الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» رأيكم في الاكسبيدشن 2018 -2019

قبل شهر و أسبوع
آخر تحديث قبل 3 يوم
#46137600

ياأخوان وش رأيكم بالفورد اكسبيدشن 2018 الجديد
وهل فيه عيوب أو مشاكل بالتكييف
انا ناوي اشتري بس محتار بينه وبين التاهو2019
رأيكم في الاكسبيدشن 2018 -2019
وسيلة الإتصال :
+966501370039

14

  اكسبيدشن

  اكسبيدشن 2018

  فورد



إحذر من التعامل غير المباشر.
إستخدم القائمة السوداء قبل أي عملية تحويل
››   abo otman
›› 65
››   قبل 3 أسبوع و 6 يوم
وين الاسعار هذه ؟ في أي معرض ؟
›› 66
››   قبل 3 أسبوع و 6 يوم
معرض الصقور بجده
›› 67
››   قبل 3 أسبوع و 6 يوم
لهم اعلان هنا
››   abo otman
›› 68
››   قبل 3 أسبوع و 6 يوم
انا مالقيت الاسعار هذه في الرياض
››   bumohsen
›› 69
››   قبل 3 أسبوع و 6 يوم
سعر ٢٠١٩ ستاندر ١٦٣٠٠٠ في توكيلات الجزيرة
وحسب كلامهم مافي سيارات
يقولك الموظف ادفع عربون علشان أحجزلك على الدفعه الجاية
››   الوافي 2244
›› 70
››   قبل 3 أسبوع و 6 يوم
المشكلة أن الناغي صار وكيل لبعض المناطق فأعتقد أن هذا ممكن سبب في قلة السيارات لأني شفت بعض صالات توكيلات الجزيرة شبه فاضية من السيارات السيارة ممتازة جدا واللي ساقها يعرف وش اقول من ناحية السعر أشوفه بدأ ينزل وهذي سياسة فورد ترفع في البداية بعدين ينزل
›› 71
››   قبل 3 أسبوع و 6 يوم
الوكاله اغلى من المعارض فرق بالسعر 10 الاف على الاقل
››   جيرانيوم
›› 72
››   قبل 3 أسبوع و 6 يوم
الاخ حسن قروب يوكن وتاهو فيه ٣٩٠٠ مشترك والقروب شبه نايم يناقشون فيه بس بعض الامور البسيطه اسطب.. ايش افضل زيت مكينه.. ايش احط ايش اركب.. وقروب الاكسبديشن فيه ٦٧١ والقروب حريقه كله خرابات غريبه والمشكله موديلات حديثه؟؟؟؟؟
››   جيرانيوم
›› 73
››   قبل 3 أسبوع و 6 يوم
مافي سياره بالدنيا ماتتعطل ولايوجد جهاز الا وله عمر افتراضي ولكن القطعه الاصليه المفترض يكون عمرها الافتراضي لايقل عن خمس سنوات اقل شي وخصوصا انك راح تدفع مبلغ وقدره في سياره المفترض انها تكون اعتماديه بشكل كبير
››   الوافي 2244
›› 74
››   قبل 3 أسبوع و 5 يوم
صراحة على كلامكم أن اليوكن السيارة المكوكية اللي ما تعرف الخراب عموما كلها عندنا في البيت وعارف كل شي فيها جودة مواد داخليه ومحركات تحصلها في فورد قوة محرك وخفة تحصلها في اليوكن بس داخلية تتهربد وتتكسر للأسف الفورد متماسك جدا داخليته واللي جربها يعرفها تماما والناس أذواق والله يبارك للجميع
››   قبل 3 أسبوع و 3 يوم
اكسبديشن من عام ٢٠٠٨
اشتر واركب وانس
›› 76
››   قبل 3 أسبوع و 3 يوم
موتر خفيف وكفو معي ٢٠١٤ على يدي عز الله انه موتر ماشاء الله عذروبه كل ٣ سنوات تغير جلد مقصات فقط
››   s3d msa3d
›› 77
››   قبل 3 أسبوع
سياره ممتازه لكن بهالسعر والمواصفات الفقيره لا والله
في خيارات أفضل بسعر أقل ومواصفات اعلى
››   فايز غشام
›› 78
››   قبل 3 أسبوع
وش السياره اللي بسعر اقل ومواصفات اعلى ؟
للفائدة...
››   الوافي 2244
›› 79
››   قبل 3 أسبوع
ما فيه منافس للاكسبدشن إلا اليوكن والتاهو بالنسبة للأسعار المتوسطة بعيدا عن اللاند كروزر والباترول لارتفاع اسعارها وانا ارى ان صاحب العائلة يتجه للسيارات الأمريكية أفضل من حيث الراحة والمساحة والسيارات توافيق يمكن تشتري ياباني ويهلك بالخراب أو تأخذ أمريكي ويعيش معك
››   7moha1
›› 80
››   قبل 3 أسبوع
اطلب تجربة قيادة من الوكالة
››   abdely444
›› 81
››   قبل 2 أسبوع و 6 يوم
معي الاكسبديشن 18 قسم بالله فرق السما عن الارض بالنسبة للشفر واليوكن الراحة القوة التحمل جودة الصناعة خذ وانت مغمض
››   abdely444
›› 82
››   قبل 2 أسبوع و 6 يوم
اكتب عيوب تاهو ويوكن في يوتوب وتشوف
››   قبل 2 أسبوع و 5 يوم
اخس سيارة الاكسيبديشن قطع غاليه والمكينة حساسة جدا خبطت معي ٣ مرات طبعا مع السواق لازم نغير زيتها مايتعدا العداد ٢٠٠٠ كيلو ولا تخبط وقطعها لو تطلب مثلا اي قطعه مايبيعون لك الا قطعه كامله مايبيعون القطعه الخربانه يبيعونها كل القطعه مرة وحدة بدل تدفع ١٠٠ تدفع ٢٥٠٠
››   احمد kw
›› 84
››   قبل 2 أسبوع و 4 يوم
احلى مافي الاكسبدشن الراحه والله مريح جدا حبيت سواقته انا بس الي ماعجيني القير فرار ما ارتحت له ع العموم استخير الله
››   king313117
›› 85
››   قبل 2 أسبوع و يوم
خذها ولاتردد انا معي 2018 وأنه ماشي 69 انه زي لوز مكينة مشاءالله ولا يصرف انا كل يوم أقطع مسافات كثيره مشاء الله حق خط وحق مدن واني سافرت به خارج السعودين انه ناعم على الخطوط
والله على ما أقول شهيد
››   دل بيرو
›› 86
››   قبل 2 أسبوع و يوم
مجرد نصيحه
كل شخص يقول سمعت ولاجرب و يبغى الناس مثله يسمعو اللي يقول منقطع من السوق هذه دلاله على النجاح الوكيل فعلا غالي لكن اشوفه افضل من التاهو واليوكن واللي يقول عطلاته كثير تلاقيه رامي المفتاح لكل من هب ودب مايحن على السيارة الا راعيها دافع دم قلبه عشان ماينرخص هو وعائلته فورد شركة عملاقه ولاهي بحاجة شهاده من احد يكفيك ان السيارات المستخدمه في الافلام وفي المواكب فورد بسم الله وماشاءالله عندي 2006 لها فوق9 سنوات عندي وماغيرت فيها الا اقمشه وبواجي فما بالك في الموديلات الاحدث الفورد سيارة ولاتقارنها بأي سيارة عائلية لافي القوة والرساوة والتبريد والراحه وعشان اكون محايد روح جرب او استاجر اخسر 500 ريال مقابل قناعتك ولو بتسمع كلام الناس بتمشي على رجولك وبأمرالله اني ماخذه لو يصير ب200 لاني مجرب ومستخدم فورد اقول هالكلام
››   al barakati
›› 87
››   قبل 2 أسبوع
كان معاي ٢٠٠٨ مشيته ٤٠٠ الف كيلو وراحت المكينة والقير طبعا شي طبيعي لان كل شي له عمر افتراضي رغم أني ما كنت حريص على صيانة الشركة والآن اشتريت ٢٠١٦ نص فل قبل سنتين تقريبا كان ماشي وقت الشراء ٥ آلاف والآن ماشي ٨٥ الف ولله الحمد والمنة الي أغيره هو الزيت والفلتر فقط
›› 88
››   قبل أسبوع و 5 يوم
معاي 2013 ع قد ماصدمت فيه وقد ماكسرت وباقي متحمل قسم بالله والحين ماشي300 الف ولا قد شكى اللهم لك الحمد اهم شي زيوته حافظ عليها وازهل الباقي على السياره
›› 89
››   قبل 6 يوم و 8 ساعه
اقول عليا الحرام انه قوه وفخامه انا معي واحد ١٢ إلى ذلحين ماشاءالله شغال والا عليه أي شي ماشاءالله
›› 90
››   قبل 6 يوم و 8 ساعه
رحت على تاهو
››   قبل 3 يوم و 20 ساعه
ياشباب كيا تيلورايد الجديد امريكي

مكينته ٣٨٠٠ دفع رباعي والله ياهو طرب لكن ساهر خرب علي المتعه

حجمه كبير اعرض من الاندكروزر والنيسان

السياره سعرها استاندر ١١٧٠٠٠ لكن مواصفاته تغنيك عن النصف فل والفل كامل

مابطول عليكم خذو تجربة قياده من الوكيل
››   الوافي 2244
›› 92
››   قبل 2 يوم و 21 ساعه
الله يهديك وش جاب هذا للاكسبديشن أو اللند كروزر والباترول واليوكن الفئة مختلفة كليا ونظام الدفع مختلف التيلورايد من فئة البايلوت والاكسبلور والاكاديا والترافيرس دفع أمامي أساسي مع توفر نظام الدفع الرباعي دون وجود قدرات كبيرة لنظام الدفع يعني حق رملة شاطئ
››   bowqs_4995
›› 93
››   قبل يوم و 13 ساعه
معي سوبربان 2008 ماشي اليوم فوق الـ 400 الف
ما فد وقفت عند كهربائي اعطالة عاديةوصيانة دورية ما توقف مؤخرا بدينا ندخل في تهريب مكينة وصرف بانزين زايد وعزمها بدا يثقل
فورد سالت عنه هاليومين لاني ناوي اغير سيارتي ولي كم يوم افرفر بين مستخدم وجديد اليوكن والسوبربان اسعارهم طايره نار
اتفق الكثير ان مشكلة فورد الكهرباء والمكيف على المدىالطويل وتهربد اسرع من الدخل والخارج
لكن ميزتها سلسه وصرفها اقل
››   الوافي 2244
›› 94
››   قبل يوم و 6 ساعه
صدقني جودة فورد لا يعلى عليها خصوصا الديكورات الداخلية والميكانيكية خذ موتر

يجب عليك تسجيل الدخول حتى تتمكن من إضافة رد.