الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» جيب لاندكروزر مصدوم

قبل 4 أسبوع
آخر تحديث قبل 2 أسبوع
#50845283


القصد من الموضوع هذا نصيحه لوجه الله فيه واحد قبل امس حاول النصب بطريقه غير عاديه واحد من منطقة طريف يعرض هايلكس دبل ديزل 2016 واتفقت انا وياه على سعر الموتر وبعد الاتفاق قال ارسل فلوس عشان امن لك وفعلن رسلت 850 وامن لي على نفس الموتر اللي اتفقنا عليه وبعدين قال حول قيمة السياره عشان انقل ورفضت قال طيب حول نص ونص بعد النقل ورفضت بالرغم انه كان ملزم ان الدراهم تتحول بحسابه الشخصي ويزعل لما قول له باحول باسم معرض قلت له رح معرض وانا بحول على حساب المعرض بحثت بقوقل وحصلت معرض النشاما تبع الحازمي وحولت فلوسي المعرض واتصلت بالحرامي وقلت له فلوسك بالمعرض وقفل جواله وكل شي من ذيك الساعه واليوم الثاني اتصلت بالمعرض ورجع فلوسي وافيه كامله بيض الله وجيههم .. النصيحه من اشتراء موتر من حراج لايحول فلوسه الا في حساب معرض غيره لا لا لا لا نصيحه لوجه الله .. بيقول حق تامين عشان امن قل له مالك شغل رح المعرض وهو يسوي كل شيء لاتثقون باحد لاثقون باحد لاتثقون باحد 0555251894 وهذا رقم النصاب واوراقه الاستماره والبطاقه عندي صورها تحويل في حساب شخصي لاتحولون ابد ابد ابد نصابين نصاب (شكرآ معرض النشاما بطريف اسم على مسمى )واسم النصاب السارق الكذاب موجود.. انا الغرض ليس تشويه الشخص هذا ولاكن التحذير منه ومن شاكلته والفكره اللي ابغاء وصلها لاتحول باي حساب شخصي ابد ابد .. لانه يصور لك شي م يملكه ويغريك بسعره ويقول لك حول ولا فيه ناس واجد غيرك يسومون ويسومون باكثر من سومك اخلص حول

 جيب لاندكروزر مصدوم
 جيب لاندكروزر مصدوم
 جيب لاندكروزر مصدوم
 جيب لاندكروزر مصدوم
وسيلة الإتصال :
تواصل خاص


  تويوتا

  سيارات مصدومه

  هايلوكس

  هايلوكس 2016



إحذر من التعامل غير المباشر.
إستخدم القائمة السوداء قبل أي عملية تحويل
››   0556355985
›› 7
››   قبل 4 أسبوع
نعم صدقت ابو اصيل المفروض رقم تحقق والحساب يكون نفس نظام ابشر كل معلوماتك موجوده وكذالك رقم التحقق لاكن هم راضين باللي يصير
››   alsaadi122
›› 8
››   قبل 4 أسبوع
دايم البيع والشراء عبر المواقع فيه نص انا قبل كم يوم اتفقت مع شخص عنده كورلا 2013 مقصوص وقلت باخذه منك ب 8 الرجال وافق قلت تعال لجده ونخلص الامور قال حرلي عربون قلت تعال مشوارك عليا المهم اليوم ثاني راسلته قال ابغا 10 سياره قلت الله يرزقك وقع رجال عند كلمتك واخر شي قالي بطلت ابيع اليوم كلمته من حساب ثاني كم سوم قالي12 والحد 15 م يعرف انو انا كلمته من قبل
››   0556355985
›› 9
››   قبل 4 أسبوع
السعدي والله العظيم شي غير طبيعي واسلوب احترافي لعنهم الله الانتباه والحرص واجب
››   alsaadi122
›› 10
››   قبل 4 أسبوع
م نقول غير حسبنا الله ونعم الوكيل بس دام هذ برنامج بيع وشراء ليه مافيه حقوق يعني حت لو في حد نصب او خذا حق حد يقدور يجيبوه لازم الحستب موثق يكون لاكن برنامج سايب مافيه الا المصايب
››   alsaadi122
›› 11
››   قبل 4 أسبوع
اغلب النصب ف تجديد الرخص والاستماره ونقل سيارات وفحصها وخدمات كثيره
››   alsaadi122
›› 12
››   قبل 4 أسبوع
في ناس تكتب مطلوب سياره كذا كذا يجيك واحد يقول كم تبي ولا اسوم مدري كم والاعلان مطلوب يعني حت لو لاقيت شي ع قد فلوسك يجيك مخربين يسوم سياره م تسوا ريال بقيمه جديد
››   0556355985
›› 13
››   قبل 4 أسبوع
عاد اللي يسوم اهون شوي المصيبه اللي يطلب عربون او اللي يقول لك حول ويسحب عليك
››   alsaadi122
›› 14
››   قبل 4 أسبوع
الله المستعان بس م يفكرو ان في اخره يتحاسبو فيها ع المال الحرام واكل حق الناس وبعضهم ضروفهم صعبه ويجيك واحد مم الاشكال ذي ينصب
››   خ ف ع 240
›› 15
››   قبل 4 أسبوع
‏يا أخي الكريم السيارة هذي البارح او قبل البارح أنا شفته علي موقع ‏العنوان العلان ب حائل السيارة بنزين أنا شكيت بوضعه ردوا عليها الأعضاء السيارة مواصفات بنزيم هذي لنا على الصورة ما رد كيف جاء الطريف على الموقع ‏إعلان حائل

››   0556355985
›› 16
››   قبل 4 أسبوع
قبل البارح نعم بفضل الله سبحانه تعاملت معه بحذر ورفضت احول الفلوس باسمه
››   cat966c
›› 17
››   قبل 4 أسبوع
المفروض حتى المزاودة ماحد يقدر يستخدم عضوية حراج الا بتأمين ١٠٠٠ ريال

لو وقف عليك السوم تشتري إجباري او العربون يروح للبايع لان في ناس تسوم ولا تشتري
››   ابوصقر1995
›› 18
››   قبل 4 أسبوع
الله يجزاك خير ويرحم والديك فيه واحد نصب علي قال حول عربون السياره مافيها شي وعلى الفحص وضربت مشوار من الرياض لا القصيم وفحصت السياره لقيتها منتهيه ورفض يرجع العربون ماقول الا الله يسامحه وكثير من حقين الحراج يقول السياره وكاله ع الفحص وتحول عربون وتضرب مشوار وتفحص يطلع غير كلامه ويروح العربون
››   0556355985
›› 19
››   قبل 4 أسبوع
الله لايوفق من كذب على شخص الناس مدري وش اللي جاهم
››   ali113240
›› 20
››   قبل 4 أسبوع
ياربع صلو على النبي ترو في حراج خاصية تقدر تسترجع فلوسك من عيونه صور المحادثة في الواتس اب وحراج وارفعها لحراج خلال ايام معدودة تسترجعها.
››   0556355985
›› 21
››   قبل 4 أسبوع
علي اذا تقدر تخدم ذا لك الاجر ......: ابو نايف الشهري
قبل: 14 ساعه و 6 دقيقه
بخصوص إعلانك رقم 50845283
بخصوص إعلانك رقم 50845283
ورب الكعبه هوابن الحرام ضحك على بعشرين الف
وحتى ماهي على حسابه
حسابه هو بس عربون عليه 500
ابن حرام لي سنه والله ماحصلت منه شي جحد وموعد جلسه شهر 4
طلبت من الشيخ يحلف واناشريت بالله وحده ناصر المظلوم
››   0556355985
›› 22
››   قبل 4 أسبوع
ابو نايف الشهري قبل فتره اخذ عليه الشخص نفسه ٢٠ الف علمه كيف الطريقه
››   aburashed alshehri
›› 23
››   قبل 4 أسبوع
السلام عليكم ورحمة الله وبركاته
اسعد الله مسائكم بكل خير
للاحاطه والاهمية والحذر
انتبه من استعمال الألفظ حتى لا تكون عرضه للجزاء والعقاب فمن الممكن يشتكي عليك ويصور المحادثه او يشتكي عن طريق النيابه وترفع المعامله لهيئات الاتصالات ويسحبون برنت كامل عن المحادثه حتى يثبت حقه ضد الشخص اللذي تلفظ وهنا تصبح معرض للعقاب اولاً وثانياً يضيع حقك لانك منفعل وتصبح خسران بكل الاوضاع
ولكن عند ضبط النفس تستطيع اخذ حقك بالقانون والنظام
تقبلو مروري ولكم وافر الشكر والتقدير والاحترام
››   0556355985
›› 24
››   قبل 4 أسبوع
طيب يبو راشد الشهري يعني اللي يصير فيه نفس كذا يسكت ويخلي غيره يروح بنفس الطريقه ولا يحذر الناس من النصب والاحتيال ايش الطريقه
››   aburashed alshehri
›› 25
››   قبل 3 أسبوع و 6 يوم
ابد وانا اخوك
الاولين قالو ما يضيع حق وراه مطلب
وانا اخوك انت تبغى تاخذ حقك بالوفاء والتمام ولكن مع الاسف وقت الزعل تضيع حقك وبدل ما يصير الحق معك يصير الحق عليك
انت ما قصرت اسال الله ان يجزاك كل خير وان يكتب اجرك على تنبيهك المسلمين من مثل هذا التحايل والنصب وانا معك واشد ساعدك على اننا نتكاتف وننتبه من التحايل والنصب
ولكن قصدي الله يطول عمرك والحاضرين اننا ننتبه من وقت غضبنا لان اللسان سيف على رقابنا قد يعطينا حقنا وقد بضيعنا ويضيع اشياء كثيره وتكون العواقب وخيمه من حق عام وحق خاص ومثلك يعلمنا ونتعلم منه الله يحفظك
››   0556355985
›› 26
››   قبل 3 أسبوع و 6 يوم
الله يحفظك يبو راشد انا قلت لاحد يحول باسم اي شخص حول باسم معرض فقط وانا مانزلت لاصورت بطاقته ولا صورة استماره ولاشي بالرغم انها معي
››   aburashed alshehri
›› 27
››   قبل 3 أسبوع و 6 يوم
انا معك يالغالي
لكن شوف المحدثه اللي مع ابو نايف الله يحفظك
››   utah boy
›› 28
››   قبل 3 أسبوع و 5 يوم
جزاك الله خير على النصيحة الطيبة ..
››   قبل 3 أسبوع و 2 يوم
انا انصب علي مرتين. عن طريق الموقع. وتوبه . بعدين محول لاحد ولا اتعامل مع مجهول.
١ . بيستخرج سايق. وزور اوراق وصار جوده. وقفل جواله.
٢ . حساب مواطن .اظافه.. ولا سوى شي بعد ماحولتله. .مايرد على الواتس.
.٣. واحد بمكتب العمل يرفع النسبه. . حولتله وسحب.
.
وياكثرهم.#
لاكن مانقول الا الله.. يسامحهم. .
.
.لاكن . لاحد يحول ريال الا بمعرض. ولا يد بيد
››   0556355985
›› 30
››   قبل 3 أسبوع و يوم
الله لايسامحهم .. صدقت التحويل على معرض او يد بيد فقط غيرها لا
››   talal13901020
›› 31
››   قبل 2 أسبوع و 4 يوم
للعلم اشتك عليه يوقفون خدماته من تشتكي عليه بعدها يجيك يترجاك تلغي الشكوى ب ذالك تضمن يرجعن فلوسك وانت مريح راسك ف اشتك ومايضيع حقك الحين النظام ممتاز ناصفك١٠٠‰ مايضيع حقك دام التحويل داخلي..
ف انصح اذا التحويل خارجي لاحد يحول ابد
››   0556355985
›› 32
››   قبل 2 أسبوع و 2 يوم
الله لايزفقه انشاء الله ولا يوفق منهم على شاكلته
››   الجوابر1
›› 33
››   قبل 19 ساعه و 22 دقيقه
بعض الناس يهون السالفة ويقول اشتك. ويرجع لك حقك خلال ايام ..... واذا شفت اللي يقول لك قدم شكوى في كلنا امن .... ترى ماعندة سالفة

لاتحول ابدا وخل شغلك يد بيد فقط
››   0556355985
›› 34
››   قبل 19 ساعه و 21 دقيقه
هذا الكلام الصح يد بيد غيره مافيه او معرض معروف غير كذا لا
››   ام غلاا 4430
›› 35
››   قبل 8 ساعه و 21 دقيقه
اقتراح ليش ما يكون هناك تحويل باسم الموقع ولا يتم تسليم المبلغ للمعلن الا وقت التسليم والاستلام من قبل البايع والمشتري وهناك رسالة اشعار بالاستلام. وخاصة بالسيارات والعقار والعربون المقدم.ويحق لموقع حراج اضافة مبلغ بسيط كاوسيط غير مبلغ العمولة والمبلغ يكون ثابت ٥٠ ريال...مجرد اقتراح
››   0556355985
›› 36
››   قبل 8 ساعه و 11 دقيقه
هذا الصح .. لاكن الاهم ان اي حساب ينفتح بحراج يكون برقم الهويه ويكون مسؤول عليه صاحبه وعند الدخل لازم رقم تاكيد نفس طريقة ابشر بيكون الموقع مكوم صح ولا طريق للنصابين

يجب عليك تسجيل الدخول حتى تتمكن من إضافة رد.