمه بالرفرف الخلفي من راعيها الاول كان الجنط داخل رحت سويت له سحب الموتر دافع فيه حول ال 10 الاف مع شغل اليد الملاحظات فيه ترشيح خفيفف في سرة الزيت وفيها العيب المصنعي في قسامات المكيف ما يشتغل الا الي فوق مقابل الوجه والمكيف بارد ثلج ما شاء الله البيع مستعجل ولاهنتم لا ياجي الا الصامل شريطي يشرفني مرورك ‏"ولا تَبْخَسُوا النَّاسَ أَشْيَاءَهُمْ" حطيت مقطع لحالة الموتر قبل الحادث حدي فالموتر 57 صافي وانسام بحالته من واحد شايف ب 54 الي له نظر او خاطر يسوم والله يكتب الي به الخير يارب للجميع اللوحه خارج البيعه ولكن اذا تبغا اللوحه خذها براس مالها ب 11 الف اما تخليها عالموتر او تتكسب بها