الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» باترول 2015 ماكينة 400

قبل شهر و أسبوع
#46151552
أصحاب الباترول 400 موديل 2014 وطالع

ياليت تعلمونا عن صرفية البنزين وهل هو يشرب والا استهلاك عادي
وهل الصرفيه متساويه داخل الديره وعلى خط والا لا

يعني اذا كان فل ، كم كيلو يمشيك ؟؟؟

واذا كانت الماكينه 320 حصان ، الصرفيه أقل أو أكثر ؟


باترول 2015 ماكينة 400
وسيلة الإتصال :
العام والخاص

  باترول

  باترول 2015

  نيسان



إحذر من التعامل غير المباشر.
إستخدم القائمة السوداء قبل أي عملية تحويل
››   alkateri3
›› 18
››   قبل شهر و أسبوع
انا مستخدم الباترول واللاند والتاهو والسكويا
ويشهد الله ان الاستهلاك البنزين قريب من بعض..
اما اللي متعود عالسيارات الصغيره بيفرق معه..
وسلامتكم
››   alkateri3
›› 19
››   قبل شهر و أسبوع
اما المقارنه في التحمل .. التويوتا بر بحر جبل طعس اي شي مايقول لا.. اما الباترول موتر ناعم حق كشته خفيفه وخط وتهتم بالصيانات..
››   faisal.fahad 6
›› 20
››   قبل شهر و أسبوع
موتر ناعم!!!!! الله يهديك بس راجع حساباتك. اذا ماجربت ١٨٠على بطحا ومعك باترول لاتتكلم عنه
››   mrmr886
›› 21
››   قبل شهر و أسبوع
‏السلام عليكم ورحمة الله وبركاته
‏شكرا لكل من ‏ ‏وضح ‏معلومة عن الباترول
انا ‏جازم على واحد بإذن الله لكن الشيء اللي متخوف منه و كثير اسمع‏ عنه
١- ‏ارتفاع حرارته بانفود
٢- ‏كذلك حرارة القير يحتمي لازم تبريد
‏٣-‏ويحتاج صيانة كل فترة مو مثل ال لكزز و‏تايوتا بشكل عام
‏لكن إذا هو على صرفية البنزين امرها سهل الخوف من الأعطال وشكرا لكم
››   faisal.fahad 6
›› 22
››   قبل شهر و أسبوع
يا mrmr. النقاط ١و٢و٣. غير صحيحه ١٠٠٪؜. وانا كان عندي ٣٢٠ ٢٠١٤ واشتكيت الى من شي واحد الي هو صوت صرصره في باب الشنطه ورحت الوكاله وضبطوه وبعدها ماشتكيت من شي ابددد وواحد من العيال معه SE2 ٢٠١٥ ماشتكى من شيي ويقول باب الشنطه عندي ماضهر فيه شي. وبعدها انا شريت ٢٠١٦ ٤٠٠ وماطلعلي عيب باب الشنطه الضاهر عشان موتري ٢٠١٤ الدفعه الاولى وماشاءالله الحراره ماتتعدى الربع الي هي اول شرطه. وارقى عليه عروق موب هينه واقنص عليه والعن خيره مايقول لا والزيت مرات احرقه ٢٠٠٠ كيلو او١٠٠٠ كيلو وماشتكيت شي. وفيه ملاحظه على ال٤٠٠ ان فيه زي الحبه حقت الطرمبه تغيرها كل ١٠٠الف او٩٠الف طبعا ١٠٠الف بالكثير ماتتجاوز٧٠ او٧٥ ريال.
››   faisal.fahad 6
›› 23
››   قبل شهر و أسبوع
طبعآ الملاحظه الي في ال٤٠٠ هي زي الصاموله او الحبه
››   faisal.fahad 6
›› 24
››   قبل شهر و أسبوع
معليش اسمها”تكاية طرمبة البنزين” طبعآ موجوده فقط في ال٤٠٠
››   mrmr886
›› 25
››   قبل شهر و أسبوع
جزاك الله خير اخوي فيصل فهد ع التوضيح وع قولت المثل اسئل مجرب
شكراً ع كلامك الطيب والمفيد وانشاء الله جزمت عليه والله يكتب الي فيه خير ي رب لي ولكم (ذبحونا وخوفونا منه الي يتفلسفون ب الشي ولا جربوه )
››   faisal.fahad 6
›› 26
››   قبل شهر و أسبوع
وياك. وماجاوبت الى للفائده. والي يتفلسفون ياشريطيه يا عالم فيلسوفي. ولا الي مجربه مايشتكي منه
››   faisal.fahad 6
›› 27
››   قبل شهر و أسبوع
طبعا التكايه حقت الطرمبه شغلتها شوي صعبه. يعني القطعه وشغل اليد ٢٠٠ريال ماتتجاوزها
››   faisal.fahad 6
›› 28
››   قبل شهر و أسبوع
والله يباركلك ويكتب لك الخير
››   naif 803
›› 29
››   قبل شهر و أسبوع
السلام عليكم ورحمة الله وبركاته
اخوي انت سئلت عن ال 400 تحديداً بخصوص تانكيه كم يمشي انا معي واحد الان 2014 اذا اشتغلت اللمبه اعبيه 140 ريال يعني 101 لتر ويفول يمشيك بالمنطقه من 650 الي 700 كيلو اما بالخط يوصل الي 800 كيلو وصرفيته افضل بكثير من 320 ومن الجيوب اللي مثله الجي اكس ار والكزس ويعتبر هو اقلهم ... لايجي واحد ويقولي الكزس يمشي اكثر او الجكسار يمشي اكثر ممكن يمشيك كثره واكثر ولكن السوال كم تعب ال 400 والكزس والجكسار كم تعبيهم .... موتر بطل نصيحة اخ انا جربت كل الجيوب ما جلست الا على الباترول ال 400 طبعاً اقضل شي خذ من 2016 الدفعه الثانيه وفوق لانه اللي قبله ترتفع الحراره بوقت الظهر وزحمه و واقف الشارع وهي مروحه اضافيه ولكن ماركبته وجت وكاله من 2016 الدفعه الثانيه وفوق ...... طبعاً عزل ماعليه كلام وعزم جبار بس نصيحه خذ نظيف مره وبالتوفيق
››   faisal.fahad 6
›› 30
››   قبل شهر و أسبوع
ياخوي كلامك عن ال١٦ الدفعه الاولى وتحت غير صحيح ماترتفع ابدد اكثر شي وصل معي كنت في الحر واكتم عليه فالنفود وصل الربع الي هي الشرطه الاولى وكان هو الكفرات٣٥
››   naif 803
›› 31
››   قبل شهر و أسبوع
طيب كلامي مو صحيح يافيصل بس لاهنت مر على الوكاله وقلهم ليه حطيتوا الدفعه الثانيه من 16 وفوق مروحه اضافيه او اسئل الورش المتخصصه اللي ترهم المروحه الاضافيه ليه
››   faisal.fahad 6
›› 32
››   قبل شهر و أسبوع
الاضافيه غالبآ ماتشتغل الى بسرعه رقم ١ واصلآ ال١٦ الدفعه الاولى وتحت المروحه لها سرعات متعدده ولاعمري اشتكيت من حراره. وانا اقول ان كلامك انه يحتر غير صحيح ومافيه موتر من الباب لطاقه يحتر مافيه موتر يحتر ومافيه مشكله يعني رح حل المشكله الي عندك وشف الحراره لاتقولي المشكله انه مروحه وحده
››   naif 803
›› 33
››   قبل شهر و أسبوع
طيب يافيصل على مابشهدون الرجاجيل انا هذا رقم 0557599907 واتصل علي واقابلك ونفحص موتري وكاله ويقولون لك وكاله وبعده بتمشى انا وياك بحر الرياض ونوقف وًوًو الخ واذا احتر وش الي ؟

وانا عني اذا ما احتر بعطيك السياره ببلاش


انتظر اتصالك وحط معدالك قدام الرجاجيل
››   naif 803
›› 34
››   قبل شهر و أسبوع
واذا تبي تجيب من عندك 400 من عندك كمان مافي مشكله ادا ما احتر بعطيك موتري وادا احتر حط معدالك قدام الرجاجيل
››   abdullah22333
›› 35
››   قبل شهر و أسبوع
يانايف ويافيصل هدو انفسكم اثنينكم صح والسيارات مهي واحد

لأن عندي واحد من اخوياي معه 15 400 فاكه وكاله يقول ماعمر الحراره عدت الربع واقف او ماشي
وواحد ثاني من اخوياي معه 14 320 يقول اذا طول وهو واقف يحتر اشوي

الخلاصه ان االمواتر مهي واحد واتفق مع نايف بسالفة ان الوكاله ماأضافو المروحه الإضافيه في ال 2016 غير تفادياً للحراره

››   alkateri3
›› 36
››   قبل شهر و أسبوع
يا اخوان
بالنسبه لحراره الباترول معروفه وحلها بسيط جدا
تغير موية الرديتر حقت الوكاله الجركل ب ١٧٠ ريال ياخذ جركلين
وتركب مروحتين اضافيه وخلاص
اما اللي يقول ماترتفع حرارة الباترول فيشهد الله ان حنا فكيناه وكاله
ورحنا به جسر البحرين وكان زحمه وحر وارتفعت الحراره واحتر المكيف واقسم بالله الموتر ماتعدى ٥٠٠٠ كيلو يعني اصفار موديله ٢٠١٥ على وقته وهذا معروف وحله بسيط وما يعيبه يبقى خيار جيد وممتاز لكن تحت التويوتا لان التويوتا افضل
يجيني واحد توه مطلعه اصفار ويقول له ٣ سنين وما خالف علي.. المشكله بعد ٥ سنين يبدا يطلب استهلاكيات.. التويوتا لو ٢٠٠٨ باقي كنه جديد وتمعطه معط ما يقول اح.. لكن انا من عشاق البانرول وامتلك واحد الحين ومرتاح له.. والله يبارك للجميع في حلاله
››   faisal.fahad 6
›› 37
››   قبل شهر و أسبوع
طيب تقول انك في جسر البحرين انا اول قد رحت قطر وقدت واقف ٣ساعات ونصف والموتر شغال والمكيف شغال والحراره على الشرطه ومافي موتر في الحياه من كيفه يحتر وألا فيه مشكله والي يقول امعط التيوتا ومدري وش ياحبيبي المشكله تجي في الموتر موب من الشركه وانا كانت معي كامري اخلص مشوار نص ساعه الحراره على النص العيب يجي في كم موتر طبيعي اما تقول كل البواترول هنا وقفف
››   faisal.fahad 6
›› 38
››   قبل شهر و أسبوع
ويا نايف انا الموتر اجلده مايحتر ماشاءالله هل المشكله عندي ولاعندك اكيد موترك فيه مشكله اما زايد الما ولا منقص ولا ثرمستات الباترول مايحتر الى فيه مشكله او عطل حلها وشوف الحراره
››   naif 803
›› 39
››   قبل شهر و أسبوع
يافيصل اذا انا ومعي اثنين نفس الكلام ولازلت تقول مو صحيح ... عموماً خلك بقناعتك واحنا بقنعاتنا وبالتوفيق
››   m9061
›› 40
››   قبل شهر و أسبوع
اشهد بالله اني جربت ٤٠٠
موتر على اسمه بطل ولا تحس انك سايق جيب
بالنسبه للصرفيه البانزين جميع الجيوب تصرف
وهذا طبيعى بسبب الوزن
والحراره خذ من ١٦ وفوق
او ركب مروحه اضافيه
›› 41
››   قبل شهر
انا افضل المروحه الوحدة وانت تركب الاضافيه لان ال١٦ صحيح اضافو مروحتين فيه ولكن صغرو مبرد القير
اما بالنسبه لرتفاع الحراره تعتبر طبيعي مع حرما ذا ولا فيه مشكله
››   abo saad za
›› 42
››   قبل شهر
الكلتش حق المروحه يختلف غيروه في الموديلات الجديده ومع اضافه المروحه مايشتكي من شي ابد
وكل السيارات تحتر مع زياده الخراره في الجو بصفه عامه بالذات اذا كانت السياره غير مصينه والحل بسيط تغير ماء الرديتر كل مائة الف كيلو واذا مشى مائتين تغير الرديتر في اي سياره مع الماء الاصلي وبلف الحراره وبالنسبه للباترول فيه البلف تقدر تركب طبعاً افضل كل ماكان الرقم اقل حق الفتك ٧٦ ونص او الرياضي ٦٨ ونص وحق الوكاله ٨٢ونص وتركب له كلتش المروحه الجديد يختلف تماما والمرواح تركب وماتكلف كثير وماعاد تشتكي ابدا وبالنسبه لل٤٠٠ صرفيته معقوله بمشيك داخل المدينه ٧٥٠ وزياده على دعسه خفيفه وبالنسبه للخط يمشيك ٩٠٠ بالراحه عن تجربه وسيارات قويه ومريحه مقارنه بأي جيب والله يوفق الجميع
›› 43
››   قبل شهر
الافضل هل الشكل الجديد البلاتنيوم او الفتك الاربعه ابواب
››   abo saad za
›› 44
››   قبل شهر
على حسب استخدامك دايم في البر شبه يومي فتك البلاتينيوم في البر وداخل المدينه وفرق في الراحه
››   faisal.fahad 6
›› 45
››   قبل شهر
الفرق في الفل ١٣ريال تقريبا واذا بتفك فتك جدييد خذ باترول ماشي ٢٠الف او اقل شوي بنفس السعر
››   faisal.fahad 6
›› 46
››   قبل شهر
البلاتينيوم الفل اغلى ب١٣ريال ويمشي اكثر
››   amer4g
›› 47
››   قبل شهر
اخذ لك ديزل أفضل ماعد يصلح في الوقت هذا

يجب عليك تسجيل الدخول حتى تتمكن من إضافة رد.