الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» بخصوص لكزس 2017

قبل 3 أسبوع و 6 يوم
#48727383
يالربع ملاحظ من فتره وجود لكزس es الشكل القديم من 16 الى 18 خليجي بشكل كبير وكلها ممشاها قليل وبعد مقابلة واحد في الموقع ، وجدت اثار تغيير عداد واضحه، الموتر من برى كان سليم ولكن الداخليه ومساعداته وسواقته عموما تدل ان الموتر ماشي اكثر من 80 الف ، وهو الله يهديه منزل العداد الى اقل من 35 الف انا مااطعن في احد بعينه ولكن الحذر الحذر ، واذا جيت تشتري افحص وتاكد ، لان اغلب مواتر الامارات تكاسي ولكن بديها نظيف ، والقهر انها تنباع برخص وتجي هنا وتلقاها بسعر النظيف
بخصوص لكزس 2017
وسيلة الإتصال :
أرجو المراسلة عبر الرسائل الخاصة بالموقع

  ES

  ES 2017

  لكزس



إحذر من التعامل غير المباشر.
إستخدم القائمة السوداء قبل أي عملية تحويل
››   tamer a
›› 9
››   قبل 3 أسبوع و 6 يوم
نعم
››   بوشهيد5700
›› 10
››   قبل 3 أسبوع و 6 يوم
اي نعم يصير تلاعب بالعداد واقل شي يوصل لتنزيله حدوده من 40 الى 65 ولو شفته اكثر اشوي يكون اهو مشيها بيده بعد ماجابها من الخليج
››   wix.00
›› 11
››   قبل 3 أسبوع و 6 يوم
فيه واحد يقول روح للوكيل وشوف اخر صيانة لها عشان تتأكد من الممشى

طبعاً غير صحيح لان اخر صيانة لموتري في الوكالة 40 الف وبعدها ماصينتها بالوكالة والحين ممشاها 110 ولو تشوفها تقول مامشت باقي جديدة

لو رحت ونقصت العداد على اخر صيانة في الوكالة اللي هي 40

راح تفكر ان الممشى حقيقي .. وسلامتكم
››   azfm17
›› 12
››   قبل 3 أسبوع و 6 يوم
الكزس 350Es
الكزس Es250
لازم تفحص فحص شامل وخذ قدر الأمكان موتر سعودي
الخليجي كلها ليموزينات فنادق وأوبر مكروفه وملعون خيرها
تلققى العداد مرجعينه دايم
››   محمد س ع س
›› 13
››   قبل 3 أسبوع و 6 يوم
والله ثم والله ان دايما احذر واقول بعض المواتر خذها عبد اللطيف مهما كان سعرها
اقرب مثال ال ES
اوبر الامارات اغلبها هذي السيارة
وياجماعة شركات اللومزين حق الفندق نفس الشي
وتروح العوير الورشات كلها تنزيل عداد لهالسيارة وللكوامري
››   محمد س ع س
›› 14
››   قبل 3 أسبوع و 6 يوم
تشوفها نضاااف بس الممشى شي خيالي لان ٢٤ ساعة شغل كل ١٢ ساعة يمسكها واحد ماتطفي وربي
ممشاها خيالي فوق 500 الف وربي شي ماتصدقة تقول كيف جديد وكذا ممشاة
المهم يشترونها رخيصة واجد لدرجة تشك انها مقلوبة
وينزل عدادها وتنباع هنا بادبال السعرررر للاسف
الحين اكثر من شهرين ادور سعودي ماحصل واذا فيه وغالي ينباع بنفس اليوم
››   abosumu1
›› 15
››   قبل 3 أسبوع و 6 يوم
بارك الله فيكم جميعا استفد كثيرا .باذن الله
››   abuziad2017
›› 16
››   قبل 3 أسبوع و 5 يوم
احييك يا صاحب الموضوع ومن ملاحظتي اعرف سياره تنزل صورها كل يومين طبعاً يغير الشارع والمكان اللي يصورها فيه ويعرضها باسم معرف جديد ويغطي اللوحات يعطيك العافية وفعلاً كلام الشباب بالردود يلخص الوضع والاسباب
››   abdulrhman899
›› 17
››   قبل 3 أسبوع و 5 يوم
الغريب في الموضوع اذا قال مرشوشه رش كامل تجميلي وممشى السياره ٤٥٠٠٠ ويقول السياره خاليه من الصدمات
ماشاء الله في سنتين طقتها الشمس ولزمها رش تجميلي ولا ايش ؟؟!
اذا هم بيجيبون سيارات وبيترزقون الله مافيه مشكله لكن لا تكذب ولا تدلس ولاتغبن غيرك .. وين بتروح من الله ياللي غشيت
اقسم بالله ناس عندهم امهات صالحات ، بس يشكي لها اللي صار له وانغبن فيه .. ياويل الظالم من سهام الليل
››   jobranzs1
›› 18
››   قبل 3 أسبوع و 5 يوم
بيض الله وجيهكم وضحتوا لنا كثير
››   aha03
›› 19
››   قبل 3 أسبوع و 5 يوم
طيب ايش النصيحه
انا طالع اليومين الجايه للامارات للبحث عن سيارة
لكزس ES350

ايش الافضل معارض الشارقة او العوير دبي ؟؟؟

وكيف الطريقه لمعرفة العداد متلاعبين فيه؟
››   alool-07
›› 20
››   قبل 3 أسبوع و 5 يوم
م
››   abo.saad.2018
›› 21
››   قبل 3 أسبوع و 5 يوم
الرش التجميلي هو على بدي مانفع معه التلميع وتكون باهته وصاكتها الشموس او جايها حكوك ومخوش وترميل وهي مجرد (لمصقه) حل مؤقت ويقول لك الذكي فيهم رش على نظافة بعد
اللي اشوفه انها مرشوشه كامل ومغير نياكل وجنوط تجاري ومنجدها جلد تجاري على اساس شد بلد لا ويحط لك كم كيسه على انها فعلا مخزنه وماشيه اقل من ٥٠ الف واماراتي مالكها مايستعملها على اساس جايب بوقاتي والدركسون متمسح والحزام منهري من كومار
الخلاصه ياشريطي ياللي ماتعرف الذمه لاتكذب الكذبه وتصدقها ترى سياراتك ماتسوى وانت اخذتها من عربي نصاب رجع عدادها وجددها وانت صرت وسيله لهم تستورد خمام السيارات للسوق وفوق ذلك عليك اثم غش المسلم واكل ماله بالباطل
نصيحة من تشوف خليجي او حتى لو مطلع له لوحات اهرب واللي ملزم عليها ياخي رح انت وجبها توى مكسبه مالايقل عن ٢٠ الف
››   alhassan 1
›› 22
››   قبل 3 أسبوع و 5 يوم
طيب ي شباب مو معقوله ان م فيه احد يقدر يطلع ممشى السيارة الحقيقي ؟ اذ تعرفون اماكن يخافون الله وجهونا !
عشان الشريطيه هذول ان الله يجعل الحرام الي يسونه على عيالهم ينكشفون على حقيقتهم
››   qsntq
›› 23
››   قبل 3 أسبوع و 5 يوم
فعلاً ، اذا انت راضي بالخليجي (المكروف) ، او فلوسك قليله وتبغى موتر نص ونص رح بنفسك للامارات وجبها وانا اظمن لك بتاخذها باقل من هنا ب20 الف على الاقل .. وواصله لك الى باب بيتك فالسعوديه ، حرام تشتري من هنا بسعر غالي وفوقها منزلين عداد ولاعبين فيها
››   قبل 3 أسبوع و 3 يوم
عليهم من الله مايستحقون

( الا يظن اولائك انهم مبعثون، ليومٍ عظيم)

لاتبرأ الذمه الا بالوضوح التام في البيع والشراء ، حسب فتاوي العلماء ، اي تهرب او تدليس او امتناع عن قول الحقائق المهمه هو غش للناس، ولا شك سيأخذون حقوقهم منك موفوره في ساعة ندم لاينفعك فيها الندم
››   abdulrhman899
›› 25
››   قبل 3 أسبوع و 3 يوم
جزاك الله خير ياشيخ
›› 26
››   قبل 3 أسبوع و 2 يوم
والله شي يقهر فعلا تدفع مبلغ كبير في سياره مستعمله ويطلع فيها بلا وتشيل هم بعدين انصح والله بالسياره الجديده وكاله
››   k-f-1402
›› 27
››   قبل 3 أسبوع و 2 يوم
السلام عليكم


اي لكزس خليجي بنسبه ٩٩٪؜ منها تكاسي في الامارات وممشاها فوق

٥٠٠ الف ولكن من نظف بديها تتوقع انها ما مشت اكثر من ١٠٠ الف

وكل الخليجي عدادها مرجع وفيها علامه تتاكد انها مرجعه بدون ما

تفحص عند اي مركز. .....
››   ooiitggtggfffff   جديد
›› 28
››   قبل 3 أسبوع و 2 يوم
اذاء هي رخيصه مره أشترى خليجي وأغير المكينه بس ما اتوقع رخيصه لأنها الان نفس سعر السعوديه
››   k-f-1402
›› 29
››   قبل 3 أسبوع و 2 يوم
يمكن تكون اغلا لانهم ينزلون العداد
››   ooiitggtggfffff   جديد
›› 30
››   قبل 3 أسبوع و 2 يوم
أسعار ال اللكزس المستعمله وصلت قيمه الجديد سلامات
››   k-f-1402
›› 31
››   قبل 3 أسبوع و 2 يوم
عز الله صدقت
››   0505177724
›› 32
››   قبل 3 أسبوع و يوم
السلام عليكم ... احسن الله لكل من افاد واجاد وقدم النصح له منا كل الشكر والتقدير ,,,,
››   abc1234 6037
›› 33
››   قبل 2 أسبوع و 3 يوم
حصلت لكزس es350 2017 DD
في معارض الشارقه ممشاه321 الف كلم
كان تاكسي
ومثل ماذكر الاخوان من برا نظيفه
وعرض علي ينزل العداد الى60 الف اذا رغبت
وارسلي صور الموتر
لا احد يشري بدون فحص ومهو اي فحص
واذا السعر مغري اعرف ان فيها مشكله كبيره
››   qsntq
›› 34
››   قبل 2 أسبوع و 3 يوم
كثير ، المشكله وصلت هنا في (حراج) سيارات كثيره تنعرض باسامي مختلفه وكل اسبوع تنزل بصور غير ، مره بتضليل ومره بدون تضليل ويختلف الشارع ، والعالم باقي تسوم وموصلينها 140 وهي ماتسوى 100 فالامارات
››   ابوكيان2018
›› 35
››   قبل 2 أسبوع و 3 يوم
قسم بالله وصلت من الامارات يوم الاحد وكانت رحلتي الذهاب يوم الاربعاء وكانت الرحله ابي اشوف الفرق بين الكزس في الامارات والسعودية رحت الشارقه ودبي اكثر السيارات لموزينات والعداد اكثر من ٢٠٠ الف واذا تبي تدفع ينقص لك العداد على حسب مزاجك انصح الاخوان لا تاخذ سياره الا سعودية او خليجي ولها صيانه من وقت طلوعها من الوكالة وشكراً
››   قبل 2 أسبوع و 2 يوم
والله اليوم في لكزس في الرياض معروض هنا في الموقع موديل 2018
يقول ماشي 38 الف المهم اتفقت معاه بسعر 140 طبعاً مواصفات الموتر CC
انا في تبوك وارسلت رجال خبره يشوف الموتر هل الرجال صادق ان الموتر وكاله ولكن للاسف طلع كذاب والمشكله صامل انا الموتر نظيف حتي بينو له ان الموتر فيه ضربه ومرشوش الكتف
››   aziz447
›› 37
››   قبل 3 يوم و 15 ساعه
للي بياخذ لكزس es يبعد عن الخليجي كلها تكاسي وعداداتها فوق ال 500 الف ويجيك ( بعض الشريطيه الله لايوفقهم الى يوم الدين ) يرجع العداد ويجدد المراتب نفس الوكاله ويعرضها ، نصيحه es مسعمل خذ وارد عبداللطيف وافحص بالوكاله.
››   ابوكيان2018
›› 38
››   قبل 2 يوم و 12 ساعه
انقرضوا من موقع حراج بعضهم ماعاد لهم اعلانات وهم معروفين
في موقع حراج صار لنا فتره مااشوف خليجي معروض الا نادراً
الله يصلحهم كل ساعه او ساعتين الكزس ينتقل من شخص الي شخص اخر عشان يبيع السياره ويحلف حلف لاكن الله يصلحهم

يجب عليك تسجيل الدخول حتى تتمكن من إضافة رد.