2020 مستخدم
قير اوتماتيك
بنزين
الممشى: 90 ألف كيلو
السلام عليكم ورحمة الله وبركاته
سيارتي رينو سيمبول استاندر، موديل 2020، قير أوتوماتيك. السيارة ماشية 90 ألف. الموتر أغلب القطع اللي فيه وكالة ما عدا القطع الاستهلاكية وطرمبة البنزين والدبة وجربة الرديتر . الموتر فيه طعجة بسيطة على الرفرف، ويوجد حكة خفيفة بالصدام من تحت، وفيه بعض الحكات البسيطة بالموتر لكن لا تُذكر لصغرها، والموتر جميع إيرباقاته سليمة.
الجنزير حق المكينة خربان، لكن جميع الأشياء الأخرى بالسيارة سليمة تقريباً، ولا يوجد فيها سوى جنزير المكينة اللي محتاج لتصليح فوري، أما القير فحالته ممتازة جداً. جميع القطع الاستهلاكية ممتازة ومغيرها قريب، ومصفّي المكينه قريب مع تغيير القطع الاستهلاكية. الكفرات حالتها ممتازة ما عدا كفر واحد تقريباً حالته أسوأ بشوي من الباقي، والاسبير موجود لكنه يحتاج إلى رقعة. الموتر ما شاء الله نظيف من داخل، لكن من برا فيه تشهيب على التندة والكبوت والشنطة فقط.
مواصفات السيارة:
الراديو يدعم بلوتوث ومنفذ AUX ومنفذ USB، ويوجد منفذين: منفذ للولاعة ومنفذ للشحن 12V.
المراتب من النص قماش والحواف جلد، بتحريك يدوي لكرسي السائق والراكب.
الزجاج الأمامي كهربائي والخلفي هندل.
المكينة والأداء: 4 سلندر سعة 1.6 لتر، بقوة 102 حصان وعزم دوران 145 نيوتن متر، قير أوتوماتيك 4 نمر ونظام دفع أمامي.
استهلاك الوقود: تصنيفه جيد جداً، يمشيك تقريباً 14.1 كم لكل لتر.
الأمان: نظام الفرامل المانعة للانغلاق (ABS) ويوجد إيرباقين أمامية.
هذا الموتر وهذي مواصفاته، موتر عملي واقتصادي، والله يبارك للي بيكون من نصيبه ويعطيه خيره ويكفيه شره
الموتر على السوم والرجاء عدم بخس السعر والصامل ما نختلف معه