الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» اهل الفتك ادخل ضاروري

قبل شهر و أسبوع
#49193165
يالغالين اللي معه فتك او اللي جرب الفتك وركبه ابي نصايحكم انا متردد اخذ فتك ولا لا وش رايكم يالربع افيدونا عطون عيوب ومميزات ونصايحكم كيف سواقته ثقيله ولا لا
اهل الفتك ادخل ضاروري
وسيلة الإتصال :
.

  باترول

  باترول 2017

  نيسان



إحذر من التعامل غير المباشر.
إستخدم القائمة السوداء قبل أي عملية تحويل
››   تلي في جون
›› 2
››   قبل شهر و أسبوع
الفتك عشق لاينتهي
من جرب الفتك وهو راعي مكاشيت ونفود ماضن يتركه
››   كلاسيكوو
›› 3
››   قبل شهر و أسبوع
الفتك قرم من عايلتن طيبه
انا من مجربين الفتك من تقريبا ٨ سنوات
قير عادي ولازال معي
موتر خفيف الاستخدام عزم رساوه
البانزين اكثر من غيره بشي قليل حسب دعسك
اذا تبي تحت موديل ٢٠٠٩ خذ سوبر وذا جديد عاد انت وقدرتك
››   d7oomi22
›› 4
››   قبل شهر و أسبوع
الفتك موتر لايعلى عليه
اعتبره من المواتر الصفوه صراحه
اما اللي يقول بنزين ومابنزين معروف كل الجيوب انها تصرف لكن مايوقف بوجهه شي يصلح للبر والديره والسفر
›› 5
››   قبل شهر و أسبوع
ركب فرارات اذا بتاخذه
››   abu-ibra
›› 6
››   قبل شهر و أسبوع
طيب يالربع يقولون سواقته ثقيله مثل السكويا صحيح الكلام؟؟
لاني ماجربته ناوي اجربه طبعا قبل اشري
››   abu-ibra
›› 7
››   قبل شهر و أسبوع
d7oomi22
كلامك صحيح كل الجيوب يصرفن مافيه جيب مايصرف
››   تلي في جون
›› 8
››   قبل شهر و أسبوع
لا خفيف سواقة الفتك تقل خفت ددسن
››   عقيلات
›› 9
››   قبل شهر و أسبوع
اللي يقولون إن الفتك يستهلك بنزين.. أولا لاتتسى إن الفتك مكينته 4800 مهوب كورلا والا كامري 1500 .. ايضا موتر وزنه ثفيل بحكم الشاص الحامل للمحركات+ الدفرنسات+ المكينة + توانك البنزين في حال كانت مليانه...
››   قبل شهر و أسبوع
شف حبيبي للبر رقمم واحد واتحد احد يكون افضل منه من جميع النواحي الرساوه ارسى من تايوتا مادري عن الامريكي ثلاث شي قطعه تحت الحصاه تحصل قطعه ورخيصه وكل واحد يصلحه لان ماتغير من ١٧سنه عيبه ياطويل العمر يشرب اكثر يمكن حولي ٢٥الى ثلاثين ريال اكثر وللمعلوميه مقارنتي مع تايوتا بس الباقي مايعتبر سيارة لطقسنا
››   patrol89
›› 11
››   قبل شهر و أسبوع
الباترول بصفه عامة, من 89 حتى 2019 فتك, وين ماوليت عنه ونقدته إلا إنك لابد ترجع له سواء مكاين او قيور او دبل او دفرنسات او رساوة بالبر او الخط وتوفر قطع الغيار.

والبنزين, التانكين 750كم للتانكين حول 110-115لتر على سرعة 120م. من دون برمجة ولا فرارات. اتوقع يوصل فوق ال800 بالبرمجة وفصل الدفرنس الأمامي.

والقير العادي تقدر تركب له دفرنسات تماتيك ويوصل 850كم بالخط. بس داخل الديرة لابد يصرف.
››   abu-ibra
›› 12
››   قبل شهر و أسبوع
ماقصرتو يالربع على النصايح
››   hamdan1402
›› 13
››   قبل شهر و أسبوع
الفتك مابه شور. شريف وخوي طيب من تجربه. حاول تاخذ سوبر اطلق
››   abu-ibra
›› 14
››   قبل شهر و أسبوع
ياشباب ترا ماعندي موتر ثاني والموتر اذا شريته يبي يقعد معي اقل شي ٣ سنين
››   musab jafer
›› 15
››   قبل شهر و أسبوع
لو مايفرق البنزين اتوكل على الله
››   patrol89
›› 16
››   قبل شهر و أسبوع
على حسب ممشاك بالسنة كم. وحسبة صرف البنزين دبل عن السيارة الصغيرة.
لو 10 آلاف كم, البنزين يطلع عليك حول 1000 ريال زيادة
أما لو 40 ألف كم, فيكون حول 4000 ريال زيادة بالمصاريف.
وكل 100 ألف, قل 10 آلاف ريال مصاريف إضافية للبنزين عن السيارة الصغيرة.
طبعا لابد يكون مترفق بالموتر ولا صرف البنزين يدبل. يعني ال40 ألف كم مايكفيه 16 آلف بنزين.
››   قبل شهر و أسبوع
نصيحتي لك اذا انت رجال تقول م عندي غيره اذا مالك قدره تعبيه كل يوم 50 لاتاخذه واذا بتقول م يهمني البانزين عزاله لاتجنب عنه انشهد بالله موتر
›› 18
››   قبل شهر و أسبوع
مايعيبه شيئ أبد ... لكن إذا سيارتگ الرسمية ما أنصحگ ... راح يتعبگ بالبانزين .
››   أبوساالم
›› 19
››   قبل شهر و أسبوع
كان معي ربع فتك قير عادي ٢٠١٥
صرفية عالية ثقيل وزنه ٢٣٠٠ كيلو كما أن وزن نظيره الربع من تويوتا ١٨٠٠ الفرق ٥٠٠
العزم مو ذاك اللي تتوقعه التسارع لك عليه
إذا مريت على بطناج أو ردمية أصوات الديكورات مزعجة جدا تقول بتطيح هههه أغلب الأحيان فيه رجة
صرة في القير مع الترس الرابع

الرساوة جيد جدا
والراحة أيضا جيد جدا
الدفرنسات والقير والمكينة ممتازة
قوة سحب غير طبيعي
››   الحمر77
›› 20
››   قبل شهر و أسبوع
انحش من القير العادي يشرب بنزين في الخطوط لان الريس يكون عالي من واقع تجربه خصوصا اذا سرعتك فوق ١٣٠
››   ريح بارود
›› 21
››   قبل شهر و أسبوع
انصحك مع الفتك موتر صغير
››   for sale.com
›› 22
››   قبل شهر
كل ٧ كيلو
واحد لتر
واحسب كم كيلو تمشي في اليوم
››   أبوساالم
›› 23
››   قبل شهر
سافرت عليه وخط ساحل والسرعة ١٢٠
حسبتها كل لتر يمشيك ٦ كيلو تقريبا
ما أدري يمكن القير التماتيك يفرق
››   abu-ibra
›› 24
››   قبل شهر
يفرق التماتيك طبعا
لانه ٦ نمر والدفرنش حقه يمد
››   abu-ibra
›› 25
››   قبل شهر
مشكورين كل اللي علقو ماقصرتو والله يجزاكم خير
›› 26
››   قبل شهر
الفتك مابه سياره مقناص زيه اذا انت منتب راعي مقناص لا تاخذه ومو اي مقناص مقناص طويل بسنه شهرين اقل شي انا اذا تبي بس فتك طلعات عاديه ما انصحك خذ اي تايوتا افضل مجربهن كلهن والفتك به عذروب لابد تكاميل ويصير ممتاز اما بلد ماش ما يملا العين
››   shhh-m
›› 27
››   قبل 2 أسبوع و 5 يوم
اللي يقول بنزين غلطان الف مره ومستعد اثبت لك هالشي بالحقيقه وشكراً
››   wlh11196
›› 28
››   قبل 2 أسبوع و يوم
والله انا زيك الفتك مالقيت زيه موتر كشخه ورزه وقوة شبابي وعائلة وكل ماتبي بس اللي فهمته من مستخدمين ان اللي راكد وراعي تمشي بالبر ورجله خفيفه ويوصل المكان اللي تبيه خذ تماتيك ... اما راعي مراقا مالك الا القير العادي كلهم يحتاج تزويد خفيف لابد اي جيب تشريه تحتاج تعديل لو خفيف منه مبرد قير ومن الاساسيات وسلامتك وان شاء الله تعالى النيه فتككك سعر معقول وعلى حسب استخدامك اي سياره من اي شركة كانت تحافظ حتى لو جلدته شوي تشييك على طول يعيش معك والله يكتب لك ولي وكل مسلم الخير يارب والله يطيحك بالزين ... اسف على الاطاله
›› 29
››   قبل 2 أسبوع و يوم
مستغرب يا جماعه .. اذا مكينة الفتك طببه.. ليه يغيرونها بلكزس ؟
اخاف اخذ فتك ربع ويصير عزمه ما يجمل مراقا نفود مهوب مكاشيت
›› 30
››   قبل 2 أسبوع و يوم
فلتر + هدرز + برمجة = تشق النفود شق ، النفود يترجاك يقولك وقف تكفا
››   k011k110
›› 31
››   قبل يوم و 8 ساعه
كل واحد بيفتي لك رجاء الي عاجبك خذه وماعليك من حد

يجب عليك تسجيل الدخول حتى تتمكن من إضافة رد.