اسمحوا لي بالمشاركه
انا من مستخدمي السوناتا
تقريبا من مديل ٢٠١١ الى ٢٠١٨ كلها امتلكتها
ابرز العيوب
*مشكلة المكيف حق الوكاله يخرب و خصوصا مع الحر
* بعض السيارات تجي طقه بالقير لمن تهدي
* كتاوت المروحه في مديل ٢٠١٨ /٢٠١٩ دايم يخرب و ترتفع الحراره
*العيب المصنعي في طرمبة الزيت في ما معناه انو ابسط تفريط في الزيت لفتره زمنيه قليله تجاب معك طرمبة الزيت و تخبط
*
نصيحة مجرب لا تفكر في السوناتا مشاكلها كثيره انا مطلع السياره با اسمي من الوكاله وبعطيك ايش الاشياء الي واجهتها اول شي صوت مع الدعسه او الطلوع في العقبات صوت خشخشه من المكينه صوت عالي مو بسيط وهذا عيب مصنعي فيها غير كذا البطاريه مغيرها مرتين والسبب من الدينمو واغلب الناس عندهم نفس المشكله غير كذا دودة الدركسون فيها مشكله واغلب الناس تعاني منها وعندي المكيف صار ضعيف بعد ممشى 30 الف وعندي كراسي المكينه وكراسي القير يبغالها تغير مع ان استخدامي كويس وهادي وحاليا عندي صوت من شداد السير يبغاله تغير صوت صرصره عالي مع العلم ان السياره ما كملت معي سنتين نصيحه لوجه الله ابعد عن السوناتا اذا ودك في الكوري خذلك اكسنت او النترا اما اذا تبغا سياره من نفس الفئه عندك المازدا والكامري هي افضل شي حاليا والله يختارك مافيه الخير
السلام عليكم ورحمة الاه وبركاته
مساء الخير جميعآ
السوناتا فيها عيوب وفيها مميزات لكن مميزاتها اكثر من عيوبها ومن ابرز عيوبها / ضعف المكيف النتعة في القير وحلها بالبرمجة الفتحة فيها صوت الاصطب الخلفي الليد يخرب عادة ولك يتصلح فيش المراوح يسخن بالنبسة للماكينة يغُير الزيت 15w40ويتغير معه السيفون وماراح يصير في الماكينة اي مشكلة
وبشكل عام قطعها رخيصة ومتوفرة بكل مكان اتكلم لكم من واقع تجارب عدة وبيع وشراء فيها وإذا احد يبي يبيع سوناتا أنا اشتريها منه 0592484848
الزيت على حسب منطقة اذا الجو عندك بارد ماعندك اشكاليه ممكن تغير زيت خفيف شوي اما المناطق الحاره يفضل زيت ثقيل لان اذا ارتفعت حرارة المكينة يصير الزيت خفيف مره يعني احسب تحط زيت خفيف و هو ف العلبة يعني راح يكون ف المكينه زي الموية و راح تخبط فوراً لكن اذا الزيت ف العلبة على حرارت الجو ثقيل راح يكون ف المكينه معا الحراره مناسب لها تكون المكينه تتحرك اجزاءها بسلاسه معا الزيت اما اذا عاد مثل الماء الاجزاء تتحاكك و تتآكل و تنتهي هذا ف اي سيارة معروف و للعلم اللي عنده سياره ديزل يكون زيتها اثقل من زيت مكينة البنزين بكثير لان حرارة مكائن الديزل عاليه جداً و اللي شاف نظام عمل مكينة الديزل راح يفهم ليش لازم الزيت يكون ثقيل و راح يعرف سبب صوت المكينه :joyful: اولاً المكينه يحدث فيها الاحتراق بواسطة ضغط الهواء و ليسى شرارة البوجي مثل البنزين و الحرارة داخل غرفة الاحتراق عاليه جداً جداً و الكمينه معدنها سميك جداً لتقليل الصوت و تتحمل الضغط و طولنا الموضوع مره لكن حبيت افيدكم
والله العظيم ي اخوان اني مستخدم لسوناتا 2018 ستاندر واني م لاخكجظت فيها الكلام الي تقولون الوحين ماشي عليها 90 الف لا لاحظت نتعه في القير ولا ضعف في المكيف
اول قولو ماشاء الله تبارك الله
عندي سوناتا 2018 نص فل بانوراما جنط 18
والله على ما اقول شهيد ممشيها الان 197 الف بتغلق الميتين الف ، ومن فكيتها اصفار لا سويت لها صيانه بالوكاله ولا تشيكيات ولا شي عن الذمه جيت الوكاله يوم مشت 5 الاف وغيرولي الزيت ولا عجبني شغلهم وهذاك وجه الضيف ، اغير زيت بترومين لين ممشاها 170 الف وبعدها يوم غلى سعر التغيير عندهم قمت اروح قطع الغيار واخذ زيت وكالتها منهم وبعدها اقرب ورشه اغيره ب 30 ريال عمل يد
واستخدامي لها والشاهد الله ما ارحمها والمطبات دايم اخذها سفري ولا شكت ولا مكيف خف ( فريون بلدها حتى الان ) ولا نتعه بالقير ، على طاري القير اغيره عند اي ورشه كل 80 الف فقط غيار زيت وزي الحلاوهه
بكتب الاشياء اللي من فكيتها اصفار حتى ممشاها 197 الف تعطلو معي والله بيحاسبني على كلامي وهي كالتالي
جتها رجه من السرعه 40 الى 80 وطلع عكس يمين وصلحته ب 250 ريال وضبطت
وبعدها فتره بكم شهر رجعت الرجه وطلع العكس القصير اليسار وغيرته من التشليح ب 450 وعمل يد 60 ريال
وهوبات خرطتهم مرتين
وفحمات بدلتهم برضو مرتين
وبطاريه 80 امبير بدلتها ب 380 ريال مرتين من وكالتها
والكفرات يعني الاشياء الاستهلاكيه والفلاتر
وسلامتكم وطولت عليكم بالكلام لاني في الانتظار وجبت لكم تجربتي مع سوناتا 2018 نص فل بانوراما ، من يوم كانت اصفار حتى ممشى 197 الف وهي تحت رجلي واكد عليها صح ماعلملتكم ولا لاحظت عليها شي لا طقطقه ولا نتعه فقط العيووب اللي ذكرتها فوق واذكرو الله وفي امان الله
