الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» مبرد القير بين رافض و مؤيد

قبل 2 شهر و 2 أسبوع
#50641894
بصراحة أحتاج ناس مجربين في موضوع مبرد قير السيرا 15
أمس جربت الموتر فالبر تجريب بسيط و شفت الحرارة وصلت
إلى 105 !! رغم إني ما ضغط الموتر و لا مشيته أكثر من 5 دقايق
أتمنى من المجربين يفيدوني بين الفوائد و الأضرار ؟
و نوع المبرد الأفضل للسيرا 15 ؟

مبرد القير بين رافض و مؤيد
هذا الإعلان قديم وتم إزالة رقم الجوال
بالامكان مراسلة المعلن عبر الرسائل الخاصة.
  جي ام سي

  سييرا

  سييرا 2015



إحذر من التعامل غير المباشر.
إستخدم القائمة السوداء قبل أي عملية تحويل
››   abo hamd12
›› 1
››   قبل 2 شهر و 2 أسبوع
خذ مبرد ٤٠ الف وحده
››   بدر 7777771
›› 2
››   قبل 2 شهر و 2 أسبوع
مصدره امريكي وعفاك توديه للبر؟

غير التايوتاا لاتدوور
طاط
››   asdali
›› 3
››   قبل 2 شهر و 2 أسبوع
فيه طريقة يسووها وتنزل حرارة القير

وهي قلب بلف في القير

المشكلة هذا البلف حاطينه في موديلات ٢٠١٥ وفوق
››   salahalalwe
›› 4
››   قبل 2 شهر و 2 أسبوع
ركب مبرد وبس 40 الف وحده كندي وانسى الموضوع ان شاء الله
››   صفحه6
›› 5
››   قبل 2 شهر و 2 أسبوع
عن تجربة ركب مبرد TRU COOL اربعين الف وحده سعره من 500 الى600 وتركيبه من 200 وفيها بس الأهم بالتركيب يكون شخص سبق ركب ومضبوط فيه ابوناصر السيف حق الأديترات او ابووليد الصمعاني بالتشليح وريح زمانك بالخط سرعات عاليه ودرجة حرارة عاليه او بالبر والاستخدام الثقيل ورأيي المتواضع بالبر لاتخليه تمتيك خله عادي افضل لك واريح للقير
›› 6
››   قبل 2 شهر و 2 أسبوع
السلام عليكم اخوي المبرد ما يضر القير والسيرا فيه مبرد قير صغير من الوكاله ركب مبرد اضافي نفس تبع الوكاله اسعار المبردات من ٣٠٠ريال الى ٦٥٠ ريال تلقه بسوق كوم او ebay
››   adel 7096
›› 7
››   قبل 2 شهر و 2 أسبوع
ماعندك مشكله ركب مبرد قير بس لاتركب الكبير لان الشتاء جاي و راح يضر القير اذا نزلت الحراره كثير
اهم شي ركب من شركه (تروكول ) وانتبه بالشتاء لاتنزل الحراره عن 60 اذا نزلت عن ال60 حاول تفك المبرد عشان سلامة القير
››   سعودي كار
›› 8
››   قبل 2 شهر و 2 أسبوع
اغلب السيارات التماتيك ترتفع الحراره مع البر لسببين المبرد غير موجود او صغير
››   fr3iiiz
›› 9
››   قبل 2 شهر و 2 أسبوع
ركب مبرد وعدل على بلف الوكال على بدران وان ارتفعت الحرارة ارجعلك فلوسها لو تبي
›› 10
››   قبل 2 شهر و 2 أسبوع
الله يعطيكم العافيه جميعاً
و صاحب تويوتا طاط لك أحترامك
و لكل أنسان ذوقه و راحته و نظرته بأنواع السيارات ..
أول مره أستخدم الامريكي بعد ما جربت سيارات تويوتا أغلبها
صحيح تويوتا يتحمل بس الامريكي يتفوق عليه بكل شئ
فارق صرفية وقود + راحة + قوة ميكنه و الخ
تويوتا يحتاجون لسنوات كثيرة جداً لكي يوصلون للامريكي
›› 11
››   قبل 2 شهر و 2 أسبوع
السلام عليكم
او اني مكانك أول شي اسويه أركب مبرد قير و أكبر عدد وحدات

المبرد يطمنك و يريحك و يبرد على القير و الفرق بتشوقه ان شاء الله
بالنسبة لي بدون مبرد توصل الحرارة ل 100 مع المبرد ما شفته فوق ال 70 الا نادر ...
أنصحك فيه و بشدة .. خصوصاً الوقت هذا وقت طلعات و كشتات و يبي يتهيأ ضغط للموتر ..

موفق أخي ..
››   البرهيi
›› 12
››   قبل 2 شهر و 2 أسبوع
خله نتفعك الراحه والقوه الي تقول معليش تيوتا متفوقه من سنين على السيارات الامركيه
›› 13
››   قبل 2 شهر و 2 أسبوع
تسلم اخوي ابو زيد
›› 14
››   قبل 2 شهر و 2 أسبوع
ارتفاع حرارة القير الاوتماتيك في كل السيارات تويوتا او امريكي

كان معي هايلوكس دبل تولع لمبة القير في النفود اذا مشيت عليها واجد
والاف جي خاصه موديل ٢٠١٥ بسبب صغر المبرد ترتفع الحراره على السرعه العاليه على الاسفلت

استخدم جمس حاليا امشي فيه بالنفود بالتوب ترونك بدون مبرد بس على خفيف


الحل طال عمرك اي شخص يمشي سرعات عاليه او نفود بغض النظر عن نوع السياره لازم مبرد قير ولافضل ترو كولر الامريكي

ونصيحه لا تبيعه مع السياره فكه وخله عندك اذا بتستخدم نفس نوع السياره

تأكد من الشركه ان تركيبه لا يلغي الضمان
›› 15
››   قبل 2 شهر و 2 أسبوع
تسلم اخوي ابراهيم
›› 16
››   قبل 2 شهر و 2 أسبوع
غالب مستخدمين المبرد يمدحونه ولا شفت احد يذمه
فيه محل بالرياض اسمه بدران. مريت عليه عندي شغله غير المبرد وشغله عالي جداً وممتاز
›› 17
››   قبل 2 شهر و 2 أسبوع
طيب يا شباب في محل ببريدة حد تعامل معه و يمدحه ؟
بذمة و ضمير الي بيجاوبني و يفيدني
››   hjhhjb
›› 18
››   قبل 2 شهر و 2 أسبوع
انا مركب مبرد لي سنه ماشفت اي اضرار و الحرار توصل اذا دعست علا الموتر ٦٠ ف البر واذا طولت وانت داعس ٧٠ ب الكثيير ف الصيف
››   abomonahi
›› 19
››   قبل 2 شهر و 2 أسبوع
موضوع جميل عندي سؤال اتمنى احد يفيدنا جميع الي هو مبرد القير على الجمس في فصل الشتاء هل يأثر عليه لانه بالمشي الخفيف اتوقع يوصل ٥٥ الى ٥٨ درجه ما ياثر على القير في البرد و استخدام على الراحه ؟ البروده الزايده اقصد ولا الموضوع طبيعي ؟
››   hjhhjb
›› 20
››   قبل 2 شهر و 2 أسبوع
ف الشتا تاصل من ٣٥ لين ٥٠ وانت مهدي المشي طبيعي ماجاني اي ضرر الحمد لله
››   قبل 2 شهر و 2 أسبوع
ركب لك مبرد قير 40 الف وحده المبرد مشالله قوي وممتاز
››   d7om203020
›› 22
››   قبل 2 شهر و أسبوع
السلام عليكم
انا ركبت مبرد قير ٤٠ الف وحده عند فيصل الخالدي بالرياض وله كذا سنه ولا ملاحظات ولله الحمد من الاخير ركب وماراح تندم من واقع تجربه بتصير حرارت القير عندك على ٦٠ مع الخط وبنفود بعد الضغط العالي والمستمر يوصل ٧٥ الى ٨٠ والحلو في الموضوع ان ادا القير قوي على طول .
››   sm.k
›› 23
››   قبل 2 شهر و أسبوع
ورشة سلمان البازعي بالقصيم يوفر مبرد قير ويركب ورجال ثقه وشغله نظيف الله يباركله ..

ركب تروكول ٤٠ الف ماراح يتعدا ٧٢ مع الجلد
››   ali-1080
›› 24
››   قبل 2 شهر
ممتاز البازعي بس من سعر 700 الى 1200 ريال !!
››   قبل 2 شهر
انا ماخذ مبرد قير 40الف وحده ب500﷼ معا اتركيب 1200هاذي يبغا يسرقك
››   ali-1080
›› 26
››   قبل 2 شهر
لا راكب مبرد راكب ب 1200
››   abo meshal55
›› 27
››   قبل شهر و 2 أسبوع
السلام عليكم
تاصل عندي حرارة القير ٩٥ بالنفود هل يضر او لا معي سييرا ٢٠١٣ وش تنصحوني اذا الحرارة اقل من ١٠٠ عادي وكم الحد الي اقدر احكم ان حرارة القير مرتفعه واحد قال ١٢٠ بس مادري هل كلامه صح او لا واخر وهل فيه ورشة تنصحون فيها لو بغيت اركب بالرياض
››   قبل شهر و أسبوع
الحراره الي تخلي القير ينكسر 180 وصل مره الموتر حرارتته عندي 180 وحترقت كلتشات القير

يجب عليك تسجيل الدخول حتى تتمكن من إضافة رد.