» كثرة بيع cx9

قبل 4 شهر
آخر تحديث قبل 2 أسبوع و 6 يوم
#45182526
ورحمه الله صباحكم /مسائكم الله بالخير جميعاً شباب الله يعطيكم العافيه لمجرب السيارة انا كنت حاب اطلع سيارة مازدا cx9 موديل 2019 ولكن كثرة عرض السيارة للبيع وبنفس الموديل واغلب السيارات مامشت كثير تحت 20 الف خلاني اتردد في الشراء وافكر بسيارة ثانيه غيرها هل السيارة فيها مشكله للي جربوها بصراحة ؟؟؟ انا اعرف ان الكراسي الاخيره مافيها مكيف وهذا يعيب السيارة بس مايدعو اني ابيعها خلال فتره بسيطه وشكراً لكم
كثرة بيع cx9
وسيلة الإتصال :
أرجو المراسلة عبر الرسائل الخاصة بالموقع

15

  CX9

  CX9 2019

  مازدا



إحذر من التعامل غير المباشر.
إستخدم القائمة السوداء قبل أي عملية تحويل
››   سلمان99
›› 52
››   قبل 4 شهر
بالعكس والله انها بطله ع سعرها وانا معي وحده 19 ابيض فل كامل واببيعها لاني ابي شي ثاني بس اخذتها اجربها فقط لفتره معينه ..... حتى لو طاح من سعرها شي قليل يكفيني القياده حقتها.... وحتى لو لقيت فيها عيوب لان اي سياره فيها مهما كانت... والاجابيه حقتها تغطى كل عيب فيها.... موفقين
›› 53
››   قبل 4 شهر
ماقصرتم جميعاً.... اعتقد ان اللي بيشتري سيارة cx9 هذا الموضوع سيكون مرجع جيد له لكمية المعلومات الكبيره للسيارة وبيختصر مجهود الاستفسار لاكثر من شخص
››   s-8858
›› 54
››   قبل 4 شهر
عزيزي اكثرهم يبيع يبي يشتري السقنتشر بختصار
››   mohammedalm122
›› 55
››   قبل 4 شهر
ليه يبيع عشان يبدلها بسقنشر ؟ يفرق مواصفات كثير؟
››   سلمان99
›› 56
››   قبل 4 شهر
طبعا المواصفات تفرق كثير الطبلون والكميرات الجلد والرادار
››   mohammedalm122
›› 57
››   قبل 4 شهر
بين الفل والسقنشر؟
››   mo3a4ms
›› 58
››   قبل 4 شهر
السلام عليكم .. انا مثلك لي رغبه بالموتر ولي فتره اسال عن الموتر والصراحه الاغلب مدح ، لكن فيه نقطتين كثير قالوها بالمازدا اللي هي القساوه وعدم الراحه بس لا تقارنها بالهوندا لان الهوندا مفروض يحطونها مع الشاص بالراحه ماكسر ظهري غيرها ، بس بنفس الوقت مقبول جدا وضعها بالنسبه لسياره يابانيه ماتتقارن مع الامريكي بالراحه، ثانيا المكيف !! مع اني اشوف كثير معهم وممتاز وضعها الا ان فيه كثير يقولون فيه مشاكل، بالنسبه للراحه واضحه امورها رح جربهها بخط وبس ، اما المكيف اشوف تشتري لون فاتح وتحط موترك بمظله وصل الله وبارك ، بالنسبه للسعر ومقارنه بالمواصفات والفئه اتوقع السياره تفوقت على المنافسين ، اكسبلورر يبدا ١٤٠ ، الاكاديا وترافرس زباله لو قيمتها ب ٥٠ الف ، بايلوت يبدا ١٤٧ .. الخ
››   mo3a4ms
›› 59
››   قبل 4 شهر
نسيت اذكر ان الوكيل السيء ، وترا مقطوع الموتر الحين الاستاندر مابيجي الا بعد شهر وفيه احتمال مايجي الا بعد ٣ شهور بيجي موديل ٢٠٢٠ ، باقي بس لون احمر للاستاندر ، والفل متوفر اغلب الالوان ، كنت عندهم اليوم اللي يبي الموتر لا يروح ويتعب نفسه
›› 60
››   قبل 4 شهر
السلام عليكم
تعقيبا على رد الاخ عبدالله _122
انا مستخدم للسيارات الامريكيه (فورد ماركيز-فورد اكسبيدشن-كابرس اس اس 1996)
وحاليا عندي مازدا استخدام سنتين ونص
مقارنه بالامريكي صعب تقارنها الامريكي اريح بكثير عن المازدا اللي جرب الامريكي مايعجبه اي موتر ياباني لانه قاسي اشوي من ناحية الكراسي والمساعدات وغيرهااا لاكن السياره ممتازه عمليه قطع غيار رخيص متوفر ف الوكاله كل شي بعض المرات يكون عندهم زحمه ف الصيانه فتحتاج تاخذ موعد ولا هو طويل بالكثير يومين ثلاث
واذا ناوي على cx9 توكل على الله وخذها
››   10505
›› 61
››   قبل 4 شهر
مساكم عسل
ياشباب اهم شي عندي المكيق تمام ولا زي الكوري عله .
بالله اللي عند خبر يعلمنا هل المكيف ١٠٠% ولا لا
اهم شي المكيف
›› 62
››   قبل 4 شهر
الياباني معروف ف المكيف ممتاز جدا
›› 63
››   قبل 3 شهر و 4 أسبوع
النصيحه جميع المعارض حراميه نصابين خاصه حراج جده المعارض يبون يكسبون بالسياره ١٠ الاف زياده والسياره متوفره بالشركه استغفال علني عشان كذا لايضحكون عليكم الشريطيه لابارك الله فيهم
››   10505
›› 64
››   قبل 3 شهر و 4 أسبوع
آمين يابا ابا خالد
دمرونا الشريطيه حسبنا الله ونعم الوكيل
›› 65
››   قبل 3 شهر و 3 أسبوع
كثيرعارضين السقنشترللبيع بعداش السبب
››   قبل 3 شهر و 3 أسبوع
تويوتا وبس
›› 68
››   قبل 3 شهر و 3 أسبوع
ابو ابراهيم الاول
انا فتحت الموضوع عشان استفيد وافيد غيري بمعلومات عن السيارة ومميزاتها والسيارة حسب المعلومات ماتنعاب ابداً وفيها مميزات جميله جداً
الهدف ماهو عشان امدح سيارة على سيارة ولا كان السؤال موجه للتويوتا نهائياً
والموضوع خليته ولا حذفته لكمية المعلومات الممتازه من المشاركين ومجربين للسيارة للاستفادة
››   vip.2221
›› 69
››   قبل 3 شهر و 3 أسبوع
السلام عليكم
انا عندي 2018 من سنه وكم شهر
عيوب السياره:
* مافيها تشغيل عن بعد ( بالرغم تحميتها من شريتها ما وصلت دقيقه )
* مافيه تبريد مراتب وتسخينها
* مافيه مكيف لاخر مرتبه والمرتبه الثانيه مكيفها ف الوسط فقط
* مافيه لمبه ف الدرج
————
مميزاتها :
* ما تصرف بنزين ابدا ابدا ابدا ، تفلل السياره ب90 اذا هي صفر وتمشيك 700 كم ممشى حقيقي
* وسيعه جدا ، طولي 175 ومضبط مرتبة السواق ع طولي وارجع اركب ورا خلف مقعدي وكمان متوسع ورجولي ما توصل للمرتبه اللي قدام
* مريحه جدا ( خصوصا اني مستخدم للكراون فكتوريا سنتين قبل المازدا ) ويبقى الياباني اقل راحه من الامريكي
* اضاءات السياره الداخليه والخارجيه جمييييييييييله

الوكيل سئ تروح تطلب قطعه يقولون بعد اسبوعين طلبيه وهي سيارة موديل السنه كمان الصيانه يروح يومك عشان تصين السياره



لو رجع فيني الوقت رح اشتري مازدا ولا باتردد
››   ahmed.aldhem
›› 70
››   قبل 3 شهر و 2 أسبوع
الفل كامل مافيه تكييف خلفي ياجماعه !؟
معقوله هالشيء
››   abo_3beed   محظور
›› 71
››   قبل 3 شهر و 2 أسبوع
رحت للوكاله ثلاث مرات وكل مره اتردد واخاير، وكلام الشباب هنا جداً مفيد مشكور يا صاحب الاعلان وشكراً لك شخص اثرانا بتجربته ومعلوماته الشخصيه عن استخدامه للمازدا سي اكس ناين.
›› 72
››   قبل 3 شهر و 2 أسبوع
العفو والشكر للجميع ولكل شخص افادنا بمميزات او انتقاد للسيارة ..
بصراحة متعب جداً البحث عن مميزات سيارة تحتاجها او عيوبها بالفتره الحاليه وحبيت استفيد وافيد اي شخص حاب يشتري cx9
اختصرو لنا الشباب معلومات جداً مفيده وبصفحة واحده .... اشكركم
››   قبل 3 شهر و 2 أسبوع
اللي جرب فورد لا يفكر يقارن الراحه في أي سياره ثانيه
››   شكوتي لله
›› 74
››   قبل 3 شهر و 2 أسبوع

السلام عليكم ،، انا معي 2019 ستاندر سياره عزلها ممتاز وعزمها ايضا بالرغم انها 4 بس تيربو ، ومواصفاتها جدا رائعه بالنسبه لسعرها انا كان قبلها معي سوناتا 2017 ، لكن المازدا ماشالله جدا رائعه ، بالنسبه للانتظار اسبوع واخذت السياره ، عيبها مطبها قاسي بشكل بسيط والا الباقي م عليه كلام ، ومشيت عليها 220 للتجربه م فصلت وشكرا
››   gulffalcon
›› 75
››   قبل 3 شهر و أسبوع
انا مالك جيب مازدا 2019 CX9 سيارة رائعة ماشاء الله تبارك الله وقبلها كان معاي لكزسين وهذي ماشاء الله راحه وفخامة ورساوة الى بياخذها لايتردد وترى كثرة البيع لانها مطلوبة وماسكه بسعرها وفي ناس يحبون التغيير بالسيارات
››   قريعي
›› 76
››   قبل 3 شهر
الميزات :
السياره مرسيدس E عزلها 56 دسيبل
السياره مازدا cx9 عزلها 54 ديسيبل
افضل عزل صوت شفته الى الان
من الداخل فخمه جدا وتحس بوزنها وثقلها
الشكل الخارجي تحفه فنيه والواجهه شرسه
مديل ٢٠١٩ اضافو فيه تبريد للمقاعد الاماميه

العيوب :
ناشفه مع المطبات لانه نوع السبرنقات او اليايات اللي مركبه رياضي بحت
عدد النمر اللي فيها ٦ نمر فقط
صوت المكينه ال٤ سلندر يشبه صوت مكينة الكورلا
التكييف في الخلف موب مركزي


››   kksa
›› 77
››   قبل 3 شهر
المازدا فخامه وقوه من كلام مستخدميها والأمريكي فورد ماركيز وكراون فكتوريا هذي رقم 1 بالراحه تبي الفخامه والقوه والرساوه مازدا تبي الراحه والسليب هاي فورد وكلن حسب تضاريس بلده وعدد افراد عائلته يختار سيارته وبالنسبه للخرابات حسب الإستخدام واحد يسلمها للبزران وما يبيها تشتكي واذا استخدمت استخدام حشمه بتخدم سنين وعلى ضمانتي مو ضمان الوكيل وشكرا لصاحب الموضوع استفدنا كثير وربنا يكرمك باللي تستاهله
›› 78
››   قبل 3 شهر
Kksa
امين الله يجزاك خير وماقصرت
والموضوع الشباب اعطونا عصارة خبرتهم بالسياره ماقصرو والشكر الاول والاخير لهم
›› 79
››   قبل شهر
الله يجزاكم خير جميعاً استفدت كثيراً ,
››   mahdi7sulis
›› 80
››   قبل 4 أسبوع
السلام عليكم . ياشباب بالنسبه للي يقول المازدا ياباني هذا الكلام غير صحيح المازدا كوري نفس الهونداي والكيا وهذا الكلام اكيد ١٠٠٪
››   altamimi_f
›› 81
››   قبل 4 أسبوع
مستحيل .. انا كان عندي مازدا ٢٠٠٩ وبعدها اخذت ٢٠١٤ والان ٢٠١٩ اتحداك تلاقي قطعه وحده كوريه بالسياره .. واتحداك اذا كانت تصنع في غير اليابان

يجب عليك تسجيل الدخول حتى تتمكن من إضافة رد.