الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» لكزس es

قبل شهر و 2 أسبوع
آخر تحديث قبل 3 أسبوع
#47211645

حياكم الله جميعا
فتحت هالموضوع وخصوصا عن لكزس es
لان والله شفت تلاعب بالاسعار
وبالسومات وبالحد
وخربو علينا لاخلونا نشري ولاخلوهم يبيعون
يالربع مو معقوله الي يصير في هالموقع
اسعار مبالغ فيها وسومات خرطي
غير الي يعرض سيارته ويقولك رش تجميلي !!
ولما تفحصها تحصلها مصدومه
او يقولك فيها رش ولايذكر الحادث
او يعرض له سياره مصدومه ويطلب فيها سعر النظيف
وحنا ماغير نمشي وندفع قيمه الفحص
واذا طالبته بقيمه الفحص قام يدعي ويكرهك بالعوض الي من ورا وجهه
هذا غير لعب الي حاصل في عداد الممشى ويرجعونه .
وخصوصا الخليجي . وتحصله مرشوش ومصدم وتاكسي في دبي ومرجع عداده ويقولك 2013 ب 80

في الموقع هذا فحصت قرابه 7 سيارات وكلها الله يعوض الي بيشريها
والمشكله يجيك بكل ثقه موتري استخدام حشمه

غير المواقف الي صارت لي معاهم
وانتم عطوني المواقف الي صارت معاكم
والغش الي صار لكم

المايك لكم



لكزس es
وسيلة الإتصال :
.....

12

  ES

  ES 2013

  لكزس



إحذر من التعامل غير المباشر.
إستخدم القائمة السوداء قبل أي عملية تحويل
››   ehab2016
›› 49
››   قبل شهر و أسبوع
بعد عن التشارجر فلوسك في الارض
››   king 191919
›› 50
››   قبل شهر و أسبوع
مع احترامي انتواً السبب
الواحد بس يبغا يكشخ عندك مثلا ميزانية ١٠٠ الف تروح تأخذ مستعمل ماشي فوق ٥٠ الف وصاحبها أتمشى فيها وانبسط وحتى ممكن اكل فيها ونام فيها
وانت تروح تدفع له
خلي خيارك الجديد اول شيء حتى لو ميزانيتك ٦٠ الف خذ النترا او اَي شيء كرت على يدك
››   one 001
›› 51
››   قبل شهر و أسبوع
للأسف من واقع مشاهدة
الموقع ذَا فقد المصداقية
اغلب من هم فيه شريطية نصابين وااطفال او رجال بعقلية اطفال
من يسوم لا يشتري ومن يعرض لايبيع واذا بحثت عن الصامل لا تجد
تطفيف بأسعار وبخس لأخرى والله المستعان

هناك من يمتلك اكثر من حساب ويعرض سلعته ويزود فيه
وهناك أيضا اتفاقات بين اسماء وهذا ملاحظ لمن يتحقق
›› 52
››   قبل شهر و أسبوع
خذ العلم اللي يقولك واصل السوم مبلغ كذا وكذا اعرف انه شريطي كذاب
››   ابو زبار
›› 53
››   قبل شهر و أسبوع
السلام عليكم
كل عام ونتم بخير
للأسف صار الشخص يقول سوم بكذب ويخلي اخوياه يعطونه سعر ع مزاجه
انا عرضت سياره للبيع للاسف صارو ثلاث ارباع حراج شريطيه
كل شوي مكلمني واحد ويطلع شريطي ماقول فيهم شي بعضهم ع الجرح يبرى يبي الرزق
››   ابو زبار
›› 54
››   قبل شهر و أسبوع
ما سالفة اللكزس 350
دخلت المعارض يعطي صاحب السياره سعر خيالي
ثم يسحب عليه و المسكين كل شخص يجيه يقول بنفس السعر
››   ابو زبار
›› 55
››   قبل شهر و أسبوع
وذا جاء اخر العصر جا عنده قال بعتني قال ايه طلع معه ونزل فالسعر هو ومن معه سياره بيعت ب 53 الف 2014 350
جيت قلت بكم هم باقي فالمعرض ما باع قال ب 65
ولك انت يعني وصلنا تلاعب بالكويت بسعر خيالي و الإمارات بسعر بلاش ولكن حنا ونا انصح لحد يشتري من حراج ابدا الا من تحس انك ثقه من طريقة كلامه وعدم الكذب
››   ehab2016
›› 56
››   قبل شهر و أسبوع
خذوها قاعده الي يجيك راص 100 سطر معلومات ومواصفات عن السيارة هذا شريطي والي يجيك كاتب كلمتين وبس هذا بياع مثلنا تاخذ وانت مطمن
››   abra. 1
›› 57
››   قبل شهر و أسبوع
لا والله اختلف معك راعي المعرض ينعرف لاكن الي عارف سيارته من الصدام للصدام يكتب لك علومها من يوم استلمها الى الأن اشوف انه افضل
›› 58
››   قبل شهر و أسبوع
.
›› 59
››   قبل شهر و أسبوع
و للاسف الناس تصير تسوم بمبلغ مثلا 30 ولا هو صامل و لا اي شي و السياره تسوا 15 تجي تقله 15 يزعل و و المشكله يصدق انو السوم وصل30 لا اله الا الله والله خربوا الموقع
››   essam66
›› 60
››   قبل شهر
للامانة يا اخوان وين ما رحت فيه الصالح و الطالح مش شرط تلاقي ناس محترمة ترا وين نا رحت موجودين الشريطية او اللي يبخس حق الناس ما فيك تربي الناس اللي ما عنده امانة و اخلاق ما فيك تربيه هي حال الدنيا
›› 61
››   قبل شهر
نعم اتفق معك 99٪كل اغلب المعروض هنا لايعتد بمعملومات السياره من قبل صاحبها كل شي مشبوة وافضل طريقه تقدر توقفه عند حدة تشرط عليه تكاليف الفحص إذطلع كلامه موصيح يعني تروح انت وياه للمركز وانت تختار مكان الفحص وهو يدفع طلع كلامه سليم توكل على الله واشتر السياره مع تكلفة الفحص تطلع كذاب امش وخله ولاباس لوتتبرع له بعلبة مياه من باب السقياء وحتساب الاجر
››   abra. 1
›› 62
››   قبل شهر
نعم فيه رجل دخل الجنه في كلب فعليكم بالسقيى هههه
››   bolinda
›› 63
››   قبل شهر
السيارات الوحيدة اللي مالها سوق يحكمها "اللكزس" تلاقي es موديلات قديمة 13-14-15 تشارف ع 100 الف ، لكن الشخص يجتهد ويعمل بالاسباب من فحص وتجربة والدعوة بالنهاية توافيق ،
›› 64
››   قبل 3 أسبوع
يعطيكم الف عافيه
على مشاركاتكم
ومازال الاستغفال واللعب موجود
اجل لكزس ٢٠١٣
ب ٩١
مادري وش بقى لموديلات ١٦
›› 65
››   قبل 3 أسبوع
وازيدكم من الشعر خيمه
حصلت خليجي معروض بكثره
ومرجعين العداد
وتحصل ممشاه من ٨٠ وتحت
ويقولك استخدام وكاله
اعرفوا اي خليجي يدخل السعوديه ترا مرجع العداد
وهنا برضوه يرجعونها ب ٢٠٠ ريال
لكن الي بيشري سعودي يروح للوكاله ويستفسر عن الممشى
›› 66
››   قبل 2 أسبوع و 5 يوم
مع الاسف انا حصلت ١٣ محدوده ١٠٥ الف ريال هههههههه
›› 67
››   قبل 2 أسبوع و 4 يوم
كلام سليم انا لاحظت الes ماله سعر وتتخوف تشتري بصراحه الا اذا من احد تعرفه فاكه وكاله
››   fars_10
›› 68
››   قبل 2 أسبوع و 2 يوم
يبيعون ذمتهم بوسخ دنيا
وربي ماهو موفقهم.
››   ميرا16
›› 69
››   قبل 2 أسبوع و يوم
ركزو شوي ( ممشى السياره ) اكثرهم من 90 ونازل خاصتن الخليجي
›› 70
››   قبل 2 أسبوع و يوم
هههه فيه واحد نشبت له
كل ماقلت له موترك سعودي او خليجي
يقول لي فطيمي
اقوله وارد الامارات ويحذف تعليقي
مادري هو ماهو واثق من موتره او ان الممشى ملعوب فيه
ولايبي ينكشف الامر
والمشكله موصلين سومه ٩٠
وهم مايدرون كم الممشى
››   عمرالديني
›› 71
››   قبل أسبوع و 6 يوم
هذا الموقع لازم يسمونه (نطلب من الله زود)
››   قبل أسبوع و 4 يوم
انا اشتريت سياره على انها شرط وفحصت في مركز وقال توكل مافيها شي ودفعت فلوسي ونقلت واخرها تطلع كل شي ضارب فيها مكينه مغيره وايرباق طالع وخليها على ربك
››   ryadhrance
›› 73
››   قبل أسبوع و 3 يوم
تبغون الزبده
ولا تدرون بعطيكم الزاتونه من الاخر
ادارة الموقع لازم تتخذ اجراء يلزم بعدم التلاعب والمبالغه بالاسعار والافكار كثيره ،،،
انا من كم سنه غسلت يدي من الموقع وثقتي فيه تقريبا تلاشت واذا استمر الموضوع راح يخسر لان ماعاد باحد جايك وسلامتكم ،،،
››   عمرالديني
›› 74
››   قبل أسبوع و 3 يوم
ماحد راضي يبع لك وكل ماتسوم يقول لك نطلب من الله الزود.. ياخي ايش من زود تبي انت وموترك ويوم يحدها مثلا ب ٦٠٠٠٠ وواحد يسوم ٥٩٠٠٠ يقول لك الحد واضح والصامل مانختلف معاه.. طيب بيع لأبو ٥٩٠٠٠ يا بطريق
››   ryadhrance
›› 75
››   قبل أسبوع و 2 يوم
بصراحه الشريطيه فيهم وساخه اعوذ بالله ،،،
والله اعلم احس انهم قاصين البوردينج على جهنم من الكذب ،،،

الله لا يبلاني،،،،
››   brhooo
›› 76
››   قبل 6 يوم و 8 ساعه
المشكلة ناس تسوم بأسعار فلكية وهو ما شاف السيارة وإذا شاف السيارة على الطبيعة ولاها ما تسوى وراعي السيارة يتعلق بهالسومة وتقوله ليش ما بعت لراعي السومة يقولك لقى موتر ثاني ولا ما يرد ولا أي عذر والدليل كثرة اعادة الاعلان لنفس السيارة لانه يجيه واحد يعطيه سعر ويدوره ما يلقاه بعد ما تروح الناس وتخليه والمشكلة البعض يعيد الاعلان ويرجع للسومة القديمة يمني نفسه فيها
الله يغنينا بحلاله عن حرامه
››   saad. i
›› 77
››   قبل 11 ساعه و 58 دقيقه
ي شباب اكثر مافي الموقع ذا شريطيه ما قلنا شي الله يرزقهم لاكن حن معنا عقول مثلهم مانا مصرع لا جيت انت تبيع موترك بخسك سواء ف الجوال او ف الموقع عشان الناس تشوف كلامه ولا تسوم تتخوف لانها تصدقه ثاني شي اس موت خليجي انحش عنه حتى لو جاك بديه شرط لانه ي شباب كلها تكاسي برى السعوديه يعني انت تخيل معي اوبر او كريم ولا تطفي السياره من يد سواق في يد سواق يجيبونها من هناك ممشاها فوق ٤٠٠ ويجي هنا ينزل ممشاها تحت ٩٠ طبعا هو ماخذها من هناك بسعر ما تتوقعونه لان خلاص مكينتها ع وشك وفوق ذلك كل مديل وله حقه ماهو معقول ادفع في ٢٠١٣ ٨٠ الف بزود ٣٠ واخذلي من ٢٠١٦ وفوق انتبهو ي اخوان من الخليجي ومعلومه اخيره قبل تشتري موتر اشرط ع راعيه شرط ان طلع ف الموتر باخذ فلوسي منك وخلك صامل معه لان لا شاف كلامك متهاون ما عنده مشكله معك بيسرقك وعادي الذمه وسيعه
››   عمرالديني
›› 78
››   قبل 2 ساعه و 50 دقيقه
إذا الكامري صار بسعر اللكزس والله عجيبين هنا

يجب عليك تسجيل الدخول حتى تتمكن من إضافة رد.