الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» مرسيدس فياقرا وكاله

قبل شهر و 2 أسبوع
#64845437
- الموديل: مرسيدس - S
- الموديل: 2003
- القير: اوتوماتيك
- سلام عليكم ورحمة الله وبركاته ياخوان انا عندي مرسيدس فياقرا السياره اخت الجديده وطايح فيها الهودرليك
وودي ابدله با يايات اطالي والي يخبر لي يايات ايطالي او امريكي يكلمني على رقمي :raised_hand::tone_light:
مرسيدس فياقرا وكاله
وسيلة الإتصال :
+966556019824

  S

  S 2003

  مرسيدس



إحذر من التعامل غير المباشر.
إستخدم القائمة السوداء قبل أي عملية تحويل
››   aq1407
›› 30
››   قبل شهر و 2 أسبوع
طيب انت عطنا ايش تجربتك مع التحويل .. و هل فعلا فرقت معك ..

هل الورشة اللي تتعامل معها .. عنده مساعدات من شركة معينة ولا ترهيم وخراطة

عموما عطنا تجربتك علشان نستفيد .. لأن فعلا الأمر محير
››   aq1407
›› 31
››   قبل شهر و 2 أسبوع
من جانب اخر .. هل تعرف ورشة محترمة تشتغل في صيانة المرسيدس وأسعارهم وشغلهم نظيف .. علشان نتابع معهم كافة الصيانات
›› 32
››   قبل شهر و 2 أسبوع
هلا أخوي aq1407
انت كلامك بخصوص المجدد صحيح نوعا ما انه يفرق عن الاصلي اقل شي في الطول والخدمه بس مايفقد جميع الميزات خاصة لما تقول 80 ٪ ولا 90 ٪ كان محد ركب مجدد ي جديد او تشليح اصلي او عادي ذا كان قصدي..
بخصوص تجربتي مع التعديل فعلا تعبت من التعديل لين وصلت لشي الحمد لله تقدر تقول مرضي
›› 33
››   قبل شهر و 2 أسبوع
أول تحويل اللي هو بس يحط لك ياي وصوف وكعكات واحلى مناقز وأصوات وقربعه م تمشي شهر وميول واضح بالسياره ومسحيه
ثاني تعديل في المخرطة اللي قلت لكم يقص لك المساعدات ويشيل قلب المساعد الداخلي اللي يجي مساعد زيت صغير ويبدله بمساعدات فرخ شبح خلفيه وياي ألماني كلها جديدة وربل وماشاء الله وسمعت بعض حقين الورش يتعاملون معه حتى ..
بخصوص الورش كثيره الورش.. انت في اي منطقه ي خوك؟
›› 34
››   قبل شهر و 2 أسبوع
وذا رابط لأحد اللي عدل عندهم وصور شغلهم ويمدحه
https://youtu.be/1cA_UU9hjP4
››   aq1407
›› 35
››   قبل شهر و 2 أسبوع
أنا في الرياض ..

يعني .. حسب ما فهمت منك .. ان التعديل الأخير يعتبر راضي عنه .. لايوجد اصوات قربعة والاهتزازات اقل
››   aq1407
›› 36
››   قبل شهر و 2 أسبوع
طيب إذا الامور تمام مثل ما تفضلت ..

كم اخذ لك من سويت التعديل الأخير ..

كذلك إذا تزودني بعنوان و رقم التواصل مع الورشة
›› 37
››   قبل شهر و 2 أسبوع
ايوه الحمد لله ولا لاحظت مسحيه ولا شي ماشأء الله..
بخصوص الاهتزازات وش قصدك ..تنطيط يعني؟
››   aq1407
›› 38
››   قبل شهر و 2 أسبوع
اي نعم .. إذا مطب او حفرة ..

من جانب ثاني اللي عندي .. صاحبها السابق محولهم الى يايات .. لكن مو مرتاح لهم لان فيها تنطيط مع اي مطب او حفرة ..
›› 39
››   قبل شهر و 2 أسبوع
التنطيط ي غالي او المناقز سببه اذا المساعد مفقوع.. ليه اللي مايبدلون قلب المساعد يكون عندهم تنطيط لان النساعد الداخلي عمره مثلا 15 سنه مساعد الزيت اللي يجي داخل الايرماتيك بيكون متهالك عشان كذا تنطط..
ودام شغلك تمام فما يحتاج تخاف من مطبات او كباري حتى والله يوفقكم
››   aq1407
›› 40
››   قبل شهر و 2 أسبوع
الله يجزاك خير،

طيب ممكن تزودني بمعلومات عن افضل ورشة لصيانة المرسيدس.

كذلك معلومات عن المخرطة.
›› 41
››   قبل شهر و 2 أسبوع
وياك أخوي والجميع..
أفضل ورشه وين بالزبط؟
أي مدينة؟
››   aq1407
›› 42
››   قبل شهر و 2 أسبوع
أنا في الرياض
››   0536179731
›› 43
››   قبل شهر و أسبوع
السلام عليكم ورحمة الله وبركاته
ي شباب الله يسعدكم جميعاً
انا عندي فياقرا ٢٠٠٣
تعبت مع الهدرلك
ومن زمان ونا افكر بتحويل إلى عادي
الي خابر ورشه ممتازه تعديل
يدلنا عليها
جده أو الرياض او اي مكان
بس يكون ثقه في شغله ويخاف ربه
مابي قربعه ومابي حذفه ولا ابي أوجع راسي
كثير مدحو العادي وكثير عيبو في العادي
تكفون افيدونا ياهل الرياض وأهل جده
عن ورشه تعدل

والله يرحم والديكم جميعاً ويرزقكم من واسع فضله
كمان الي عنده قروب مرسيدس واتس
هذا رقمي 0536179731 الي عنده خبره في الكلم هذا يراسلني الله يعطيكم العافيه
واعتذر جدا جدا جدا على الإطالة
›› 44
››   قبل شهر و أسبوع
أخوي راجع رسايلي فوق بتشوف تعليقي ع التحويل ودليت الاخوه على ورشة تعديل ممتازه
››   0536179731
›› 45
››   قبل شهر و أسبوع
بيض الله وجهك ورحم الله ولديك وطل الله بعمرك
ممكن تتواصل معي واتس اذا ماعليك امر
››   0536179731
›› 46
››   قبل شهر و أسبوع
هذا رقمي 0536179731
›› 47
››   قبل شهر و أسبوع
ووجهك أبيض
أبشر على خشمي
››   0536179731
›› 48
››   قبل شهر و أسبوع
الله يبشرك بالجنه
››   abod2300
›› 49
››   قبل شهر و أسبوع
لو المساعدات بتكون مريحه مثل الهدروليك كان نزلت شركه مرسيدس فياقرا وفوق بمساعدات عاديه انا حولت سيارتي بقطع اصليه وشغل كويس بس للامانه فيه فرق كبير من ناحيه مطبات ولفات ورساوه راحت كلها مع المساعدات العاديه غير الاصوات قطقطه تسمعها من داخل الطبلون غير هدروليك افضل تندمت اني غيرت مساعدات وسلامتكم
›› 50
››   قبل شهر و أسبوع
مساعدات ٦٠٠ زيت ما تنفع معه؟
›› 51
››   قبل شهر و أسبوع
تقصد التحويل لعادي ي بوإيلاف؟
اذا تقصد تنفع لاني اذكر احد الزملاء موتره 500 زيت وحوله لعادي بس كلفه ذيك الايام لانه ماكان عنده خبره وبدل العضلات من تحت حولها اتوقع نفس عضلات اللي تجي هوا عشان تركب ويتعدل
›› 52
››   قبل شهر و أسبوع
بالنسبه للأخ عبود الرد رقم 49
أنا معك انها مو مثل الهيدروليك او الايرماتيك ولكن أفضل من ناحية التوفير والخدمة خاصة مع بعض الاستغلال في الصيانة ورداءة بعض القطع كبعض المجدد والتشليح..
بالنسبه للشركة صحيح تطرح لك مواصفات ومزايا بس كل شي بحقه هي أيضا تدور الفايدة وافهم ي فهيم
››   abod2300
›› 53
››   قبل شهر و أسبوع
بالنسبه للهدروليك الهواء قطعه رخيصه المستعمل المساعد الواحد مستعمل اصلي تاخذه ب ٥٠٠ لين ٤٠٠ ريال
واذا انك محافظ يعيش معك عمر
بالمسبه للمساعدات تكلفك اقل شي ٣٠٠٠ الاف اذا مو اكثر وحدك سنه بالكثير والمساعدات مفقعه وتضطر تغير طقم مساعدات اما الهدروليك يخدم افضل من المساعدات
›› 54
››   قبل شهر و أسبوع
كان عندي تريله مان غماره كبيره كلها مساعدات هوا للغماره وكذالك المراتب هوا قمه في الراحه لكن احد الزملا عدلها مساعد زيت وكل فتره يغير مساعدات غماره لان الغماره ثقيله والثنيه مايقدر يشرب كوب شاهي والتريله تمشي تكب على ملابسه
››   nawaf5548649
›› 55
››   قبل شهر و أسبوع
لاهنتم اللي مجربين الفياقرا هل هي اعتماظيه وليش افضل نوع فيها للمستخدم 350 أو 500 وايش عيوبها
››   nawaf5548649
›› 56
››   قبل شهر و أسبوع
اعتمادية
››   1334_hassun
›› 57
››   قبل شهر و أسبوع
الرد على نوااف
انا مستخدم ٢٠٠٣ 350
سياره اعتماديه بالكامل بس عيبه المساعدات
حولته عادي بس السياره انعدمت فيه اليونا
ومن ناحية الثبات قل بس مو بالحيل
›› 58
››   قبل شهر
أسأل مجرب الفياقرا تخدم خدمه مالها مثيل واشخلها مع الخطوط شخل. دقت معي خمس سنوات ضرب فيها واحد مساعد وبدلته ب ٦٠٠ ريال وكذلك موتور هواء الهيدروليك ب ١١٠٠ ريال ولامثيل لها بالرساوه وعزل الصوت اشوفها أفضل من البنوراما صراحه
››   nawaf5548649
›› 59
››   قبل شهر
اشكركم على الأفادة الله يسعدكم

يجب عليك تسجيل الدخول حتى تتمكن من إضافة رد.