الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» اصحاب الالنترا تفضلو

قبل شهر
#45323124
سيارتي النترا 2018 من اخذتها من الوكاله وفيها نقص في ما الرديته وقالولي طبيعي ومشوني كل 5000 تنقص اكثر من نص القربه الي بين ال F وال E هل المشكله واجهتكم؟ وكيف حليتوها
اصحاب الالنترا تفضلو
وسيلة الإتصال :
الخاص

  النترا

  النترا 2018

  هونداي



إحذر من التعامل غير المباشر.
إستخدم القائمة السوداء قبل أي عملية تحويل
››   قبل شهر
شيك على الماء بشكل اسبوعي افضل لك
››   al-3nzey
›› 2
››   قبل شهر
اشيك بشكل دائم لا كن خليتها عشان احسب معدل النقص
››   maxss 6904
›› 3
››   قبل شهر
لا مو طبيعي موتر فاكه وكاله كل ٦ شهور ولا اقرب يمه والمويه هي هي
›› 4
››   قبل شهر
طلعت عندي نفس المشكله وبعد ما تعدت ٤٠ الف ما عاد نقصت دايم ازو كل ٥ الاف
››   yazed132
›› 5
››   قبل شهر
اكيد لا انشب لهم
›› 6
››   قبل شهر
المفروض ماينقص
لو يمشي سنه
››   akeel2017
›› 7
››   قبل شهر
اذا ماخذها وكاله من المفترض ان ماينقص لا ماي ولا زيت بالذات الماي من المفترض ماينقص الا يمكن على مدى طويل يعني من ستة الى ستعك اسهر وحاجه مره بسيطه لكن اذا ينقص معك بإستمرار ثق تماما هناك مشكله
››   maxss 6904
›› 8
››   قبل شهر
فك غطاء القربه اذا الماء تغلي عندك مشكله في الراس واذا الماء طبيعيه عندك تنسيم او تهريب ونصيحتي لك لا تعور راسك دام الموتر وكاله انطل ابوه على الوكاله
›› 9
››   قبل شهر
سافرت من أبهاء إلى الرياض وصلت الرياض والقربه صفر مافيها ماء وعبيتها مره ثانيه وصارت تنقص بشكل قليل حتى وصلت ٤٠ الف وراجعت الوكاله قالو ممكن عيب مصنعي وبعدها ماعاد نقصت بعد ٤٠ الف
››   ابوراشد128
›› 10
››   قبل شهر
طبيعي ؟! رحلهم ولا ترحمهم .. ووزاره التجاره موجوده
››   ali1has47
›› 11
››   قبل 4 أسبوع و يوم
اكيد فيه عيب في الصناعه اما طبه ولا لي فيه تهريب للمويه وهذا موطبيعي في سياره جديده
ودها الوكاله وانشب لهم واذا ماتجاوبو معك اشكهم لانه لوسار للموتر شي بسبب نقص المويه مابيرحموك بيقولون سوء استخدام
››   قبل 4 أسبوع و يوم
يرجال اذكرو توهتم الرجال انا عندي النترا 17 اول مااخذتها كنت اداوم عليها يومي 70 كيلو بعد اسبوع نففس الشي مافي مويه في القربه
››   قبل 4 أسبوع و يوم
لكن عودت عند مهندس في الوكاله قالي السياره اذا استلمتها فيها شويه بنزين وشوي مويه لديتر وشويه مويه مساحة انتا تكملها قلي يوم سألته ليش قلي مدري والله وصرت اعبي مويه وتحت السياره المويه تنزل بغزااره مرره لين كل الناس قالو عيب مصنعي عودت عند المهندس قالي هذا طبيعي بس عشان سيارتك جديد والثلاجة جديدة والليات وكذا قالي مع بروده الكمبرسر الليات تندي
››   قبل 4 أسبوع و يوم
والكمبرسر يندي وعلى مسئوليتة والحين كل شهرين ثلاثة اعب نص او ربع علبة احسن شي تكشف وحسب استخدامك والمنطقة كلها عوامل مساعده اسف ع الاطالة
››   xxplqa
›› 15
››   قبل 4 أسبوع و يوم
انت مر البشر وأخذ منه بودرة وصبها في الراديتر راح تقفل فتحات التهريب. وبعدها جرب السيارة راح أن شاء الله تدعيلي
›› 16
››   قبل 4 أسبوع و يوم
بودره تصبها بسياره جديده..ماهو حل
››   fatyali
›› 17
››   قبل 4 أسبوع و يوم
النترا بعد ٢٠١٤ ماعاد في احد الاشكى منهم وحتى في اعلان واحد يبي يبدل النترا ٢٠١٦ ب٢٠١٣ ويدفعون له الفرق ..
››   elh1245
›› 18
››   قبل 4 أسبوع
سلام عليكم اسعد الله مساكم ، انا الان عندي نفس المشكله اذا السياره بارده القى اللديتر فوق النص بشوي واذا حميتها ورحت كم مشوار ترتفع لحالها لين حرف F وبعض الاحيان ما يرتفع يقعد فوق النص بشوي ورحت للوكاله عشان عندي مشكلتين المشكله الاولى اللديتر وقالي المهندس عايدي مايضر اذا هو ينقص كل شهر ربع بس اذا كان ينقص باستمرار فاكيد في تهريب ولاشي بس الربع ذا ينقص عشان يتبخر عشان المكيف والسرعه ومن الكلام هذا ، اما المشكله الثانيه السياره عندي وانا داعس بشويش ماتعشق الا على ٣.٥ او ٣ وقالي طف الايكو لان الايكو يثقل السيارت وطفيته وزبطت معي والمعذره على الاطاله بس حبيت افيدكم
››   al-3nzey
›› 19
››   قبل 4 أسبوع
1245 حبيبي
كنك قاعد تسوق سيارتي اجل مشكلة التعشيق هي الايكو؟ والرديتر طبيعي
››   elh1245
›› 20
››   قبل 3 أسبوع و 6 يوم
ايوه نعم الايكو يثقل السياره بس طفه خله على النورمل وبتلاحظ فرق كبير ، بلنسبه للديتر اذا ينقص شويه كل شهر فهذا طبيعي اما اذا ينقص كل كم يوم اول اسبوع بكثره فهذا خلل مصنعي
››   crown_vic_p_s
›› 21
››   قبل 3 أسبوع
غير غطى الرديتر
›› 22
››   قبل 3 أسبوع
كيف غير غطاء الاديتر والسياره جديده لاتفتي الا متاكد .والاغلب قالوا طبيعي
››   seed1122
›› 23
››   قبل أسبوع و 5 يوم
ماهو طبيعي رجعها واحذفها بوجيهم واذا ما استجابوا معك ، وزارة التجاره اشتكهم ، موتري النترا ماينقص الا بالسنه حسنه وشوي بعد شي لايذكر
››   crown_vic_p_s
›› 24
››   قبل أسبوع و 5 يوم
يا ابو ديم ١٤٣٧

انا فوردي من يوم ما طلعته من الوكاله عام 2011 مانقص ولا قطرة رديتر علماً انه فورد و ثمانيه سلندر وش معنا هذي النترا اربعه سلندر وتنقص رديتر اكيد!! اكيد فيه خلل
››   sultanz10
›› 25
››   قبل أسبوع
اغلب الظن ان المشكلة بغطأ اللديتر غيره بواحد وكالة لانه هو الزبده وثاني شي اخذ ماء لديتر خاص باللنترا او سيارات هونداي افضل شي واذا مازالت المشكلة موجوده ودها لمكينيكي فيه تسريب والله اعلم ، اذا انحلت مشكلتك ادعيلي عسى الله يسهل امرك ، وبالتوفيق للجميع

يجب عليك تسجيل الدخول حتى تتمكن من إضافة رد.