الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» GMC جمس يوكن تاهو اكسبدشن

قبل شهر و أسبوع
آخر تحديث قبل أسبوع و يوم
#50314225
اخواني. لي تقريبا شهر ابحث عن سيارة عائلية. 50% مغشوش. والباقي مبالغ في السعر. كل جمعه انزل المعارض. المكرفون يبيعو كوم حديد مافي شي نظيف ولا شي يستاهل. اليوم كان فيه لاندكروزر GX 2010تنده مخمل تومااتيك دبل عالمكرفون 44 الف ومحد واقف عنده ولا احد زود. يوكن دينالي 2008 عالمكرفون 15 الف ومحد زاد. سيارات منتهيه ولاهي مضمونه. الشريطيه صارو محترفين يعملو انهم زباين جايين يبيعو يجيب عياله ويعمل نفسه بريئ ويحلف ان السياره على نظافه وبعد الفحص يقول والله انا مثلك ما اعرف قبل اسبوع لقيت واحد معاه سياره وهالاسبوع سياره ثانية. واللي معايا شغال بمعرض يقول هذا زميلنا قلت ايه شفته قبل كذا. فيه جالية مقيمين صارو شغالين بالمعارض وكثيررررر جدااااا. يجتمعون عالشخص الغشيم ياكلونه بقشوره. اهل الجموس المبالغين بالسعر اليوم لقيت يوكن ابيض 2016 ماشي 111 الف قصير نظيف مبدئيا ما فحصته طالب 80 وممكن ينزل للسبعين وما عندي هالمبلغ ولا كان فحصت. وهنا جمس 2010 ماشي حول 200 الف ويبغى 60 الف. ناس مبالغين جداااا. اللي يقول السياره ماشية قليل. المشي مو كل شي فيه جلود مقصات عكوس قطع استهلاكية طرمبات وجيه هذي لازم تتغير بعد 5 سنوات وانت سيارتك لها حول 9 سنوات وين النظافه بالموضوع. انتبهو من اللعب بالعدادات. هذي صور توضح بعض التلاعب . اغلب اللي بالصوره الممشى الان حدود 150 الف بعد ما عدلوه. الله يوفق الجميع ويهديني ويهديكم.
GMC جمس يوكن تاهو اكسبدشن
GMC جمس يوكن تاهو اكسبدشن
GMC جمس يوكن تاهو اكسبدشن
GMC جمس يوكن تاهو اكسبدشن
GMC جمس يوكن تاهو اكسبدشن
وسيلة الإتصال :
الموقع


  تاهو

  تاهو 2014

  شيفروليه



إحذر من التعامل غير المباشر.
إستخدم القائمة السوداء قبل أي عملية تحويل
››   ozoz2030
›› 1
››   قبل شهر و أسبوع
راجع اعلاني
›› 2
››   قبل شهر و أسبوع
الله يجزاك خير
للاسف ناس كثير من الشريطية لا ذمة و لا ضمير المهم انه يتكسب من ظهر الغلابه "الا من رحم الله"

لكن خلي في بالك والله الذي لا اله الا هو ان مافي احد ينصب او يستغل اي زبون الا عقوبته فالدنيا ينضحك عليه والاخرة عذاب من رب العباد الله يعافيهم ولا يبتلينا وعشان كذا وكل الله واشتر اما جديد او رجيع من الشراكات وخلي بالك الفحص الجديد لا يقبل السيارات اللي ايرباقها مفكوك
››   mezzan1
›› 3
››   قبل شهر و أسبوع
اللهم امين . الله يهدي الجميع . ومشكور الله يوفقك البراء. المعارض للاسف وظفت ناس عند الاشارات يلقطو السيارات قبل توصل للمشتري داخل السوق ياخذها ب ٣٠ ويشطح ل ٥٦ الف و ٦٠ الف . صرت اخذ ولدي ونروح نوقف عند التقاطع مع الشريطية ندور ههههه
››   alshahad
›› 4
››   قبل شهر و أسبوع
جزاك الله خير على النصيحه والتنبيه ، انا أبحث عن اكسيبديشن موديل ٢٠١٥ ، وين تنصحوني أبحث في المعارض أو رجيع الشركات أتمنى اللي عنده خبره يفيدنا .
››   ابو _ رعد
›› 5
››   قبل شهر و أسبوع
انا مثلك وادور سياره عائليه
وللاسف ٤ سيارات لحد الان فحصتها وطلعت بعد الفحص مصايب وكوارث حوادث وارباقات وشاصات معدله ولعب بالعدادات
والمشكله اني قبل افحص يقول سليمه وشرررط لكن حسبي الله ونعم الوكيل
افكر بشكل جدي و كبير اشتري وكاله واريح راسي
›› 6
››   قبل شهر و أسبوع
الحل الافضل افحص السياره واذا اصبح خلاف كلامه يدفع تكاليف الفحص وانا اشوف بصراحه والافضل اشتري جديد وريح راسك
››   ابو فهد 8204
›› 7
››   قبل شهر و أسبوع
السلام عليكم اخوي بخصوص اعلانك حاب اوضّحلك حاجة موب بس انت اغلب الي يدورون سيارات مستعمله يبحثون عن شي رخيص ويبغونه نظيف ويدخلون بخساير بالفحص بسبب عنادهم واستمرارهم فالبحث عن الرديء وفحصه ومن ثم خشارة وبعضهم يضن انه شاطر ،
››   ابو فهد 8204
›› 8
››   قبل شهر و أسبوع
السيارات الي تقول عنها مبالغ بالسعر هي السيارات النظيفة واغلب اصحابها يشرطونها لك ويتحمّلون قيمة الكشف ان خالف كلامهم لان الي معاهم نظيف وانت منت خسران لا زودت خمس الاف او عشر عكس يوم انك تكسب هالعشر وتخسر ب سنة ١٥ ل ٢٠
››   ابو فهد 8204
›› 9
››   قبل شهر و أسبوع
الي حاب اوضّحه لك اشتر راسك منت ناقص يدقّون عليك الاهل الصباح وانت بدوامك ينادوك السيارة تعطّلت يبيلها تفكير بس، وانزل للمعارض المعروفة ماهو المكرفون المكرفون كله سيارات ايجار ومقلوبة وحالتها منتهية لاتخلّي مزاجك يحكم على اسعار السيارات من المكرفون واعذرني عالاطالة
›› 10
››   قبل شهر و أسبوع
نتمني فتح المجال للشركات المصنعه للسيارات توريدها بدون وكيل عشان ترخص ويقل سعرها الجديد والله سعرها غالي جدا جدا والله ابغا سياره عايله ما اقدرت اشتري جديد والمستعمل غالي كمان علا غش
›› 11
››   قبل شهر و أسبوع
››   mezzan1
›› 12
››   قبل شهر
وما زلت ابحث . البوم رحت اعاين سيارة طلعت بجريدة ومكينه وبودي . والسيارة مشروطة. السيارات المشروطه نفس فكرة شقق فاخرة من برا الله الله ،،،
››   mezzan1
›› 13
››   قبل شهر
الا من رحم ربي ولسه ما قابلته بصراحه ، اغلب اللي قابلتهم سيارات مضروبه
››   jost
›› 14
››   قبل شهر
عندي واحد استخدام شخصي من الوكالة
السيارة نظيفة جدا سيارة بايكة
››   mezzan1
›› 15
››   قبل شهر
اخوي jost سيارتك ماشيه ١٨٢ الف وموديل ١١ . وطالب ٥٥ مره مبالغ بالسعر
››   قبل شهر
راجع اعلاني
››   0509651253
›› 17
››   قبل شهر
وش الدبرة
السوق تلاعب وغلا زايد
››   mezzan1
›› 18
››   قبل شهر
انتبهو فيه اكسبدشن ٢٠١٣ وفيه جمس يوكن ٢٠١٣ اكس ال ملعوب فيها وعندي التقارير . السيارات منتهيه . للان لي شهرين كشفت ٨ سيارات كلها مغشوشه
›› 19
››   قبل شهر
جزاكً الله خير النظيف صعب تحصله بسرعه لازم وقت والخيرين باقين والا انا مثلك ادور لي شهرين مالقيت المناسب
›› 20
››   قبل 3 أسبوع و 5 يوم
احسنت وفقك الله واسعدك كلامك جميل ورائع وصحيح
›› 21
››   قبل 2 أسبوع و 4 يوم
كم تبغا ماشاء لله
››   قبل أسبوع و 3 يوم
عندي يوكن 2010 نطيف راجع اعلاني

يجب عليك تسجيل الدخول حتى تتمكن من إضافة رد.