الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» يوكن XL دبل او سوبربات دبل

قبل 11 شهر و 2 أسبوع
آخر تحديث قبل 3 شهر
#50962192
إخواني الكرام بكل أمانة وصدق أرغب في سيارة عائلية فئة يوكن XL أو سوبرمان دبل من موديل 2017 الى 2019 تكون نظيفة جدا وعلى الفحص و الضمان‏ من والى والموضوع فيه ذمة وأمانة إستحلفكم بالله من لديه سيارة بها عيوب او اعطال او حوادث ان لا يراسلني ويغشني ويظلمني لاني ابيها استخدام عائلي ومبلغها جمعته سنين من مرتبي
اتمنى منكم مخافة الله في البيع والشراء
يوكن XL دبل او سوبربات دبل
يوكن XL دبل او سوبربات دبل
هذا الإعلان قديم وتم إزالة رقم الجوال
بالامكان مراسلة المعلن عبر الرسائل الخاصة.

  جي ام سي

  يوكن

  يوكن 2017



إحذر من التعامل غير المباشر.
إستخدم القائمة السوداء قبل أي عملية تحويل
››   afz1387
›› 1
››   قبل 11 شهر و 2 أسبوع
لا تاخذ دبل ابداً
›› 2
››   قبل 11 شهر و 2 أسبوع
ممكن تعطيني السبب لو تكرمت
››   afz1387
›› 3
››   قبل 11 شهر و 2 أسبوع
الدبل اهم شي انه ثقيل
واذا تقول ان فلوسك جمعتها سنين عشان تشتري جمس
ف اكيد ماراح تطلع جبال ولا تدخل برر. وراح تحافظ على موتر
وبالتالي انت ماتحتاج الدبل

وناهيك عن اعطالات الدبل المستمره وتعليقاته
››   xxbnmh1gmail.com
›› 4
››   قبل 11 شهر و 2 أسبوع
صدقت اكثر الناس ما مدح الدبل يقول ثقيل وخراباته واجد وفي الاول والاخير ما تقارنه بالصالون ادور انا جمس تاهو ٢٠١١ نظيف ما حصلت
›› 5
››   قبل 11 شهر و 2 أسبوع
‏سلام عليكم عندي زميل في الدوام عنده تاهو دبل 2007 استفسرت منه فقال لي أنا سيارة استخدمها كأنها لاندكروزر ما اترك مكان إلى وأروح و الدبل شد بلد ما عمري اشتكيت منه بأي شيء اهم شي إذا استخدمت السيارة استخدام صحيح وراح تعيش معاك واذا استخدام سيئ راح بتهذ لك حتى لو كانت فولاذ
››   أبـو ماجد
›› 6
››   قبل 11 شهر و 2 أسبوع
لا تأخذ إلا دبل
ياخي ما اشين من تغريزة الجمس
يا كثر اللي يغرزون وعوايلهم معهم اما على جال الخط لو وقف لأي سبب سواء للصلاة أو لقضاء الحاجة وايضاَ ياكثر اللي يغرزون على الشاطئ في الرمل
إلا بشرط ان تضمن انك ما تنزل متر عن الاسفلت
›› 7
››   قبل 11 شهر و 2 أسبوع
الا كسنت تطعس بالنفود تنسيم كفرات وأموره طيبه
››   أبـو ماجد
›› 8
››   قبل 11 شهر و أسبوع
الاكسنت تركبها في شنطة اليوكن

ما يجي وزنها ربع اليوكن
››   عايض90
›› 9
››   قبل 11 شهر و أسبوع
اقول اخذ دبل وانت مرتاح جميع سياراتي الي اخذته دبل من أكثر من ١٥ سنه اكثر الموديلات جربتها ولاعمري اشتكيت منها من شي ولاكن بعض الناس يفتي بمالايعرف يسمع من الناس أن الدبل ماهو كويس وبنا على مايقولون وهذا خطا
››   afz1387
›› 10
››   قبل 11 شهر و أسبوع
انحش من الدبل
›› 11
››   قبل 11 شهر و أسبوع
اخذ دبل وامورك طيبه اخوي دبل ٢٠١٢ واخوي الثاني دبل ٢٠١٦
ولا يشكون من شي
››   قبل 11 شهر
خذ الدبل واسمع الشور ـ لو تبي تبسط عيالك ولو حتى على جنب الطريق تخاف تنزل ولو نزلت يدينك ع قلبك والمصيبه لو غرز وانت على طريق سفر او في كشته والله تتمنا انك خسران الشي الكثير واخذت دبل

الله الله في متعتك ومتعة عيالك


سياره كبيرة بدون دبل لا تشتري نهائيا


واذا بتاخذ بدون دبل خذلك سياره صغيره عائليه اقل شي ٤ سرندل توفر بنزين

وسلامتك
›› 13
››   قبل 10 شهر و 2 أسبوع
الاخوء الافاضل الذين قدموا لي النصح والمشورة بخصوص هذا الاعلان
جزاكم الله خيراً وكتب لكم الاجر

واشكر الذي ارسلوا على الخاص او على الواتس

لازلت في طور البحث عن ما كتبته بهذا الاعلان

يحزنني بعض الاخوة العاملين بالمعارض حينما يعرض علي سيارة ويذكر انها شد بلد وليس بها اي رش او سمكرة او اعطال لاتفاحأ ان بها رش بوية اما بالصدام او بأحد اجزاء السيارة ويستحيل ان يكون ليس لديه علم بها
او انه يبالغ بسعرها بشكل غير منطقي ولا يقبل التفاوض ابدا ويتحدث معك بشكل متعالي وغريب
فمثلا سيارة ٢٠١٨ نفس مواصفات الاعلان (استاندر دبل ) اذا كانت نظيفة جداً لايمكن ان يتعدى سعرها١٢٠ الف حسب ما بلغتي من المختصين بالسيارات وكلما قدم الموديل نزل السعر من ١٥ الى ٢٠ الف حسب نظاقة السيارة


اتمنى ان اجد صاحب سيارة يرغب ببيعها وليس من اصحاب المعارض او وكلائهم المغالين جداً جدا جداً بسعر السيارات وبشكل غير منطقي
رغم ان الموديل الجديد لليوكنXL وللسوبربان نزل وبشكل مختلف


ارجوا ان نتقي الله في عدم الغش بالسيارات وعدم المبالغة بالاسعار.
›› 14
››   قبل 10 شهر و 2 أسبوع
والله ياخوي ما ادري وش اقولك بس الدعوه لا ضررا ولا ضرار
انا مثلك ادور بس مو معقوله ومستحيل ان ٢٠١٨ يكون اكثر شي ١٢٠ الف
سعر الوكاله ٢٠١٩ الستاندر ما يقل عن ١٨٠ الف اذا انا مو غلطان
يعني ما راح تاخذ ٢٠١٨ اقل من ١٥٠ الف
انا رايح الوكاله قبل اسبوعين عندهم دينالي اكس ال اصفار ٢٠١٧ ب ٢٥٠ الف
››   أبـو ماجد
›› 15
››   قبل 10 شهر و 2 أسبوع
صحيح
مستحيل تلقى ٢٠١٨ ب ١٢٠ ألف شبه نظيف
إلا أن كان مرشوشة كامل
ياخي والله إني ابطيت وانا أدور شي نظيف
لقيت ٢٠١٦ طويل دبل ماشي ٢٠٠ ألف ب ١١٠ آلاف
›› 16
››   قبل 10 شهر و 2 أسبوع
في الشارقة سويربان فل اوبشن اصفار ضمان دولي شد بلد٢٠١٨ ب٢٠٠ الف الى عندي ومضمون من الصدام للصدام
وقال المسؤل عن الموضوع ذا تعال دبي وخذ السيارة بسطحة وافحصها بالوكالة اذا فيها اي عيب او تعديل او توليف او اي مشكلة خلها مكانها وروح والله عرض مغري بس انا ميزانيتي الى١٣٠ الف
››   أبـو ماجد
›› 17
››   قبل 10 شهر و 2 أسبوع
٢٠١٨ ب٢٠٠ ألف ريال غالي

انت رح للي قال لك ٢٠١٨ ب١٢٠ ألف وقل له ان جبته لي عمولتك عشرة آلاف
يعني يطلع لك ب ١٣٠ ألف ممتاز
›› 18
››   قبل 10 شهر و 2 أسبوع
٢٠١٨ اصفاااااار فل كامل

الي حصلته٢٠١٨ استاندر ويقول١٦٠ الف
››   أبـو ماجد
›› 19
››   قبل 10 شهر و 2 أسبوع
دبل والا بدون
›› 20
››   قبل 10 شهر و 2 أسبوع
دبل
››   قبل 10 شهر و 2 أسبوع
تبي نصيحتي اضغط نفسك شوي وخذلك جديد وريح دماغك انا اخذت اليوم دبل Xl من الجميح ب ٢٠٧ الف وريحت دماغي من ألف والدوران الزين ماينباع مرتين
›› 22
››   قبل 10 شهر و 2 أسبوع
ودي والله لكن الميزانية محدودة بالرقم الي كتيته والمشكلك فيه سيارات تباع بالمبالغ ذي بس للاسف بعض الشريطية وخصوصا الاجانب يتقمص اسلوب سعودي ويبيع ويشتري ياخذ له نسبة وللمعرض نسبة يعني يشتري سيارة ب٨٠ يرقع فيها ب٥ الاف ويعرضها ب ١٤٠ الف
›› 23
››   قبل 10 شهر و 2 أسبوع
المفروض مايسمح له ايدا يبالغ بالشكل ذا ومفروض اي سيارة تباع يبين سعر البيع في المعرض بشكل رسمي ولا يسمح بالمبالغة في سعر البيع ابدا ويتم معاقبة المعرض الي يتعدى ربح اكثر من ٥٪؜
››   أبـو ماجد
›› 24
››   قبل 10 شهر و 2 أسبوع
مستحيل يشري سيارة ب٨٠ ويبيعها ب١٤٠ الا ان كان اللي شراها مغمم عيونه وما يشوف

الواحد مهوب يشري على طول
لازم يتابع الموقع أسبوع أو اسبوعين أو شهر ثم يصير عنده تقدير لقيمة السيارة اللي يبيها
›› 25
››   قبل 6 شهر و أسبوع
راجع اعلاني سوبربان ٢٠١٩ وكاله على أيدي ماشي ١٩ الف
›› 26
››   قبل 6 شهر و أسبوع
ماشاءالله تبارك الله
الله يبارك لك ويرزقك انا ابي السيارة تكون دبل (( دفع رباعي))

حفظك الله

يجب عليك تسجيل الدخول حتى تتمكن من إضافة رد.