(نصيحة عامه حقين البترول خاصه الحكومية ) الفتره هاذي الاسعار زي منتم عارفين دبل الدبل باختلاف الممشى نصيحة كخبره اما خذها ولاكبها عشان محد يسوقها عليك وينصب ويضحك عليك السيارات الحكوميه عامه ماتسجل بموجز ولاعمرها دخلت مراكز فحص فالشريطي ياخذها من مزاد سو كان ممشى قليل او كثير اذ كان قليل نزل ف العداد وراح يثبتها ب الفحص وقالك مخزن وساقها عليك ولاتثبت عليه شي وان كان كثير برضو نفس الطريقه. فالموتر قطعه من ذهب عنده يمدي يغير هيكله كامل حتى شواصيه ولايمديك تثبت عليه شي ف يرفع سعرها عليك دبل سوقهم الشتاء . وتجي العالم تسوم 30 و40 و50 ماتدري عنه تشوف ممشى قليل يقول مخزن . الحكومي اي قطاع مايجي مسجل في موجز ولا قد فحص من وكالته والي يشريه يعدل عليه الي يبي وينزل بالعداد او يسوي اي شي ويدخله فحص ب اسمه ويجي يسوقها على الناس بحراج نصيحة وحبيت اقدمها ودري بينضغطون لاني كشفتهم والي يجيك يقول مخذها مدري عنها او مافحصت نصيحه هج لاتحط دراهمك وبعدين تصير مقاول الصناعيات وحلالك خساير هم ناشب بحلقوهم يبون يبيعون ع وحد غشيم وكسبان منه برضو انتبهو الي مايعطيك كامل التفاصيل ويجيك يمدح ب اعلانه مسوي تمديدات بر ويحط لك كم زبرقه يقولك متخسر بالموتر الناس صارت تبيع اذممها والله م قلت هالكلام الا من كذا واحد انصب عليهم يجي يدخل عليك بعينك ويشرط لك شرط ان هذا ممشاها اخذ الموتر بسعر قليل ونزل ف الممشى وثبتها بموجز ب اسمه وحط لك مغريات خارجيه وباعها عليك دبل وطلع راس ماله وزود والسعي وانت رحت تقاول الصناعيه اما تخبيط ولا بلا اخيرا - يقدر يعدل اي شي بالموتر ماتتوقعه لمن دخل الفحص نجح وفعلا يدخل بعينك ولاتثبت عليه شي حتى لو قدر غير قفش الموتر وشواصيه وهياكله ماحد يثبت عليه شي حتى لو انها جايه قلب ولاحوداث الحكومه تصلحها بدون اوراق فحص عندهم مراكز تصليح خاص لهم ولاترفق بموجز ولا اي شي